មហារីកសុដន់ សម្លា.ប់ស្ត្រីកម្ពុជាយ៉ាងស្ងៀមស្ងាត់
រាជធានីភ្នំពេញ ៖ មហារីកសុដន់កំពុងតែវាយប្រហារឆក់យកជីវិតស្ត្រីខ្មែរយ៉ាងស្ងៀមស្ងាត់បំផុត ហើយ
រាជធានីភ្នំពេញ ៖ មហារីកសុដន់កំពុងតែវាយប្រហារឆក់យកជីវិតស្ត្រីខ្មែរយ៉ាងស្ងៀមស្ងាត់បំផុត ហើយចំនួននៃអ្នកជំងឺដែលមានការកើនឡើងគួរឲ្យកត់សម្គាល់ ។ យោងតាមលោកសាស្ត្រាចារ្យ គួយ សំណាងឯកទេសផ្នែកជំងឺមហារីកនៃមន្ទីរពេទ្យមិត្តភាពខ្មែរ-សូវៀត បានឱ្យដឹងថា ក្នុងមួយថ្ងៃៗមានប្រជាជនកម្ពុជាមកពិនិត្យ សម្រាកពេទ្យ និងមកទទួលការព្យាបាលជំងឺមហារីកទូទៅ ដោយបាញ់កាំរស្មីមានចំនួនជាង១០០នាក់ ហើយអ្វីដែលគួរឲ្យព្រួយបារម្ភនោះគឺថា មហារីកសុដន់ឈរនៅចំណាត់ថ្នាក់លេខ២ ។
លោកសាស្ត្រាចារ្យ គួយ សំណាង បានបន្តទៀតថា តាមស្ថិតិក្នុងឆ្នាំ២០១៦ ជំងឺមហារីកដោះស្ថិតក្នុងលំដាប់ថ្នាក់លេខពីរ និងមានអត្រារហូតដល់ ១២%ភាគរយ ក្នុងចំណោមជំងឺមហារីកទាំងអស់ដែលស្ថិតក្នុងផ្នែករបស់លោក និងស្ត្រីដែលរកឃើញមានមហារីកសុដន់ ស្ថិតក្នុងចន្លោះអាយុចាំពី៣០ឆ្នាំដល់៨០ឆ្នាំ ។
ជំងឺមហារីកសុដន់ជាជំងឺមហារីកមួយប្រភេទដែលកើតឡើងលើកោសិការបស់សុដន់។ មហារីកសុដន់អាចកើតឡើងទាំងបុរស និងស្ត្រី ប៉ុន្តែមនុស្សស្រីកើតមានញឹកញាប់ជាង។ គ្រូពេទ្យមិនទាន់យល់ដឹងច្បាស់នៅឡើយទេចំពោះមូលហេតុនៃជំងឺមហារីកសុដន់ ដោយគ្រាន់តែដឹងថា មហារីកសុដន់កើតឡើងនៅពេលកោសិកាសុដន់មួយចំនួនចាប់ផ្តើមលូតលាស់មិនធម្មតារហូតដល់គ្រប់គ្រងលែងបាន និងទៅជាដុំសាច់តែម្តង។ កោសិកានេះអាចនឹងរាលដាលពីសុដន់ចូលទៅក្នុងកូនកណ្តុរ ឬកន្លែងផ្សេងៗទៀតនៃរាងកាយ។
ដោយសារតែមានការយល់ដឹងច្រើនអំពីជំងឺមហារីកសុដន់ ទើបធ្វើឲ្យមានការរីកចម្រើនលើការពិនិត្យរកជំងឺនេះ ការកំណត់រោគវិនិច្ឆ័យ និងការព្យាបាលយ៉ាងល្អៗ។ អត្រានៃការរស់មានជីវិតក្រោយពីមានជំងឺមហារីកសុដន់បានកើនឡើង ហើយការស្លាប់ក៏ថយចុះច្រើនដែរ។
ចែករំលែកព័តមាននេះ