រោគសញ្ញាបង្ហាញពីជំងឺវិកលចរិតអាថ៌កំបាំង
និយាយច្រើន និយាយតែឯង និងស្តាប់មិនយល់ ជាសញ្ញានៃជំងឺវិកលចរិត ចូរប្រញាប់ទៅ
និយាយច្រើន និយាយតែឯង និងស្តាប់មិនយល់ ជាសញ្ញានៃជំងឺវិកលចរិត ចូរប្រញាប់ទៅ
និយាយច្រើន និយាយតែឯង និងស្តាប់មិនយល់ ជាសញ្ញានៃជំងឺវិកលចរិត ចូរប្រញាប់ទៅជួបគ្រូពេទ្យវិកលចរិតជាក្រុមជំងឺផ្លូវចិត្តធ្ងន់។ បុគ្គលដែលមានជំងឺវិកលចរិតមិនអាចធ្វើការបែងចែករវាងការណ៍ពិត និងភាពស្រមើស្រមៃរបស់ពួកគេបានឡើយ ។
លោកសាស្ត្រាចារ្យវេជ្ជបណ្ឌិតយឹម សុបុត្រា ឯកទេសវិកលវិទ្យានៃមន្ទីរសម្រាកព្យាបាលផ្លូវចិត្តសាន់រ៉ាយ ឱ្យដឹងថាចាប់ផ្តើមពី១វិនាទីឡើងទៅ បើពួកគេមានជំនឿខុសប្លែកពីធម្មតា លឺសំឡេង ឬមើលឃើញអ្វីដែលអ្នកផងទាំងពួងមិនលឺ ឬមើលមិនឃើញ នោះពួកគេមានជំងឺវិកលចរិតពិតប្រាកដ។ ជំងឺវិកលចរិតអាចនឹងប៉ះពាល់ទៅលើគ្រប់អាយុ និងគ្រប់ភេទ គ្រប់ពូជសាសន៍ គ្រប់កម្រិតជីវភាព គ្រប់តំបន់ ទីក្រុងជនបទ និងអ្នកមានចំណេះដឹងគ្រប់កម្រិត ។
ជំងឺនេះហាក់បីដូចជាទំនងបុរសច្រើនជាងស្ត្រី និងមានអាយុចន្លោះពី១៧ទៅ២៨ឆ្នាំ ។
លោកសាស្ត្រាចារ្យបន្តថា មូលហេតុដែលនាំឱ្យកើតមានជំងឺផ្លូវចិត្តធ្ងន់មានដូចជា ៖
-បញ្ហាគ្រួសារ,សង្គម ។
-អតុល្យភាពសារធាតុគីមី ក្នុង ប្រព័ន្ធប្រសាទ ។
-ស្ថានភាពជំងឺផ្លូវកាយមួយចំនួន ។
-ការសេពសុរា,គ្រឿងញៀន ។
-ផល់ប៉ះពាល់សារធាតុគីមីមួយចំនួន…។
ចំពោះរោគសញ្ញា ក្រុមគ្រួសារពិបាកសម្គាល់ឃើញតាំងពីដំបូងនូវអាការចាប់ផ្តើមនៃជំងឺវិកលចរិត ប្រសិនបើពួកគេមិនយកចិត្តទុកដាក់ លើអាការទាំងនេះ ។ រោគសញ្ញាដូចជា ៖
-អាកប្បកិរិយាចម្លែក-កាច ។
-បង្កឱ្យមានគ្រោះថ្នាក់ខ្លួនឯង និងអ្នកដទៃ ។
-និយាយច្រើន និយាយតែឯង និយាយស្តាប់គ្នាមិនយល់ ។
-មិនគេង ពួនសម្ងំតែឯង ដើរ ឬរត់ចេញក្រៅផ្ទះ ។
-ការថយចុះនូវសកម្មភាពប្រចាំថ្ងៃ ឬបាត់បង់ទាំងស្រុង ។
-សង្ស័យច្រើនទៅលើមនុស្សដែលរស់នៅជុំវិញពួកគេថាពួកគេប៉ុនប៉ងធ្វើអាក្រក់ទៅលើខ្លួន ។
-មានជំនឿខុសប្លែកពីធម្មតា អួតអាងខ្លួនឯង ។
-លឺសំឡេង ឬមើលឃើញនូវអ្វី ប្លែកៗដែលអ្នកផងទាំងពួងនៅជុំវិញគេ មិនឮមើលមិនឃើញ ។
ខាងលើនេះជារោគសញ្ញាដែលលេចឡើងច្បាស់លាស់ទៅហើយដែល អ្នកណាៗក៏គង់នឹងដឹងបានដែរមិនចាំបាច់តែអ្នកជំនាញនោះទេ ។ ដូច្នេះការសង្កេតឱ្យឃើញសញ្ញាជំងឺតាំងតែពីដំបូងមានសារសំខាន់បំផុត ដែលនាំទៅដល់ការកាត់បន្ថយប្រាក់ ពេលវេលា និងភាពរ៉ុាំរ៉ៃរបស់អ្នកជំងឺ ។ ចូរប្រញាប់នាំអ្នកជំងឺទៅជួបជាមួយអ្នកជំនាញ ព្រោះការព្យាបាលនាពេលបច្ចុប្បន្ននេះ គឺមានប្រសិទ្ធភាពដែលមានអ្នកជំងឺខ្លះអាចមានឱកាសអាចជាសះស្បើយបានផងដែរ ៕
ចែករំលែកព័តមាននេះ