ជនបរទេសជាង៧មុឺននាក់កំពុងរស់នៅកម្ពុជាដែលកាន់កា.ប់ឯកសារមិនប្រក្រតី
រាជធានីភ្នំពេញ ៖ រហូតមកដល់ពេលនេះជនបរទេសជាង៧មុឺននាក់កំពុងរស់នៅកម្ពុជាដែលកាន់កា.ប់ឯកសារមិនប្រក្រតីត្រូវអាជ្ញាធរប្រកាសលុបចោល
រាជធានីភ្នំពេញ ៖ រហូតមកដល់ពេលនេះជនបរទេសជាង៧មុឺននាក់កំពុងរស់នៅកម្ពុជាដែលកាន់កាប់ឯកសារមិនប្រក្រតីត្រូវអាជ្ញាធរប្រកាសលុបចោល និងដកហូត នេះជាប្រសាសន៍លោកនាយឧត្តមសេនីយ៍ សុខ ផល អគ្គនាយកនៃអគ្គនាយកដ្ឋានអន្តោប្រវេសន៍ ក្រសួងមហាផ្ទៃបានថ្លែងក្នុងកិច្ចសម្ភាសជាមួយអ្នកសាព័ត៌មានបន្ទាប់ពីបញ្ចប់កិច្ចប្រជុំផ្សព្វផ្សាយអនុក្រឹត្យលេខ១២៩ អនក្រ.បកចុះថ្ងៃទី១៤ ខែសីហា ឆ្នាំ២០១៧ ស្តីពីការលុបចោល និងដកហូតឯកសាររដ្ឋបាលកម្ពុជាមិនប្រក្រតីដែលជនបរទេសកំពុងកាន់កាប់ប្រើប្រាស់ ក្រោមអធិបតីភាពដ៏ខ្ពង់ខ្ពស់សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួមហាផ្ទៃ នាព្រឹកថ្ងៃទី០៤ ខែតុលា ឆ្នាំ២០១៧ នៅសាលប្រជុំទីស្តីការក្រសួងមហាផ្ទៃ ។
នាយឧត្តមសេនីយ៍ សុខ ផល អគ្គនាយកនៃអគ្គនាយកដ្ឋានអន្តោរប្រវេសន៍បានឲ្យដឹងនិងបញ្ជាក់ថា ឯកសារមិនប្រក្រតីទាំងនោះមាន៦មុខដូចជាសៀវភៅគ្រួសារ សៀវភៅស្នាក់នៅ អត្តសញ្ញាណបណ្ណ និងលិខិតឆ្លងដែនជាដើមហើយរហូតមកដល់ពេលនេះអាជ្ញាធរ និងសមត្ថកិច្ចពាក់ព័ន្ធ បានប្រកាសលុបចោល និងដកហូតឯកសារមិនប្រក្រតី ដែលជនបរទេសមានរហូតទៅដល់ជាង៧ម៉ឺននាក់ កំពុងរស់នៅកម្ពុជាបានកាន់កាប់ដោយខុសច្បាប់ ។
សមត្ថកិច្ចធ្វើការដកហូតពីពួកគាត់ដោយឯកសារទាំងអស់នេះពុំមានប្រសិទ្ធិភាពក្នុងការប្រើប្រាស់តទៅទៀតទេ ហើយជនបរទេសទាំងនោះ នឹងឲ្យវិលត្រឡប់ទៅកាន់ប្រទេសរបស់ខ្លួន បុ៉ន្តែបើសិនជាចង់ស្នាក់នៅយូរអាចទៅដាក់ពាក្យ សុំក្លាយជាជនអន្ដោប្រវេសន៍ស្របច្បាប់នៅអគ្គនាយកដ្ឋាននគរបាលអន្តោរប្រវេសន៍ ៕
ចែករំលែកព័តមាននេះ