តើមហារីកសុដន់ជាបញ្ហាតំនពូជឬទេ?
រាជធានីភ្នំពេញ ៖ គ្រូពេទ្យបានប៉ាន់ស្មានថា
រាជធានីភ្នំពេញ ៖ គ្រូពេទ្យបានប៉ាន់ស្មានថា ជំងឺមហារីកសុដន់ប្រហែល ៥ ទៅ១០ភាគរយ មានជាប់ទាក់ទងនឹងការបំបែកហ្សែនដែលផ្តល់ពីជំនាន់មួយទៅជំនាន់មួយទៀត។ ក្នុងនោះដែរ ហ្សែនដែលធ្វើឲ្យកើតជំងឺមហារីកសុដន់ញឹកញាប់បំផុតនោះ គឺ BRCA1 និង BRCA2 ដែលវាទាំងពីរនេះនឹងបង្កើនការប្រឈមមុខនឹងជំងឺមហារីកសុដន់ផង និងក្រពេញអូវ៉ែផង។ នេះបើយោងតាមលោកសាស្ត្រាចារ្យ គួយ សំណាង ឯកទេសផ្នែកជំងឺមហារីកនៃមន្ទីរពេទ្យមិត្តភាពខ្មែរ-សូវៀត ។
បើសិនជាអ្នកមានគ្រួសារធ្លាប់មានជំងឺមហារីកសុដន់ ឬមហារីកផ្សេងៗទៀត គ្រូពេទ្យអាចនឹងណែនាំឲ្យធ្វើតេស្តឈាម ដើម្បីសម្គាល់មើលហ្សែនខាងលើនេះហើយ។
កត្តាប្រឈមមុខ ៖ កត្តាប្រឈមមុខដែលជាប់ទាក់ទងនឹងការបង្កើនហានិភ័យនៃការកើតជំងឺមហារីកសុដន់នោះមានដូចជា៖
• មនុស្សស្រី
• អាយុកាន់តែច្រើន
• ធ្លាប់មានប្រវត្តិកើតជំងឺមហារីកសុដន់ម្ខាងរួច
• មានហ្សែនបង្កជំងឺមហារីក
• ប៉ះពាល់នឹងកាំរស្មីច្រើន
• ធាត់ជ្រុល
• ចាប់ផ្តើមមករដូវដំបូងមុនអាយុ ១២ឆ្នាំ
• ចាប់ផ្តើមរាំងរដូវនៅអាយុច្រើនពេក
• មានកូនដំបូងនៅអាយុក្រោយ ៣០ឆ្នាំ
• មិនធ្លាប់មានផ្ទៃពោះ
• ការព្យាបាលដោយអ័រម៉ូនក្រោយរាំងរដូវ
• ញ៉ាំគ្រឿងស្រវឹង
ចែករំលែកព័តមាននេះ