រាជបណ្ឌិត្យសភាកម្ពុជាបើកវេទិកាតុមូលស្តីពីទំនាក់ទំនងប្រវត្តិសាស្ត្រនយោបាយសេដ្ឋកិច្ចកម្ពុជា-ចិន
រាជធានីភ្នំពេញ ៖ រាជបណ្ឌិត្យសភាកម្ពុជានៅព្រឹកថ្ងៃទី២៩ ខែកញ្ញា ឆ្នាំ២០១៧ បាន
រាជធានីភ្នំពេញ ៖ រាជបណ្ឌិត្យសភាកម្ពុជានៅព្រឹកថ្ងៃទី២៩ ខែកញ្ញា ឆ្នាំ២០១៧ បានរៀបចំវេទិកាតុមូលស្តីពីទំនាក់ទំនងប្រវត្តិសាស្រ្តកម្ពុជា-ចិន លើវិស័យនយោបាយ សេដ្ឋកិច្ច។ ទំនាក់ទំនងនេះ ត្រូវបានក្រុមបណ្ឌិតសភាកម្ពុជាអះអាងថា កើតមានឡើងកំឡុងឆ្នាំ១៩៥៥ រវាងសម្តេចនរោត្តម សីហនុនិងលោកជូ អិនឡាយ អ្នកទទួលបន្ទុកការបរទេសរបស់ក្រុងបាលុង ប្រទេសឥណ្ឌូនេស៊ី។
លោកបណ្ឌិត្យសភាចារ្យ ស៊ន សំណាង បានលើកឡើងថា ទំនាក់ទំនងចិន និងកម្ពុជាបានកើតឡើងថា ឆាប់រហ័ស១០ឆ្នាំក្រោយពីជំនួបរវាងសម្តេចសីហនុនិងលោកជូន អិនឡាយ។ កាលកំឡុងពេលនោះអាមេរិកបានដើរមុខចិន។តែកំឡុងឆ្នាំ១៩៦០ប្រទេសកម្ពុជាបានផ្តាច់ទំនងការទូតជាមួយអាមរិក។
លោកបានលើកឡើងថា៖ «បន្ទាប់មកចិនបានដើរមុខអាមេរិកវិញ ហើយអាមរិកបានបង្កើតអង្គការណាតូដែលមានទីតាំងនៅប្រទេសថៃ និងបានទាក់ទាញកម្ពុជាចូលតែកម្ពុជាមិនបានចូលទេ»។ នៅឆ្នាំ១៩៥៨ ពេលនោះមានទាហានវៀតណាម ៣.០០០នាក់ បានចូលមកកម្ពុជានៅតំបន់បរកែវ ។ សម្តេច សីហនុ បានឲ្យអាមេរិកជួយឲ្យវៀតណាមដកចេញ តែអាមេរិកថា នេះជាកិច្ចការផ្ទៃក្នុងរបស់ប្រទេសទាំងពីរ។ ក្នុងឆ្នាំ១៩៦៥ សម្តេច សីហនុ បានយាងទៅចិន និងប្រកាសថា ចិនជាមិត្តល្អរបស់កម្ពុជា និងជំរុញក្នុងការបិទស្ថានទូតអាមេរិកនៅពេលនោះទំនាក់ទំនងចិន និងកម្ពុជា បានកើតឡើងនៅកំឡុងឆ្នាំ១៩៥៨។
លោកបណ្ឌិត្យសភាចារ្យ សុខ ទូច ប្រធានបណ្ឌិតសភាកម្ពុជាបានលើកឡើងថា៖ កម្ពុជាជាកន្លែងដែលការពារកុម្មុនិស្តរបស់សហភាពសូវៀតណាម។ កាលពេលនោះវៀតណាមដើរតួនាទីជាបងធំ។ តែកម្ពុជាបានជួយវៀតណាមក្នុងការតស៊ូរវាងវៀតណាមទាំងជើង និងត្បូង និងមានផ្លូវលំហូជីមិញបញ្ជាក់ច្បាស់។ លោកថា៖ «វៀតណាមគួរអរគុណកម្ពុជា»។ តែនៅឆ្នាំ១៩៧៩ វៀតណាមបានជួយដល់កម្ពុជាដែរ។ លោកថា កម្ពុជាជាប្រទេសតូចតែបានក្លាយទៅជាប្រទេសដែលជាកន្លែងសាកល្បងអាវុធរបស់មហាអំណាច។ ពេលអាមេរិកចាប់ដៃជាមួយសាធាណរដ្ឋខ្មែរ បានទម្លាក់គ្រាប់បែក និងមានមនុស្សស្លាប់មនុស្សប្រមាណ៣លាននាក់៕
ចែករំលែកព័តមាននេះ