ខឹងប្តីស្រវឹងគួប ប្រពន្ធទាញកំណាត់ឈើសំពងប្តី ជ្រុលដៃបណ្ដាលឲ្យស្លា.ប់
ខេត្តព្រៃវែង ៖ បុរសប្រមឹកម្នាក់ ត្រូវបានប្រពន្ធវាយនឹងកំណាត់ឈើ បណ្តាលឲ្យស្លា.ប់បាត់បង់ជីវិត ដោយសារតែមានទំនាស់ពាក្យសម្តីជាមួយគ្នា
ខេត្តព្រៃវែង ៖ បុរសប្រមឹកម្នាក់ ត្រូវបានប្រពន្ធវាយនឹងកំណាត់ឈើ បណ្តាលឲ្យស្លា.ប់បាត់បង់ជីវិត ដោយសារតែមានទំនាស់ពាក្យសម្តីជាមួយគ្នា
ខេត្តព្រៃវែង ៖ បុរសប្រមឹកម្នាក់ ត្រូវបានប្រពន្ធវាយនឹងកំណាត់ឈើ បណ្តាលឲ្យស្លាប់បាត់បង់ជីវិត ដោយសារតែមានទំនាស់ពាក្យសម្តីជាមួយគ្នា ក្នុងពេលដែលបុរសជាប្តីស្រវឹងស្រាខ្លាំង ។ ហេតុការណ៍ដែលកម្រនឹងប្រទះឃើញនេះ បានកើតឡើងកាលពីវេលាម៉ោង០៦និង៣០នាទីល្ងាច ថ្ងៃទី២៧ ខែកញ្ញា ឆ្នាំ២០១៧ នៅនឹងផ្ទះរបស់ជនរងគ្រោះ ដែលស្ថិតក្នុងភូមិព្រៃគុយ ឃុំគោកខ្ចក ស្រុកកំពង់ត្របែក ខេត្តព្រៃវែង ។ ជនរងគ្រោះដែលស្លាប់បាត់បង់ជីវិតមានឈ្មោះ ឡឹក ទិត្យ អាយុ៤៨ឆ្នាំ ចំណែកស្ត្រីជាប្រពន្ធ និងជាជនដៃដល់មានឈ្មោះ ឡឹក គីម អាយុ៥០ឆ្នាំ អ្នកទាំង២រស់នៅជាមួយគ្នាក្នុងផ្ទះកើតហេតុ ។
ប្រភពព័ត៌មានពីសមត្ថកិច្ចបានឲ្យដឹងថា មុនពេលកើតហេតុ ជនរងគ្រោះជាប្តី បានទៅផឹកស្រាជាមួយអ្នកភូមិរហូតស្រវឹង ទើបត្រលប់ទៅផ្ទះវិញ ចំណែកស្ត្រីជាប្រពន្ធពេលឃើញប្តីមកផ្ទះវិញក្នុងស្ថានភាពស្រវឹងជោក ក៏កើតការខឹងសម្បាក្តៅក្រហល់ក្រហាយ ព្រោះប្តីស្រវឹងរាល់ថ្ងៃ ហើយក៏បានជេរបញ្ចោរដាក់ប្តី ដើម្បីឲ្យធូរទ្រូងប៉ុន្តែពេលត្រូវប្រពន្ធជេរ ជនរងគ្រោះជាប្តីក៏ខឹងសម្បា ហើយតបតពាក្យសម្តី រហូតកើតទៅជាជម្លោះតឹងសរសៃរកដាក់គ្នា ហើយស្ត្រីជាប្រពន្ធក៏បានទាញយកកំណាត់ឈើវាយទៅលើផ្ទៃមុខប្តីរបស់ខ្លួន បណ្តាលឲ្យរងរបួសធ្ងន់ ត្រង់ត្រចៀកខាងឆ្វេង និងក្រោមចង្កាខាងឆ្វេង ប៉ុន្តែភ្លាមៗនោះមានអ្នកជិតខាងទៅជួយឃាត់ និងរាយការណ៌ប្រាប់សមត្ថកិច្ចចុះទៅអន្តរាគមន៍ភ្លាមៗផងដែរ ។
ប្រភពដដែលនេះបានបញ្ជាក់ថា ក្រោយពីកើតហេតុភ្លាម ដោយមើលឃើញស្ថានភាពជនរងគ្រោះធ្ងន់ធ្ងរ សមត្ថកិច្ចក៏បានដឹកយកជនរងគ្រោះជាប្តី មកកាន់មន្ទីរពេទ្យបង្អែកស្រុកកំពង់ត្របែក ដើម្បីឲ្យគ្រូពេទ្យជួយព្យាបាល ប៉ុន្តែរហូតដល់ម៉ោង០១និង៤៥នាទីកណ្តាលអធ្រាត្រ ឈានចូលព្រឹកថ្ងៃទី២៨ ខែកញ្ញា ឆ្នាំ២០១៧ ជនរងគ្រោះក៏បានបាត់បង់ជីវិតនៅក្នុងមន្ទីរពេទ្យនោះតែម្តង ។ ដោយឡែកស្ត្រីជាប្រពន្ធ និងជាជនដៃដល់ ត្រូវបានសមត្ថកិច្ចចាប់ឃាត់ខ្លួនភ្លាមៗក្រោយពីកើតហេតុ ហើយពេលនេះសមត្ថកិច្ចកំពុងកសាងសំណុំរឿងចាត់ការបន្តទៅតាមនីតិវិធី ៕
ចែករំលែកព័តមាននេះ