នៅចាំអីទៀត! សាកល្បងបទពិសោធន៍ថ្មី ដំណើរកម្សាន្តបែបរឿងកប៉ាល់ Titanic
រាជធានីភ្នំពេញ ៖ ខណៈចំនួនប្រជាពលរដ្ឋកម្ពុជានិយមធ្វើដំណើរកម្សាន្តតាមទៅទីជិតឆ្ងាយទាំងក្នុង និងក្រៅប្រទេស អំឡុង
រាជធានីភ្នំពេញ ៖ ខណៈចំនួនប្រជាពលរដ្ឋកម្ពុជានិយមធ្វើដំណើរកម្សាន្តតាមទៅទីជិតឆ្ងាយទាំងក្នុង និងក្រៅប្រទេស អំឡុង
រាជធានីភ្នំពេញ ៖ ខណៈចំនួនប្រជាពលរដ្ឋកម្ពុជានិយមធ្វើដំណើរកម្សាន្តតាមទៅទីជិតឆ្ងាយទាំងក្នុង និងក្រៅប្រទេស អំឡុងពេលឈប់សម្រាកនានា ការដាក់លក់ជាកញ្ចប់នូវសេវាកម្មដំណើរកម្សាន្តក៏មានការកើនឡើងជាមួយនឹងការផ្តល់ជាជម្រើសជាច្រើនគួរជាទីចាប់អារម្មណ៍។
កញ្ចប់សេវាកម្មមួយក្នុងចំណោមសេវាកម្មជាកញ្ចប់សម្រាប់កម្សាន្តក្រៅបរទេសទាំងនៅប៉ែកអាស៊ី និងអឺរ៉ុប គឺមានដំណើរកម្សាន្ត ៣យប់៤ថ្ងៃមួយរបស់ក្រុមហ៊ុន XING FUWAH TRAVEL តាមជើងហោះហើរផង តាមកប៉ាល់ផង ពីកំពង់ផែកោះតៃវ៉ាន់ឆ្ពោះទៅកាន់កោះមីយ៉ាកូជីម៉ា និងកោះណាហា របស់ប្រទេសជប៉ុន ដែលជាដំណើរកម្សាន្តបានពីរប្រទេសក្នុងពេលតែមួយ ។ ជាបឋមគឺថា អ្នកដំណើរនឹងហោះហើរចេញពីរាជធានីភ្នំពេញ ទៅកាន់កំពង់ផែ Keelung ទីតាំងចតនាវាកម្សាន្តរបស់យើង។ មុនពេលឡើងលើនាវា ភ្ញៀវទេសចរណ៍ក៏អាចដើរកម្សាន្ត និងទិញឥវ៉ាន់លើទឹកដីកោះតៃវ៉ាន់ ដែលបច្ចុប្បន្នជាប្រទេសមួយមានសក្តានុពលខាងផ្នែកសេដ្ឋកិច្ច និងជាបេះដូងរបស់តំបន់អាស៊ីនេះផងដែរ។
ជាក់ស្តែងអ្នកអាចសាកល្បងទៅតម្រង់ជួរទិញអាហារពេលព្រឹក នៅ Fuhang Doujiang ដែលជាកង់ទីនអាហារដ៏ល្បីមួយទាក់ទាញចិត្តភ្ញៀវទេសចរណ៍គ្រប់រូបឲ្យទៅសាករសជាតិអាហារដ៏ឆ្ងាញ់ជាប់ចិត្ត ជាពិសេសអាហារដែលលោកអ្នកមិនគួរមើលរំលងនោះ គឺតៅហ៊ូស្អុយ និងទឹកសណ្តែកតែម្តង។
ហើយបន្ទាប់ពីនេះលោកអ្នកនឹងបន្តដំណើរផ្សងព្រេងយ៉ាងអស្ចារ្យនៅលើនាវាដ៏ទំនើបមួយ ដែលធ្វើឲ្យអ្នកអាចទទួលបានអារម្មណ៍រំភើប ហាក់បីដូចនិមិត្តខ្លូនឯងជាតួអង្គសម្តែងក្នុងរឿងកាប៉ាល់ទីតានិកផងក៏មិនដឹង។ ជាមួយនឹងបច្ចេកវិទ្យាដ៏ទំនើប ព្រមទាំងការត្រួតពិនិត្យយ៉ាងតឹងតែង នាវាមួយនេះនឹងផ្តល់ជូនលោកអ្នកនូវសុវត្ថិភាព និងផាសុកភាពយ៉ាងខ្ពស់បំផុត។
