ផឹកកាហ្វេ3ពែងក្នុង1ថ្ងៃក៏មានប្រយោជន៍ខ្លាំងចំពោះអ្នកជំងឺអេដស៍ដែរ
ការស្រាវជ្រាវថ្មី១បានរកឃើញថា
ការស្រាវជ្រាវថ្មី១បានរកឃើញថា
ការស្រាវជ្រាវថ្មី១បានរកឃើញថា អ្នកជំងឺដែលផ្ទុកទាំងមេរោគអេដស៍ និងរលាកថ្លើមប្រភេទ C ដែលផឹកកាហ្វេ៣ពែង រឺច្រើនជាងនេះជារៀងរាល់ថ្ងៃមានឱកាសរស់រានមានជីវិតទ្វេដងជាងអ្នកដែលផឹកកាហ្វេតិចជាងនេះ ។
អ្នកផ្ទុកមេរោគអេដស៍ប្រហែល១ភាគ៤ក៏មានជំងឺរលាកថ្លើមប្រភេទC (HCV) ផងដែរ។ កាហ្វេត្រូវបានគេដឹងថាអាចជួយការពារថ្លើម និងមានសកម្មភាពប្រឆាំងនឹងការរលាក ។
ការស្រាវជ្រាវពីវិទ្យាស្ថានជាតិសុខភាព និងទីភ្នាក់ងារជាតិប្រឆាំងជំងឺអេដស៍ និងរលាកថ្លើមរបស់ប្រទេសបារាំងបានរកឃើញថាអ្នកជំងឺដែលបានស្វែងរកការព្យាបាលជំងឺរលាកថ្លើមប្រភេទ C ផឹកកាហ្វេយ៉ាងហោចណាស់៣ពែងក្នុង១ថ្ងៃហើយមិនជក់បារីមានភាពល្អប្រសើរជាងអ្នកដែលមិនផឹក ។
អ្នកជំងឺដែលផ្ទុកមេរោគអេដស៍ងាយរងគ្រោះនឹងជំងឺឆ្លងដទៃទៀតដូចជាវីរុសរលាកថ្លើមប្រភេទC ដែលវាធ្វើឲ្យរលាកថ្លើម បង្កើនហានិភ័យនៃជំងឺថ្លើម និងមហារីកថ្លើម ។
យោងតាមការសិក្សាថ្មី១បានឱ្យដឹងថា អ្នកដែលឆ្លងមេរោគអេដស៍ និងជំងឺរលាកថ្លើមប្រភេទ C ដែលផឹកកាហ្វេ៣ពែងជារៀងរាល់ថ្ងៃមានអត្រានៃការរស់រានមានជីវិត៥០%ប្រសើរជាងអ្នកដែលផឹកកាហ្វេតិចជាងនេះ ។
ទោះបីជាអ្នកជំងឺអេដស៍បានព្យាបាលជំងឺរលាកថ្លើមប្រភេទC រួចហើយក៏ដោយ មេរោគអេដស៍នឹងនាំឱ្យមានដំណើរការវិវឌ្ឍរកភាពចាស់កាន់តែលឿន ដែលអាចធ្វើឱ្យមានបញ្ហាបេះដូង និងបន្តការបំផ្លាញដល់ថ្លើម ។
ប៉ុន្តែក្នុងការសិក្សាលើអ្នកជំងឺចំនួន១.០២៨នាក់ដែលបានបង្កើនការផឹកកាហ្វេលើសពី៣ពែងក្នុង១ថ្ងៃ ការឆ្លងមេរោគរបស់ពួកគេហាក់ដូចជាមានការថយចុះពាក់កណ្តាលក្នុងអំឡុងពេលនៃការស្រាវជ្រាវរយៈពេល៥ឆ្នាំ ។
វាមិនច្បាស់ទេថាតើកាហ្វេ ឬជាតិកាហ្វេអ៊ីនដែលមានផលប្រយោជន៍សម្រាប់ថ្លើម ប៉ុន្ដែកាហ្វេហាក់ដូចជាជួយបន្ថយអង់ស៊ីមដែលផលិតលើសលុបពីថ្លើមដែលមានសុខភាពមិនល្អ និងពន្យឺតការលូតលាស់នៃជាលិកាស្លាកស្នាមដែលកើតមានលើថ្លើមដែលមានជំងឺ ។
យោងតាមសមាគមអឺរ៉ុបសម្រាប់ការសិក្សាស្រាវជ្រាវអំពីថ្លើម កាហ្វេក៏អាចជួយការពារថ្លើមពីការធន់ទៅនឹងអាំងស៊ុយលីន ៕
ចែករំលែកព័តមាននេះ