បងប្អូនមួយចំនួនបានធ្វើការរិះគន់នូវគំនរសំរាមនៅខេត្តកំពតពេលបុណ្យភ្ជុំបិណ្ឌ
ខេត្តកំពត៖ តាមសេចក្តីរាយការណ៍ព័ត៍មាន
ខេត្តកំពត៖ តាមសេចក្តីរាយការណ៍ព័ត៍មានកាលពីព្រឹកថ្ងៃទី២៧ ខែកញ្ញា ឆ្នាំ ២០១៧ថា ពេលចប់ពិធីបុណ្យភ្ជុំបិណ្ឌប្រពៃជាតិខ្មែររយៈពេលបីថ្ងៃ រួចមកផ្សារសាមគ្គីទីរួមខេត្តកំពត មានភ្ញៀវទេសចរណ៍ដែលចូលមកលេងកំសាន្ត និងទិញម្ហូបអាហារជាគ្រឿងសមុទ្រ នៅផ្សារសាមគ្គីពេលនោះ។
បងប្អូនមួយចំនួនបានធ្វើការរិះគន់នូវគំនរសំរាមដែល គរដូចកូនភ្នំនៅប៉ែកខាងត្បូងផ្សារ និងខាងជើងផ្សារសាមគ្គី ប៉ុន្តែបញ្ហាខាងលើមិន មែនកំហុសរបស់អ្នកគ្រប់គ្រងផ្សារទាំងស្រុងនោះទេគឺ នៅថ្ងៃបុណ្យភ្ជុំបិណ្ឌគ្រប់បណ្តាស្ថាបន័ទាំងអស់ត្រូវបានច្បាប់ឈប់សំរាកបីថ្ងៃ ដូចជាកម្មករខាងអនាម័យនេះជាដើម។ ប៉ុន្តែដោយឡែកតាមការពិនិត្យឃើញជាក់ស្តែង អង្គភាពដែលពុំ ឈប់សំរាកនោះគឺ កងកំលាំងប្រដាប់អាវុធទាំងបីប្រភេទ ត្រូវការពារសន្តិសុខសណ្តាប់ធ្នាប់ជូនប្រជាពលរដ្ឋ និងថ្នាក់ដឹកនាំដើម្បីប្រារព្ធបុណ្យប្រពៃណីជាតិរហូតដល់ ថ្ងៃបញ្ចប់នៃកម្មវិធីបុណ្យ ចំណែកអ្នកគ្រប់គ្រងផ្សារសាមគ្គីទីរួមខេត្តកំពតក៏ដូច្នេះដែរ ។
លោក ប៉ែន សត្យា អ្នកគ្រប់គ្រងអនាម័យសណ្តាប់ធ្នាប់ក្នុងផ្សារសាមគ្គីទីរួមខេត្តកំពត បានឲ្យអ្នកយកពត៌មាន ដឹងថា លោកទទួលស្គាល់ ថារយៈពេលបីថ្ងៃនៅថ្ងៃបុណ្យភ្ជុំបិណ្ឌប្រពៃណីជាតិ ខ្មែរនាពេលកន្លងមក គឺកម្មករផ្នែកអនាម័យសំរាមត្រូវឈប់សំរាក រីឯអ្នកលក់ក្នុងផ្សាររយៈពេលបីថ្ងៃនេះគឺ ពួកគាត់លក់រហូត ដូច្នេះសំរាមចេះតែកើនរហូត ប៉ុន្តែក្រោយចប់ពិធីបុណ្យភ្លាមគឺ កំលាំងរបស់ក្រុមការងារគ្រប់គ្រងផ្សារបានឲ្យក្រុមហ៊ុនអនាម័យសំរាមបានប្រមូល និងដឹកជញ្ជូនចេញអស់និងបាញ់ទឹកលាងកន្លែងស្តុបសំរាមយ៉ាងស្អាតទៀតផង។ លោក ប៉ែន សត្យា បានបន្តថា ទោះបីពួកយើងខ្ញុំអ្នកគ្រប់គ្រងផ្សារខិតខំរៀបចំ ក្នុងទីផ្សារឲ្យមានរបៀបរៀបរយយ៉ាងណាក៍នៅមាន ជួបបញ្ហាខ្លះៗដែរ សូម្បីតែអ្នកហូតភាស៊ីក៏មិន អាចហូតភាស៊ីពីពួកគាត់បានឡើយ ហើយការដែលបងប្អូនដាក់លក់នៅលើថ្នល់ ក្រៅផ្សារនេះដែរគឺ ដោយសារតែកំណើនសេដ្ឋកិច្ចរបស់ប្រជាពលរដ្ឋយើងនៅក្នុងខេត្តកំពតនេះមានការកើនឡើងគួរឲ្យកត់សំគាល់ផងដែរ៕
ចែករំលែកព័តមាននេះ