រូបសំណាកព្រះគិនេសរបស់កម្ពុជាត្រូវបានបង្ហាញនៅសារមន្ទីរអាមេរិក
អ្នកកាន់សាសនាហិណ្ឌូបានស្ងើចសរសើរដល់សារមន្ទីរ Denver Art Museum (DAM) ក្នុង
អ្នកកាន់សាសនាហិណ្ឌូបានស្ងើចសរសើរដល់សារមន្ទីរ Denver Art Museum (DAM) ក្នុងរដ្ឋកូឡារ៉ាដូ របស់សហរដ្ឋអាមេរិកពីការតាំងបង្ហាញរូបសំណាកអាទិទេពព្រះគិនេសក្នុងការតាំងពិព័រណ៍មួយក្រោមចំណងជើងថា៖ Ganesha: The Playful Protector ពីថ្ងៃទី ១ តុលាដល់ថ្ងៃទី ២៨ តុលា ។
ក្រោមកិច្ចសហការជាមួយសារមន្ទីរជាតិកម្ពុជានៅភ្នំពេញ ការតាំងពិព័រណ៌នេះអះអាងថា នឹងផ្តល់នូវព្រះគិនេសតាមរយៈផ្ទាំងគំនូរ ចម្លាក់ និងតម្បាញ ។ ការតាំងពិព័រណ៍នេះមានរូបសំណាកព្រះគិនេសថ្មភក់អង្គុយពែនភ្នែនក្នុងសតវត្សរ៍ ៦០០ ឬសតវត្សរ៍ ៧០០ មកពីកម្ពុជា ។ ព្រះគិនេសថ្មក្នុងសតវត្សរ៍ ៨០០-៩០០ មកពីប្រទេសឥណ្ឌារួមជាមួយនឹងរូបសំណាកព្រះមាតា Parvati ៣ផងដែរ រូបសំណាករាំដៃ៦ក្នុងសតវត្សរ៍ ១០០០-១១០០ ។ល។ ការប្រកាសរបស់សារមន្ទីបានបញ្ជាក់ថា៖ «ស្នាដៃសិល្បៈមុនសម័យអង្គរដ៏សំខាន់នេះនឹងមានលើទិដ្ឋភាពជាមួយចម្លាក់ ផ្ទាំងគំនូរ និងតម្បាញមកពីការប្រមូលវត្ថុសម័យបុរាណផ្ទាល់ខ្លួនរបស់ DAM ដើម្បីតំណាងនៃអទិពេទហិណ្ឌូ» ។
សារៈមន្ទីរបន្ថែមថា ព្រះគិនេស ទូទាំងអនុទ្វីបអាស៊ីអស់រយៈពេលយូរយារណាស់មកហើយ នឹងត្រូវបានគេអង្កេតតាមដានក្នុងការតាំងពិព័រណ៍នេះ ។ សារៈមន្ទីក៏បានអញ្ចើញកុមារ និងគ្រួសារដើម្បីឱ្យអានឱ្យឮៗនូវរឿងរ៉ាវពិតប្រាប់ពីមូលហេតុដែល ព្រោះគិនេសបានបំបែកភ្លុកបស់ព្រះអង្គ ។ លោក Rajan Zed ប្រធានសង្គមហិណ្ឌូសកលនិយាយក្នុងសេចក្តីថ្លែងការណ៍ក្នុងរដ្ឋ Nevada ថា ការស្វាគមន៍ DAM សម្រាប់ការតាំងពិព័រណ៍ជាការគោរពដ៏ខ្ពង់ខ្ពស់បំផុតដល់អាទិទេពហិណ្ឌូព្រះគិនេស ។
លោក Rajan Zed និយាយថា សិល្បៈនោះមានប្រពៃណីដ៏យូរលង់ និងសម្បូរបែបក្នុងសាសនាហិណ្ឌូ និងគម្ពីអក្សរសាស្ត្រសំស្ក្រឹតបាននិយាយពីសាសនាគំនូរអាទិទេពលើឈើ ឬក្រណាត់ ។
លោក Rajan Zed បានជម្រុះឱ្យសារៈមន្ទីរល្បីៗក្នុងលោករួមមានសារៈមន្ទីរ Musee du Louvre, Musee d’Orsay របស់បារាំង Metropolitan Museum of Art ក្នុងក្រុងញ៉ូវយ៉ត របស់អាមេរិក Los Angeles Getty Center, Uffizzi Gallery Of Florence នៅអីុតាលី Art Institute of Chicago, Tate Modern of London, Prado Museum of Madrid, National Gallery Art ក្នុងរដ្ឋធានីវ៉ាស៊ីនតោន ។ល។ ដើម្បីឱ្យរៀបចំការតាំងពិព័រណ៍ផ្តោតសំខាន់លើសិល្បៈហិណ្ឌូ ដូច្នេះចែករំលែកបេតិកភណ្ឌសិល្បៈសម្បូរបែបហិណ្ឌូជាមួយនឹងពិភពលោកទាំងមូល។
ហិណ្ឌូដែលជាសាសនាមានវ័យចំណាស់ និងធំជាងគេទី៣ ក្នុងលោកដែលមានអ្នកគោរពប្រហែល ១,១ ប៊ីលាន ។ មានអ្នកកាន់សាសនាហិណ្ឌូប្រហែល ៣លាននាក់ក្នុងសហរដ្ឋអាមេរិក ។ ក្នុងសាសនាហិណ្ឌូព្រះគិនេសត្រូវបានគេគោរពបូជាជាព្រះការពារលោកដ៏អស្ចារ្យ ។
គួរបញ្ជាក់ថា DAM គឺជាសារៈមន្ទីរសិល្បៈធំជាងគេមួយក្នុងចំណោមសារៈមន្ទីរ Chicago និង West Coast ដែលបានបង្កើតឡើងតាំងពីឆ្នាំ ១៩៩៣ ហើយមានវត្ថុសិល្បៈប្រហែល ៧០.០០០ ប្រភេទក្នុងការប្រមូលបានរបស់ខ្លួន ។ បេសកកម្មរបស់សារៈមន្ទីរ DAM រួមមានការបង្កើតគំនិតច្នៃប្រឌិត និងការបង្ហាញតាមរយៈផ្លាស់ប្តូរបទពិសោធន៍ជាមួយសិល្បៈ ។ លោក J.Landis Martin ជាប្រធាននិងលោក Christoph Heinrich ជានាយកគ្រប់គ្រង ៕
បកប្រែដោយ ជួប សុខជា
ចែករំលែកព័តមាននេះ