មានអាយុកាលជាង២០ឆ្នាំមកហើយ SuperStar Aquarius គឺជានាវាកម្សាន្តខ្នាតធំប្រវែង ១៩០ម មានកម្ពស់ ១២ជាន់ (អនុញ្ញាតឲ្យអ្នកដំណើរឆ្លងកាត់បាន ១០ជាន់) រចនាឡើងយ៉ាងសមសួន មានភោជនីយដ្ឋាន និងបា ១០កន្លែង អាងហែលទឹក អាងទឹកក្តៅ កន្លែងលេងបាល់បោះ វាយកូនគោល ហាងថែរក្សាសម្ផស្ស កន្លែងស្តាប់ភ្លេង បន្ទប់សម្តែង កាស៊ីណូ ទីតាំងលក់ទំនិញម៉ាកល្បីដោយមិនរាប់បញ្ចូលពន្ធ ព្រមទាំងមានបន្ទប់គេងដ៏ប្រណីតជាច្រើនត្រៀមចាំទទួលអ្នកដំណើរបានរហូតទៅដល់ជាង ២.០០០នាក់ គ្រប់ចម្រុះជាតិសាសន៍។
ក្នុងរយៈពេលនៃដំណើរកម្សាន្តនេះ ភ្ញៀវទេសចរណ៍នឹងទទួលបានអាហារ៦ពេល ដោយឥតគិតថ្លៃ (ក្នុងនោះមានអាហារសម្រន់ ៣ពេល)។ ជាទូទៅនាវានេះបើកឆ្លងកាត់សមុទ្រពីកោះមួយទៅកោះមួយនៅពេលយប់ មានន័យថា នៅពេលលោកអ្នកក្រោកពីដំណេកនៅពេលព្រឹក គឺលោកអ្នកបានមកដល់គោលដៅកោះថ្មីមួយទៀតជារៀងរាល់ថ្ងៃហើយ។ ដូច្នេះ ក្នុងករណីបើលោកអ្នកចាប់អារម្មណ៍ទៅលើការកម្សាន្តដោយការដើរទស្សនាទីក្រុង និងការទិញទំនិញ អ្នកអាចជ្រើសរើសជាវជាកូនកញ្ចប់សេវាកម្មដំណើរកម្សាន្តបន្ថែមទៀត ដើម្បីចាកចេញពីនាវានាពេលថ្ងៃ ទៅមើលសម្រស់ឆ្នេរដ៏ស្រស់ត្រកាល រមណីយដ្ឋាន និងបូជនីយដ្ឋានដ៏ប្លែកភ្នែកជាច្រើនទៀតលើទឹកដីកោះទាំងនោះ ព្រមទាំងបានទៅកន្លែងលក់ទំនិញដែលមានម៉ាកល្បីៗ គុណភាពល្អ ក្នុងតម្លៃពិសេសៗ ដោយមិនរាប់បញ្ចូលពន្ធទៀតផង។
ដំណើរកម្សាន្ត SuperStar Aquarius គឺសាកសមសម្រាប់ជាលោកអ្នកដែលមានចំណាប់អារម្មណ៍ចង់បានដំណើរកម្សាន្តទៅបរទេសដែលសមស្របសម្រាប់សមាជិកគ្រួសារ មិត្តភក្តិ ដៃគូស្នេហា ឬមិត្តរួមការងារការ ព្រោះ SuperStar Aquarius ជាក្រុមហ៊ុននាវាធំជាងគេលំដាប់ទី៣ លំដាប់ពិភពលោក Star Cruises ហើយវាជាដំណើរកម្សាន្តមួយដែលសមស្របគ្រប់កាលៈទេសៈ មិនថាអ្នកចូលចិត្តការកម្សាន្តបែបស្ងប់ស្ងាត់ជាមួយទេសភាព ឬក៏អ្នកចូលចិត្តភាពអ៊ួរអរ ៕
ចែករំលែកព័តមាននេះ