ទម្លាប់មិនគួរធ្វើបន្ទាប់ពីបរិភោគអាហារ ឬអាហារសម្រន់រួច
ការរំលាយអាហារគឺជាកត្តាមួយជះឥទ្ធិពលដល់គ្រប់ទិដ្ឋភាពនៃសុខភាពរបស់យើង ។ ដូច្នេះវា
ការរំលាយអាហារគឺជាកត្តាមួយជះឥទ្ធិពលដល់គ្រប់ទិដ្ឋភាពនៃសុខភាពរបស់យើង ។ ដូច្នេះវាមានសារសំខាន់ណាស់ដែលយើងគួរតែគិតគូរពីបញ្ហានេះឲ្យបានមុនគេ ។ នៅពេលការរំលាយអាហាររបស់យើងដំណើការមិនប្រក្រតី រាងកាយរបស់យើងមិនអាចស្រូបយកសារធាតុចិញ្ចឹមបានត្រឹមត្រូវទេ ។ យើងមានអារម្មណ៍អស់កម្លាំង និងក្រៀមក្រំ ។ ប៉ុន្តែការព្យាយាមផ្លាស់ប្តូររបបអាហារដ៏ច្រើនរបស់យើងនឹងធ្វើឱ្យបញ្ហានេះកាន់តែពិបាកជាងមុន ។ ទោះបីជាមានកត្តាជាច្រើនដែលអាចប៉ះពាល់ដល់ការរំលាយអាហាររបស់យើងក៏ដោយ ទម្លាប់ដែលយើងធ្វើ ភ្លាមៗបន្ទាប់ពីការទទួលទានអាហារក៏អាចជះឥទ្ធិពលយ៉ាងខ្លាំងក្លាដល់ការរំលាយអាហារ ។
ខាងក្រោមនេះគឺជាទម្លាប់មួយចំនួនដែលអ្នកគួរចៀសវាងក្រោយពេលបរិភោគអាហាររួច ។
១-គេង ភ្លាមៗបន្ទាប់ពីបរិភោគអាហារ
ការទទួលទានអាហារពេលល្ងាច យប់ជ្រៅ និងចូលគេងភ្លាមក្រោយពេលបរិភោគរួច គឺជាទម្លាប់ដែលមនុស្សភាគច្រើនចូលចិត្តអនុវត្ត ប៉ុន្តែសកម្មភាពនេះអាចជារឿងដ៏អាក្រក់បំផុតដែលអ្នកកំពុងបំផ្លាញខ្លួនឯង ។ ការគេងភ្លាមក្នុងរយៈពេល១ម៉ោងបន្ទាប់ពីបរិភោគអាហារត្រូវបានគេរកឃើញថាមានគ្រោះថ្នាក់បំផុតចំពោះអ្នកដែលមានជំងឺដាច់សរសៃឈាមក្នុងខួរក្បាល។ កត្តាដូចជាជាតិស្ករក្នុងឈាម កូឡេស្តេរ៉ូល និងលំហូរឈាមបន្ទាប់ពីបរិភោគអាហារអាចជួយបង្កើនហានិភ័យនៃជំងឺនេះ ។
២-ផឹកទឹកតែ ភ្លាមៗក្រោយបរិភោគ
ភេសជ្ជៈដូចជាតែអាចទប់ស្កាត់ការស្រូបយកជាតិដែក ដោយសារតែបរិមាណដ៏ច្រើននៃសារធាតុ polyphenolic ដែលមានក្នុងតែ ។ កង្វះជាតិដែកអាចនាំឱ្យមានជំងឺស្លេកស្លាំង និងបញ្ហា ផ្សេងៗទៀតនៅក្នុងរាងកាយ ។
៣-ធ្វើលំហាត់ប្រាណភ្លាម
ការធ្វើលំហាត់ប្រាណ ភ្លាមៗក្រោយពេលបរិភោគមិនត្រឹមតែបង្កើនហានិភ័យនៃការរមួលក្រពើនោះទេ តែវាអាចប៉ះពាល់ដល់គុណភាពនៃការហាត់ប្រាណ និងគុណភាពនៃការរំលាយអាហាររបស់អ្នក ។ នេះគឺជាទម្លាប់មួយដែលអ្នកគួរតែចៀសវាងក្រោយពេលបរិភោគអាហារ ។
៤-ជក់បារីបន្ទាប់ពីទទួលទានអាហារ
ការជក់បារីបន្ទាប់ពីបរិភោគអាហារអាចធ្វើឲ្យបាត់បង់ជីវជាតិភាគច្រើនពីអាហារ ។ វាក៏ប៉ះពាល់ដល់ការស្រូបយក និងការប្រើប្រាស់វីតាមីន និងសារធាតុរ៉ែ សំខាន់ៗជាច្រើនផងដែរ ។
៥-ងូតទឹក
ប្រសិនបើអ្នកងូតទឹក ភ្លាមៗក្រោយពេលបរិភោគអាហារ រាងកាយរបស់អ្នកនឹងជំរុញលំហូរឈាមទៅកាន់ស្បែករបស់អ្នកយ៉ាងឆាប់រហ័សដើម្បីសម្រួលដល់ការប្រែប្រួលសីតុណ្ហភាព ។ នេះមានន័យថារាងកាយរបស់អ្នកនឹងមានឈាមតិចជាងមុនដើម្បីជួយដល់ការរំលាយអាហារ ។
៦-បរិភោគផ្លែឈើ
ផ្លែឈើត្រូវការអង់ស៊ីម ខុសៗគ្នាដើម្បីរំលាយ ហេតុដូច្នេះវាជាការប្រសើរបំផុតក្នុងការទទួលទានផ្លែឈើនៅពេលពោះទទេ ។ ប្រសិនបើអ្នកបរិភោគវា ភ្លាមៗបន្ទាប់ពីអាហារ រាងកាយរបស់អ្នកនឹងមិនអាចរំលាយវាបានត្រឹមត្រូវនោះទេ ។ នេះគឺជាទម្លាប់មួយដែលអ្នកមិនត្រូវធ្វើ ភ្លាមៗបន្ទាប់ពីបរិភោគអាហាររួច ៕
ចែករំលែកព័តមាននេះ