ក្របួចបាន៤នាក់ រីឯរាប់សិបនាក់ទៀតរត់ប្រសាចបែកដី…
ខេត្តបាត់ដំបង ៖ សេចក្ដីរាយការបានឱ្យដឹងថា ល្បែងអាប៉ោងចំនួន២កន្លែងនៅក្នុងស្រុកចំនួន២
ខេត្តបាត់ដំបង ៖ សេចក្ដីរាយការបានឱ្យដឹងថា ល្បែងអាប៉ោងចំនួន២កន្លែងនៅក្នុងស្រុកចំនួន២
ខេត្តបាត់ដំបង ៖ សេចក្ដីរាយការបានឱ្យដឹងថា ល្បែងអាប៉ោងចំនួន២កន្លែងនៅក្នុងស្រុកចំនួន២ ត្រូវបានសមត្ថកិច្ចធ្វើការបង្ក្រាបព្រមគ្នា កាលពីរសៀលថ្ងៃទី២៨ កញ្ញា ដោយឃាត់ខ្លួនអ្នកលេងនិងម្ចាស់ផ្ទះបាន៤នាក់ រួមទាំងវត្ថុតាងមួយចំនួនផង ខណ:អ្នកលេងរាប់សិបនាក់បានរត់ប្រសាច ។
សេចក្ដីរាយការណ៍បន្តថា គោលដៅទី១ គឺធ្វើឡើងដោយកម្លាំងអធិការដ្ឋាននគរបាលស្រុកឯកភ្នំ បានចុះបង្ក្រាបល្បែងអាប៉ោងនៅចំណុចចំការស្វាយ ក្នុងភូមិគោកដូង ឃុំពាមឯក ស្រុកឯកភ្នំ ដកហូតវត្ថុតាងកំរាលចាក់អាប៉ោង១ផ្ទាំង, គ្រាប់អាប៉ោងចំនួន5គ្រាប់ ឃាត់ខ្លួនអ្នកលេង និងម្ចាស់ផ្ទះបានចំនួន៤នាក់ ។
ដោយឡែក គោលដៅទី២ ធ្វើឡើងដោយកម្លាំងនគរបាលស្រុកមោងប្ញស្សី បានចុះបង្ក្រាបវង់ល្បែងអាប៉ោង នៅចំណុចភូមិគារ១ ឃុំគារ ស្រុកមោងប្ញស្សី ។ ជាមួយគ្នានេះ សមត្ថកិច្ចដកហូតបានម៉ូតូ5គ្រឿង, កម្រាលសំរាប់ចាក់2, ផ្ទិលគ្របចានអាប៉ោង2 ប៉ុន្តែអ្នកលេង និងម្ចាស់ទីតាំងបានរត់រួចខ្លួនទាំងអស់។ សមត្ថកិច្ចមិនបានកសាងសំណុរឿង បញ្ជូនក្រុមអ្នកលេងទាំងនោះទៅកាន់តុលាការទេ ដោយគ្រាន់តែធ្វើការអប់រំ និងធ្វើកិច្ចសន្យាបញ្ឈប់សកម្មភាពតែប៉ុណ្ណោះ ។
បើតាមការពិនិត្យជាក់ស្ដែង ល្បែងស៊ីសងខុសច្បាប់គ្រប់ប្រភេទ នៅតែបើកលេងស្ទើរគ្រប់បណ្ដាស្រុកនានា ដោយទីតាំងខ្លះជ្រកក្រោមក្លៀកសមត្ថកិច្ចតែម្ដង ។ ជាពិសេស ល្បែងស៊ីសងដែលកំពុងរីកដូចផ្សិតនៅក្នុងក្រុងបាត់ដំបង ។ ប៉ុន្មានថ្ងៃកន្លងទៅនេះ កម្លាំងស្នងការខេត្ត បានចុះបង្ក្រាបទីតាំងល្បែងហ្គេមជ្រកក្រោមស្លាកអ៊ីនធើរណេតចំនួន៣កន្លែង នៅក្នុងសង្កាត់ស្វាយប៉ោ ក្រុងបាត់ដំបង ខណ:ទីតាំងល្បែងហ្គេមនេះ រាប់សិបកន្លែងទៀតនៅតែបើកទ្វារដំណើការយ៉ាងរលូនជ្រកក្រោមក្លៀកសមត្ថកិច្ច ។
គ្រប់ទីតាំងល្បែងហ្គេម ទីតាំងលក់កន្ទុយលេខ (ឆ្នោត) និងបនល្បែងផ្សេងៗទៀត សុទ្ធតែមានប៉ូលិស ប៉េអិម និងយោធា ចាំកាងនៅពីក្រោយខ្នង។ ជាក់ស្ដែង ការបង្ក្រាបល្បែងហ្គេមប៉ុន្មានថ្ងៃមុននេះ មានមន្ត្រីប៉េអឹមម្នាក់តាមរារាំងកម្លាំងស្នងការខេត្ត មិនឱ្យរឹបអូសសម្ភាររបស់ខ្លួនចេញពីផ្ទះឡើយ តែមិនអាចរារាំងបានដោយសារមានបញ្ជាដាច់ខាតពីស្នងការខេត្ត ។ មិនតែប៉ុណ្ណោះ មានម្ចាស់ទីតាំងខ្លះ បានព្យាយាមរកលេខទូរស័ព្ទលោកអធិការក្រុង ដើម្បីសុំឲ្យជួយអន្តរាគមន៍ទៀតផង តែមិនបានសម្រេច ។
មកទល់ពេលនេះ ទីតាំងល្បែងហ្គេមរាប់សិបកន្លែងដែលមជ្ឈដ្ឋាននានាសន្និដ្ឋានថា កំពុងជ្រកក្រោមក្លៀកមន្ត្រីខិលខូចមួយចំនួនកំពុងបើកដំណើការយ៉ាងរលូន ដោយមិនខ្វល់អំពីការរំលោភបំពានច្បាប់ឡើយ បើទោះជាមានការបង្ក្រាបខ្លះៗក្ដី ។ ទំនងម្ចាស់បទល្មើសទាំងនេះយល់ថា ការបង្ក្រាបនេះគ្រាន់តែជាធ្វើគម្រប់កិច្ច ឬធ្វើឡើង ដើម្បីផ្គាប់ចិត្តអ្នករិះគន់តែប៉ុណ្ណោះ ដូច្នេះហើយទើបទីតាំងល្បែងហ្គេម ល្បែងឆ្នោត និងបនល្បែងដទៃទៀតនៅតែបើកដំណើរដោយចំហដដែល ។
ចែករំលែកព័តមាននេះ