រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រី បានបញ្ជាក់ប្រាប់បរទេសថា ការដែលកម្ពុជានិយាយសន្តិភាពញឹកញាប់ ដោយសារដើម្បីកុំឲ្យបាត់បង់ ព្រោះថា…
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រី បានបញ្ជាក់ប្រាប់បរទេសថា ការដែលកម្ពុជានិយាយសន្តិភាពញឹកញាប់ ដោយសារដើម្បីកុំឲ្យបាត់បង់ ព្រោះថា ពិបាករកណាស់ ។
ថ្លែងក្នុងពិធីប្រគល់សញ្ញាបត្រ ដល់និស្សិត នៃវិទ្យាស្ថានវ៉ាន់ដា នាព្រឹកថ្ងៃទី២២ ខែមីនា ឆ្នាំ២០២៣ សម្តេចតេជោ បានគូសបញ្ជាក់ថា ៖ «ខ្ញុំចង់ឲ្យអ្នកទាំងអស់គ្នា.. ប្រទេសអាល្លឺម៉ង់មានសន្តិភាព ក្រោយសង្គ្រាមលោកលើកទី២ ហេតុកាលពីខែធ្នូ កន្លងមកនេះ មានការចាប់មនុស្សដែរប៉ុនប៉ង ធ្វើរដ្ឋប្រហារ ?» ។
សម្តេចបានលើកយកសារព័ត៌មានអន្តរជាតិផ្សាយថា ដោយសារតែមានការប៉ុនប៉ងធ្វើរដ្ឋប្រហារ តាំងពីចុងឆ្នាំ២០២១ ដោយផ្នែកលើកមនោគមនវិជ្ជា នឹងបានត្រៀមទិញសម្ភារៈ ដើម្បីផ្តួលរំលំរដ្ឋាភិបាល នៅក្នុងប្រទេសអាល្លឺម៉ង់។ ជាងនេះ អាល្លឺម៉ង់ ក៏បានចាប់ខ្លួនបុគ្គលិកផ្នែកស៊ើបការណ៍សម្ងាត់ម្នាក់ ពីបទត្បត់ជាតិ ដោយសារជាប់សង្ស័យ ធ្វើចារកម្មឲ្យរុស្ស៊ីផងដែរ ។
សម្តេចតេជោ បានពន្យល់ថា សម្រាប់កម្ពុជា ទោះបីស្ថិតក្នុងតម្លៃណា ក៏ដោយ ត្រូវតែការពារសុខសន្តិភាព ព្រះមហាក្សត្រ ។ សម្តេច បានសុំទោស ឯកអគ្គរដ្ឋទូតអាល្លឺម៉ង់ថា ដែលនិយាយរឿងហ្នឹងចេញមក ។
សម្តេចបញ្ជាក់ថា ៖ «ខ្ញុំសុំទោស! ព្រោះមានអ្នកខ្លះនិយាយថា កម្ពុជាចាំបាច់និយាយពីសន្តិភាពធ្វើអ្វី ? បើសន្តិភាពមានរួចហើយ ! ចុះពួកលោកឯង មានសន្តិភាពហើយ ម្តេចបានចាប់មនុស្ស ហើយចោទពីក្បត់ជាតិ ការផ្តួលរំលំរដ្ឋាភិបាល គេអំពាវនាវឲ្យរំលាយចោលរបបរាជជា និយម និងចុះចេញពីរាជបល្ល័ង្គ តើយើងនៅឈរស្ងៀមទេ ? តើយើងត្រូវដាក់ទោសជនក្បត់ជាតិទេ ចំពោះអ្នកចង់ផ្តួលរំលំទេ ? ឆ្នាំ១៩៧០ និង១៩៧៥ តើដឹងទេ យើងទម្រាំរកសន្តិភាពបានមកប៉ុណ្ណេះ» ។
សម្តេចតេជោ ក៏បានលើកឡើងថា កម្ពុជាទម្រាំរកបាសន្តិភាពប៉ុណ្ណឹង ពិបាកណាស់ ដូច្នេះកុំយកសន្តិភាពមកលេងសើច និងកុំយកជីវិតមនុស្សមកលេងសើចឲ្យសោះ ៕
ចែករំលែកព័តមាននេះ