គូស្នេហ៍យុវវ័យត្រូវសម្លា.ប់យ៉ាងឃោរឃៅ ដោយប្រើខ្សែភ្លើង
ការស៊ើបអង្កេតពីការសម្លា.ប់គូស្នេហ៍វ័យក្មេងឃើញថា…
ការស៊ើបអង្កេតពីការសម្លា.ប់គូស្នេហ៍វ័យក្មេងឃើញថា…
BBC ចុះផ្សាយរឿងក្តីនៃការស៊ើបអង្កេតពីការសម្លាប់គូស្នេហ៍វ័យក្មេងជនជាតិប៉ាគីស្ថាននៅក្រុងការ៉ាដី កាលពីខែសីហា ជាស្នាដៃរបស់ក្រុមគ្រួសារឃើញថា ជនរងគ្រោះស្លាប់ដោយខ្សែភ្លើងឆក់ជាវិធីសាស្ត្រដ៏ឃោរឃៅមិនធ្លាប់កើតមាននៅក្នុងប្រទេស ។
ប៉ូលិសបានចាប់ខ្លួនជនសង្ស័យចំនួន៤នាក់ រួមទាំងឪពុករបស់គូស្នេហ៍ដែលស្លាប់និងកំពុងតាមចាប់ខ្លួនជនដៃដល់ផ្នែកសាសនានៅក្នុងភូមិ ។
ជនរងគ្រោះគឺនាងបាក ចាន់អាយុ១៥ឆ្នាំ និងលោករ៉េមាន អាយុ១៧ឆ្នាំដោយពួកគេទាំង២នាក់លួចសេពគប់គ្នានិងមានគម្រោងគេចខ្លួន ប៉ុន្តែត្រូវក្រុមគ្រួសារតាមទាន់ ត្រូវប្រមុខអ្នកដឹកនាំសាសនាក្នុងភូមិសម្រេចឱ្យសម្លាប់ដើម្បីរក្សាកិត្តិយស ។ ក្រោយមកអាជ្ញាធរនៅក្នុងភូមិដឹងតាមរយៈស៊ើបអង្កេត ទើបឱ្យជីករណ្តៅសពទាំង២ធ្វើកោសល្យវិច័យឃើញថា មានស្លាកស្នាមនៅត្រង់ដៃ ដើមទ្រូង និងជើងក្នុងលក្ខណៈឆក់ខ្សែភ្លើង ។
លោកវេជ្ជបណ្ឌិតខារ៉ា អាម៉េដ អាប់បាស៊ី នៅមន្ទីរពេទ្យការ៉ាជីនិយាយថា«មានស្លាកស្នាមយ៉ាងច្បាស់ថាទទួលការឆក់ខ្សែភ្លើង និងធ្វើទារុណកម្មលើរាងកាយ ដោយរឿងក្តីនេះអាចកើតឡើងនៅក្នុងក្រុមជនអម្បូរប៉ាចទុនសាហ្វី» ។
ក្រុមសិទ្ធិមនុស្សបញ្ជាក់ថារឿងក្តីសម្លាប់ដើម្បីរក្សាទុកកិត្តិយសនិងមុខមាត់របស់ត្រកូលបានកើនខ្ពស់នៅប៉ាគីស្ថាន ដោយជនរងគ្រោះភាគច្រើនជាស្ត្រីភេទដែលមិនបានទទួលការអនុញ្ញាតឱ្យរើសគូស្រករដោយខ្លួនឯង ។ ជនរងគ្រោះទាំង២នាក់ត្រូវបានដាក់ថ្នាំសណ្តំរួចចងក្រោយមកក៏ប្រើចរន្តឆក់ដោយខាងស្ត្រីទទួលការធ្វើឃាតមុន លុះបន្ទាប់មកនៅថ្ងៃទី១៦ សីហា ២០១៧ ខាងបុរសក៏ទទួលការសម្លាប់តាមក្រោយធ្វើឱ្យរឿងរ៉ាវរីកកាន់តែធំ ខណៈពេលអ្នកដឹកនាំសាសនាក្នុងភូមិបានគេចខ្លួនប៉ូលិសកំពុងតាមចាប់ខ្លួន ៕
ចែករំលែកព័តមាននេះ