ចាប់ខ្លួនមុខសញ្ញាជួញដូរគ្រឿងញៀ.នម្នាក់
ខេត្តមណ្ឌលគិរី ៖ មុខសញ្ញាជួញដូរគ្រឿងញៀ.នសកម្មម្នាក់ ត្រូវបានសមត្ថកិច្ចស្រុកកែវសីមា ឃាត់ខ្លួនបាននាព្រឹកថ្ងៃទី២៨ ខែកញ្ញា ឆ្នាំ២០១៧ នៅមុខវត្តកែវសីមា
ខេត្តមណ្ឌលគិរី ៖ មុខសញ្ញាជួញដូរគ្រឿងញៀនសកម្មម្នាក់ ត្រូវបានសមត្ថកិច្ចស្រុកកែវសីមា ឃាត់ខ្លួនបាននាព្រឹកថ្ងៃទី២៨ ខែកញ្ញា ឆ្នាំ២០១៧ នៅមុខវត្តកែវសីមា ស្ថិតនៅភូមិអូរអាម ឃុំស្រែខ្ទុម ។
លោក ស៊ុន ប៊ុនធឿន អធិការនគរបាលស្រុកកែវសីមា បានឲ្យដឹងថា កម្លាំងការិយាល័យប្រឆាំងគ្រឿងញៀនខេត្ត សហការជាមួយកម្លាំងអធិការដ្ឋាននគរបាលស្រុក និងប៉ុស្តិ៍រដ្ឋបាលស្រែខ្ទុម បានចុះធ្វើការឃាត់ខ្លួនជនសង្ស័យម្នាក់ ខណៈកំពុងធ្វើដំណើរតាមដងផ្លូវជាតិលេខ៧៦ ។
លោកអធិការបន្តថា ជនសង្ស័យមានឈ្មោះ តាំ រម្មី ភេទប្រុស ជនជាតិខ្មែរអីស្លាម មានទីលំនៅភូមិស្រែខ្ទុម ឃុំស្រែខ្ទុម ស្រុកកែវសីមា ។ វត្ថុតាងដែលរឹបអូសបានរួមមាន សារធាតុញៀនចំនួន៨កញ្ចប់ ដែលលាក់ទុកក្នុងកញ្ចប់បារី ទូរសព្ទដៃមួយគ្រឿង ម៉ូតូមួយគ្រឿង ។
ក្រោយឃាត់ខ្លួនជនសង្ស័យត្រូវបញ្ជូនទៅសាកសួរនៅអធិការដ្ឋាននគរបាលស្រុក ពីបទជួញដូរគ្រឿងញៀនខុសច្បាប់ និងបញ្ជូនបន្តទៅសាលាដំបូង ដើម្បីចាត់ការតាមនីតិវិធី ៕
ចែករំលែកព័តមាននេះ