ដើមស្រល់ចំណាស់បំផុតលើលោកប្រឈមនឹងគ្រោះថ្នាក់
ដើមស្រល់មានអាយុវែងបំផុតនៅលើលោក គឺអាយុជាង៥០០០ឆ្នាំស្ថិតនៅ
ដើមស្រល់«Bristlecone Pine»មានអាយុវែងបំផុតនៅលើលោក គឺអាយុជាង៥០០០ឆ្នាំស្ថិតនៅក្នុងព្រៃ«Methuselah»លើកំពូលភ្នំ«White»នាភាគខាងកើតរដ្ឋកាលីហ្វ៊័រនីញ៉ា រដ្ឋណេវ៉ាដា និងរដ្ឋអ៊ុយតា សហរដ្ឋអាមេរិក ។ ដើមស្រល់នោះលូតលាស់នៅលើដី និងថ្មក្រោមសម្ពាធកម្លាំងខ្យល់ និងអាកាសធាតុមានសីតុណ្ហភាពខ្ពស់ ។ ទោះបីជាស៊ូទ្រាំបាននឹងអាកាសធាតុជាយូរឆ្នាំក៏ពិតមែន ប៉ុន្តែដើមស្រល់ដ៏ចំណាស់នោះបច្ចុប្បន្នកំពុងមានភាពរង្គោះរង្គើដោយសារបម្រែបម្រួលនៃអាកាសធាតុ ។
ការស្រាវជ្រាវចុងក្រោយរបស់អ្នកស្រាវជ្រាវពីមហាវិទ្យាល័យកាលីហ្វ៊័រនីញ៉ា បង្ហាញថា ដើមស្រល់ដែលមានជីវិតដ៏យូរលង់នៅលើពិភពលោកនេះកំពុងស្ថិតក្នុងសភាពគ្រោះថ្នាក់ ព្រោះតែបម្រែបម្រួលនៃអាកាសធាតុតម្រូវឱ្យវាបាត់បង់ឱកាសនៃការរីកដុះដាលនៅលើកំពូលភ្នំ ។
អ្នកស្រាវជ្រាវសង្កេតឃើញថាដើមស្រល់Bristleconeនៅមិនទាន់ប្រឈមមុខនឹងការផុតពូជទេ ដោយអាចរីកដុះដាលច្រើននៅតំបន់មួយចំនួន ។ ទោះជាយ៉ាងណាក្តីដើមស្រល់ចំណាស់មួយដើមនោះត្រូវតាមដានជាប្រចាំដើម្បីគាំពារ ៕
ចែករំលែកព័តមាននេះ