ផុន ផាន់ណា ជួបឡាវ ចំណែក ពៅ សក្ដិសិទ្ធ ជួបថៃនៅលើសង្វៀនថ្ងៃស្អែកនេះ
រាជធានីភ្នំពេញ ៖ នៅលើសង្វៀនទូរទស្សន៍ MyTV ថ្ងៃសុក្រទី២៩ កញ្ញា ស្អែកនេះ
រាជធានីភ្នំពេញ ៖ នៅលើសង្វៀនទូរទស្សន៍ MyTV ថ្ងៃសុក្រទី២៩ កញ្ញា ស្អែកនេះ
រាជធានីភ្នំពេញ ៖ នៅលើសង្វៀនទូរទស្សន៍ MyTV ថ្ងៃសុក្រទី២៩ កញ្ញា ស្អែកនេះ កីឡាករកម្ពុជាចំនួន២រូបត្រូវបានគេផ្គូផ្គងឱ្យជួបប្រកួតជាមួយកីឡាករបរទេសនៅក្នុងព្រឹត្តិការណ៍ប្រដាល់អន្តរជាតិដែលមានឈ្មោះថាGanzberg Uber Fighters។ អ្នកនិយមទស្សនាកីឡាប្រដាល់ភាគច្រើនកំពុងតែទន្ទឹងរង់ចាំមើលថាតើកីឡាករកម្ពុជាទាំង២រូបនេះអាចទៅរួចឬយ៉ាងណាខណៈកីឡាករបរទេសដែលពួកគេត្រូវជួបហាក់មានសមត្ថភាពពិបាកផ្ដួលអ៊ីចឹងនោះ។
គូអន្តរជាតិទី១ កីឡាករ ផុន ផាន់ណាមកពីក្លិបខ្លារខិនមានរិទ្ធ ដែលធ្លាប់ប្រកួត៨៣ដង ឈ្នះ៦៩ដង ចាញ់៩ដង ស្មើ៥ដងនិងផ្ដួលគូប្រកួតឱ្យសន្លប់២១ដងត្រូវជួបប្រកួតជាមួយកីឡាករឡាវឈ្មោះ ម៉ុងឃុន ស៊ីតសម្រានដេត ក្នុងប្រភេទទម្ងន់៦៩គីឡូក្រាម ។ កីឡាករឡាវរូបនេះធ្លាប់ប្រកួត៨៥ដង ឈ្នះ៧០ដង ចាញ់១៣ដង ស្មើ២ដង និងផ្ដួលគូប្រកួតឱ្យសន្លប់១៨ដង ។
គូអន្តរជាតិទី២ កីឡាករ ពៅ សក្ដិសិទ្ធមកពីក្លិបតាព្រហ្មមានជ័យដែលធ្លាប់ប្រកួត៨៦ដង ឈ្នះ៥០ដង ចាញ់៣០ដង ស្មើ៦ដង និងផ្ដួលគូប្រកួតឱ្យសន្លប់១៥ដងត្រូវជួបប្រកួតជាមួយកីឡាករថៃឈ្មោះកងផាខាវ អរ យុតថាក់ឆ័យ ក្នុងប្រភេទទម្ងន់៧១គីឡូក្រាម ។ កីឡាករថៃរូបនេះ ធ្លាប់ប្រកួត៩០ដង ឈ្នះ៧០ដង ចាញ់១៨ដងស្មើ២ដង និងធ្លាប់ផ្ដួលគូប្រកួតឱ្យសន្លប់១២ដង ។
តាមការឱ្យដឹងពីអ្នករៀបចំការប្រកួតថា កីឡាករបរទេសទាំងពីររូបនេះមិនធ្លាប់មកប្រកួតនៅលើសង្វៀនកម្ពុជាពីមុនមកទេ ទើបគេពិបាកប៉ាន់ស្មានលទ្ធផលចាញ់ឈ្នះចុងក្រោយដូច្នេះមានតែរង់ចាំមើលការប្រកួតជាក់ស្ដែងនៅលើសង្វៀនប៉ុណ្ណោះ ។ នៅលើសង្វៀនដដែលក៏មានការប្រកួតមិត្តភាពរវាងកីឡាករកម្ពុជានិងកម្ពុជាផងដែរ។
កីឡាករ សួង សុវណ្ណថា មកពីសមាគមកីឡាប្រដាល់ក្រសួងការពារជាតិ ជួបប្រកួតជាមួយកីឡាករ ថា សារុន មកពីក្លិបពន្លឺណេអុង និងកីឡាករ សំ ភក្ដី មកពីក្លិបរ៉ាហាប់ស្វាយប៉ាកប្រកួតជាមួយកីឡាករ ពុទ្ធ វ៉ាន់ណូយ មកពីក្លិបពុទ្ធសិរីវង្សពោធិសែនជ័យ ៕
ចែករំលែកព័តមាននេះ