ថ្នាំពន្យារកំណើត កងដាក់ក្នុងស្បូន ស្រោមអនាម័យស្ត្រី គួរជ្រើសរើសមួយណា?
មានវិធីសាស្ត្រក្នុងការពន្យារកំណើតជាច្រើនដែលស្ត្រីអាចជ្រើសរើស ប៉ុន្តែ
មានវិធីសាស្ត្រក្នុងការពន្យារកំណើតជាច្រើនដែលស្ត្រីអាចជ្រើសរើស ប៉ុន្តែ
មានវិធីសាស្ត្រក្នុងការពន្យារកំណើតជាច្រើនដែលស្ត្រីអាចជ្រើសរើស ប៉ុន្តែមិនមែនជម្រើសទាំងអស់សុទ្ធតែសមរម្យសម្រាប់ស្ត្រីគ្រប់រូបនោះទេ ។ ការជ្រើសវិធីសាស្ត្រពន្យារកំណើតដោយមិនបានពិចារណាត្រឹមត្រូវអាចប៉ះពាល់ដល់សុខភាព និងសមត្ថភាពក្នុងការមានកូន ។
ដូច្នេះមុនពេលអ្នកសម្រេចចិត្តជ្រើសរើស សូមដឹងពីវិធីសាស្ត្រណាដែលល្អបំផុតសម្រាប់អ្នក ។ ខាងក្រោមនេះជាព័ត៌មាន ខ្លះៗដើម្បីជួយអ្នកក្នុងការជ្រើសយកវិធីសាស្ត្រដែលមានសុវត្ថិភាពបំផុត ។
១-ថ្នាំពន្យារកំណើត និងថ្នាំ៧២ម៉ោង
វិធីការពារនេះត្រូវបានគេចាត់ទុកថាមានសុវត្ថិភាពបំផុត ។ ថ្នាំពន្យារកំណើតមាន២ប្រភេទ ។ ថ្នាំទាំង២ប្រភេទនេះជួយបង្ការការមានផ្ទៃពោះដែលអ្នកមិនចង់បានដោយទប់ស្កាត់មេជីវិតឈ្មោលមិនឲ្យជួបនឹងស៊ុតក្នុងស្បូនស្ត្រី ។ ថ្នាំពន្យារកំណើត និងថ្នាំ៧២ម៉ោងដែលមិនត្រូវការវេជ្ជបញ្ជារអាចប្រើបានចំពោះក្មេងជំទង់រហូតដល់អាយុ៥០ឆ្នាំ។ សូមចងចាំថាថ្នាំប្រភេទនេះអាចលេបបានចំពោះតែក្មេងជំទង់ដែលមករដូវ តែមិនមែនសម្រាប់ក្មេងដែលមិនទាន់មករដូវនោះទេ ។ ប្រសិនបើថ្នាំពន្យារកំណើតគឺជាជម្រើសដែលអ្នកចូលចិត្ត សូមទៅពិគ្រោះជាមួយគ្រូពេទ្យមុនសម្រេចចិត្តលេបវា ។ ថ្នាំនេះមានសុវត្ថិភាពសម្រាប់ក្មេងស្រី តែវាអាចជាបញ្ហាចំពោះស្ត្រីអាយុលើសពី៣០ឆ្នាំ ជាពិសេសអ្នកដែលប្រើថ្នាំដទៃទៀតដូចជាថ្នាំជំងឺសរសៃឈាមបេះដូង ឬអ្នកជក់បារី ។
២-ឧបករណ៍ដាក់ក្នុងស្បូន
ឧបករណ៍ដាក់ក្នុងស្បូនដែលគេនិយមប្រើច្រើនជាងគេបំផុតគឺកងដាក់ក្នុងស្បូន ។ ទោះជាយ៉ាងណា វិធីសាស្ត្រនេះមិនត្រូវបានណែនាំសម្រាប់ក្មេងស្រី ឬស្ត្រីដែលមិនធ្លាប់មានកូននោះទេ ។ ដោយសារឧបករណ៍នេះត្រូវបានបញ្ចូលនៅក្នុងស្បូនតាមរយៈទ្វារមាស វាមានហានិភ័យតិចតួចក្នុងការធ្វើឲ្យស្បូនមានរបួស និងហូរឈាម តែវាជាករណីកម្រកើតមាន ។ ប៉ុន្តែអ្នកឯកទេសបានណែនាំថាការជ្រើសរើសវិធីពន្យារកំណើតប្រភេទនេះអាចប៉ះពាល់ដល់ការមានកូនប្រសិនបើគ្រូពេទ្យអនុវត្តវាមិនបានត្រឹមត្រូវ ។ ស្ត្រីគួរជ្រើសរើសវិធីសាស្ត្រនេះក្រោយពេលពួកគេមានកូនរួច ។
៣-ការចាក់ថ្នាំ
ការចាក់ថ្នាំពន្យារកំណើត ឬអាចហៅម្យ៉ាងទៀតថាការចាក់ DMPA អាចចាក់បានចំពោះស្ត្រីក្រោយពេលសម្រាលកូន ។ ថ្នាំប្រូសេស្តេរ៉ូនប្រភេទនេះចាក់ម្តងអាចការពារបានរហូតដល់៣ខែ ហើយចាំបាច់ចាក់ម្តងទៀតនៅពេលប្រសិទ្ធភាពរបស់វាត្រូវបានកាត់បន្ថយ ។ ថ្នាំចាក់ប្រភេទនេះមានសុវត្ថិភាពសម្រាប់ស្ត្រីដែលមានអាយុលើសពី២១ឆ្នាំ ។ ទោះជាយ៉ាងណា វិធីពន្យារកំណើតប្រភេទនេះអាចធ្វើឲ្យរដូវមកមិនទៀងទាត់ អាចធ្វើឱ្យមានការហូរឈាមក្នុងចន្លោះពេលមករដូវ ឬបង្កឱ្យមានការហូរឈាមច្រើនពេលមករដូវ ។
៤-ស្រោមអនាម័យ
ស្រោមអនាម័យស្ត្រីមិនសូវពេញនិយមដូចស្រោមអនាម័យបុរសនោះទេ ។ ម្យ៉ាងទៀត វាក៏ពិបាកក្នុងការប្រើប្រាស់ដែរ ។ អ្នកអាចស្នើឲ្យដៃគូរបស់អ្នកពាក់ស្រោមអនាម័យបុរសវិញប្រសិនបើអ្នកមិនចង់ប្រើប្រាស់ស្រោមអនាម័យស្ត្រី ។ ប៉ុន្តែប្រសិនបើអ្នកមិនមានបញ្ហាក្នុងការប្រើប្រាស់វាទេ ស្រោមអនាម័យប្រភេទនេះអាចប្រើបានពីក្មេងជំទង់រហូតដល់ស្ត្រីអាយុ៥០ឆ្នាំដោយមិនមានហានិភ័យចំពោះសុខភាពនោះទេ ។
៥-ការចងដៃស្បូន
នេះគឺជាដំណោះស្រាយពន្យារកំណើតអចិន្ត្រៃយ៍ដែលត្រូវបានផ្តល់ឱ្យស្ត្រីមានអាយុលើសពី៤០ឆ្នាំ និងនៅក្នុងដំណាក់កាលមុនពេលអស់រដូវ ។ នៅក្នុងដំណើរការនេះ បំពង់ដៃស្បូនរបស់ស្ត្រីត្រូវបានចង និងទប់ស្កាត់ដើម្បីការពារស៊ុតមិនឲ្យធ្វើដំណើមកស្បូន ៕
ចែករំលែកព័តមាននេះ