ដឹងទេ ហាត់ប្រាណបន្ទាប់ពីរៀនរួច ជួយអ្វីខ្លះដល់យើង
ការសិក្សាមួយបានបង្ហាញថា
ការសិក្សាមួយបានបង្ហាញថា
ការសិក្សាមួយបានបង្ហាញថា ការធ្វើលំហាត់ប្រាណ ភ្លាមៗបន្ទាប់ពីរៀនអ្វីថ្មីមួយអាចជួយឲ្យសិស្ស ជាពិសេសក្មេងស្រីចងចាំអ្វីដែលរៀននៅសាលារៀនបានច្រើន ។ ការពិសោធន៍ចំនួន៤ ដែលមានអ្នកចូលរួមចំនួន២៦៥នាក់បានធ្វើលំហាត់ប្រាណរយៈពេល៥នាទីបន្ទាប់ពីរៀន ឬមិនបានធ្វើលំហាត់ប្រាណបន្ទាប់ពីរៀន។ ទោះបីជាកម្លាំងនៃប្រសិទ្ធភាពមានភាពខុសគ្នារវាងការពិសោធ ក្រុមអ្នកស្រាវជ្រាវបានរកឃើញថាស្ត្រីដែលធ្វើលំហាត់ប្រាណបន្ទាប់ពីរៀនចងចាំពីអ្វីដែលពួកគេបានរៀនល្អជាងអ្នកដែលមិនបានធ្វើលំហាត់ប្រាណ ។
ការស្រាវជ្រាវដែលចេញផ្សាយនៅក្នុងព្រឹតិ្តបត្រ Cognitive Research: Principles and Implications បន្ថែមលើការប្រមូលភស្តុតាងដែលបង្ហាញថាការធ្វើលំហាត់ប្រាណក្រោយពេលសិក្សាអាចនាំទៅរកភាពប្រសើរឡើងនៃការចងចាំ ។
លោក Steven Most ពីសាកលវិទ្យាល័យ University of New South Wales ក្នុងប្រទេសអូស្ត្រាលីនិយាយថា ៖ « ឥទ្ធិពលរបស់វាកើតមានឡើងបន្ទាប់ពីអ្នកចូលរួមបានសិក្សាពីសម្ភារនោះមានន័យថាវាបានជួយបង្កើនការរៀនសូត្រទាក់ទងនឹងសម្ភារ»។ លោកបាននិយាយទៀតថា ៖ « ប៉ុន្តែប្រសិទ្ធភាពនេះមិនបានលេចឡើងក្នុងចំនោមបុរសដែលចូលរួមក្នុងការពិសោធណាមួយឡើយ ។ វាមិនច្បាស់ទេថានេះជាភាពខុសគ្នារវាងភេទទាំង២ ឬដោយសារ លក្ខខណ្ឌពិសោធន៍ដែលធ្វើឲ្យប្រសិទ្ធភាពនេះលេចឡើងក្នុងចំណោមស្ត្រី តែមិនមែនបុរស »។
អ្នកស្រាវជ្រាវបាននិយាយថាការស្រាវជ្រាវនេះគួរតែលើកទឹកចិត្តដល់សាលារៀន និងសូម្បីតែអ្នកថែទាំកុមារនៅតាមផ្ទះ ដែលការចងចាំគឺជាកង្វល់ចំបងមួយដើម្បីពិចារណាក្នុងការប្រើប្រាស់ទម្លាប់នៃការធ្វើលំហាត់ប្រាណដើម្បីជួយសម្រួលដល់ការចងចាំរបស់ពួកគេ ៕
ចែករំលែកព័តមាននេះ