គណបក្ស សម រង្ស៊ី ធ្វើសមាជវិសាមញ្ញាបិទទ្វារ… និងអាចមិនចូលរួមបោះឆ្នោតព្រឹទ្ធសភាឆ្នាំ២០១៨ ទេ
រាជធានីភ្នំពេញ៖ គណបក្ស សម រង្ស៊ី ព្រឹកថ្ងៃទី៣០ ខែកញ្ញា ឆ្នាំ២០១៧ នេះ បាន
រាជធានីភ្នំពេញ៖ គណបក្ស សម រង្ស៊ី ព្រឹកថ្ងៃទី៣០ ខែកញ្ញា ឆ្នាំ២០១៧ នេះ បាន
រាជធានីភ្នំពេញ៖ គណបក្ស សម រង្ស៊ី ព្រឹកថ្ងៃទី៣០ ខែកញ្ញា ឆ្នាំ២០១៧ នេះ បានរៀបចំសមាជវិសាមញ្ញរបស់ខ្លួន ដែលមានអ្នកចូលរួមប្រមាណជិត១០០នាក់ ហើយសមាជនេះបានរៀបចំនៅបរិវេណផ្ទះលោក សម រង្ស៊ី ខាងក្រោយទីស្នាក់ការកណ្តាលគណបក្ស CNRP សង្កាត់ចាក់អង្រែលើ ខណ្ឌមានជ័យ ។ ប៉ុន្តែសមាជនោះ មិនបានអនុញ្ញាតឲ្យអ្នកសារព័ត៌មានជាតិ និងអន្តរជាតិចូលយកព័ត៌មាននោះទេ។
យោងតាមលោក ទាវ វណ្ណុល សមាជិកព្រឹទ្ធសភា និងជាប្រធានស្តីទីគណបក្ស សម រង្ស៊ី ដែលទើបប្តូរឈ្មោះជាគណបក្សភ្លើងទៀនកាលពីពេលថ្មីៗនេះ បានថ្លែងប្រាប់អ្នកសារព័ត៌មាននៅក្បែរស្នាក់ការគណបក្សសង្គ្រោះជាតិថា សមាជនេះបានប្តូរតែឈ្មោះពីគណបក្សសមរង្ស៊ី ទៅជា «គណបក្សភ្លើងទៀន» ហើយរូបសញ្ញារបស់គណបក្សនៅតែភ្លើងទៀនដដែល។
លោកបានលើកឡើងថា៖ «គណបក្សភ្លើងទៀនរបស់យើងខ្ញុំនឹងមិនចូលបោះឆ្នោតជ្រើសរើសមាជិកព្រឹទ្ធសភាពនៅថ្ងៃទី១៤ ខែមករា ឆ្នាំ២០១៨ទេ។ ចំពោះសមាជិកបក្ស បើគេចង់ទៅចូលរួមជាមួយគណបក្សដទៃក៏ទៅចុះ វាជាសិទ្ធិរបស់ពួកគេ ព្រោះបក្សយើងប្រកាន់លទ្ធិប្រជាធិបតេយ្យ»។ «គណបក្សមិនទាន់ច្បាស់ទេ ព្រោះអាស្រ័យលើស្ថានការណ៍នយោបាយជាក់ស្តែងដូចដែលអ្នកសារព័ត៌មានដឹងហើយ ពេលខ្លះស្ថានភាពនយោបាយប្រែប្រួលលឿនណាស់ យើងមិនអាចនឹងស្មានដល់»៕
ចែករំលែកព័តមាននេះ