លោកតា វណ្ណ ម៉ូលីវណ្ណ ទទួលមរណភាពនៅព្រឹក នេះ…
រាជធានីភ្នំពេញ ៖ សេចក្តីរាយការណ៍ឱ្យដឹងថា លោកតាវណ្ណ ម៉ូលីវណ្ណ ដែលជាស្ថាបត្យករជើងចាស់ដ៏ល្បីល្បាញបំផុតរបស់
រាជធានីភ្នំពេញ ៖ សេចក្តីរាយការណ៍ឱ្យដឹងថា លោកតាវណ្ណ ម៉ូលីវណ្ណ ដែលជាស្ថាបត្យករជើងចាស់ដ៏ល្បីល្បាញបំផុតរបស់ប្រទេសកម្ពុជា បានទទួលមរណភាពនៅវេលាម៉ោង០៩ និង៤៥នាទីព្រឹកថ្ងៃទី២៨ កញ្ញា នេះ ក្នុងជន្មាយុ៩១ឆ្នាំ ដោយសារតែស្ថានភាពជំងឺកាន់តែធ្ងន់ធ្ងរខ្លាំង មិនអាចសង្គ្រោះបាន ។
គួររំលឹកថា លោកតាវណ្ណ ម៉ូលីវណ្ណ មានព្រះជន្ម៩១ឆ្នាំ លោកតាជាស្ថាបត្យករដ៏ល្បីល្បាញម្នាក់ក្នុងព្រះរាជាណាចក្រកម្ពុជា តាំងពីយូរយាណាស់មកហើយ ខណៈពេលនេះលោកតាស្ថិតក្នុងស្ថានភាពឈឺធ្ងន់ព្យាបាលនៅក្នុងមន្ទីរពេទ្យ ដោយមានការយកចិត្តទុកដាក់ពីក្រុមគ្រូពេទ្យជំនាញ ។
លោកតាវណ្ណ ម៉ូលីវណ្ណ មានទីលំនៅបច្ចុប្បន្នក្នុងភូមិទ្រាំង សង្កាត់ស្លក្រាម ក្រុងសៀមរាប ខេត្តសៀមរាប ។ ជីវប្រវត្តិស្ថាបត្យករលោកវណ្ណ ម៉ូលីវណ្ណ កើតនៅថ្ងៃទី២៣ វិច្ឆិកា ឆ្នាំ១៩២៦ មានស្រុកកំណើត នៅខេត្តកំពត ហើយនៅឆ្នាំ២០១៧នេះ លោកមានអាយុ៩១ឆ្នាំ ។ លោកតាវណ្ណ ម៉ូលីវណ្ណ គឺជាសិស្សទី១ ដែលបានប្រឡងជាប់បាក់ឌុបនៅវិទ្យាល័យស៊ីសុវត្ថិនៅឆ្នាំ១៩៤៤ ដល់ឆ្នាំ១៩៤៧-១៩៥៦ លោកតាបានទៅសិក្សាផ្នែកស្ថាបត្យកម្មនៅទីក្រុងប៉ារីសនៃប្រទេសបារាំង ។
លោកតាគឺជាស្ថាបត្យករជើងចាស់របស់ប្រទេសកម្ពុជា បានចូលរួមជាច្រើននៅក្នុងការស្ថាបត្យកម្មខ្មែរទំនើបនាសម័យសង្គមរាស្ត្រនិយមតាំងពីអំឡុងឆ្នាំ១៩៥៥ ដល់១៩៧០ ។ លោកតាជា ព្រឹទ្ធបុរសទី១ នៃសាកលវិទ្យាល័យភូមិន្ទវិចិត្រសិល្បៈ នៅក្នុងអំឡុងឆ្នាំ១៩៦៥ ដល់ឆ្នាំ១៩៦៧ ។ ក្នុងអំឡុងឆ្នាំ១៩៩១ លោកតាបានចូលរួមបំរើការងាររដ្ឋមន្ត្រីក្រសួង វប្បធម៌ និង វិចិត្រសិល្បៈ នគរូបនីយកម្មសំណង់ ។
លោកតាបានកសាងស្នាដៃ នៅសាលសន្និសីទចតុមុខ នៅទស្សវត្ត៦០ ដល់៧០ ក្នុងអំឡុងឆ្នាំ១៩៥៨, វិមានឯករាជ្យក្នុងអំឡុងឆ្នាំ១៩៥៨ ដល់១៩៧០, ពហុកីឡដ្ឋានជាតិអូឡាំពិក ក្នុងអំឡុងឆ្នាំ១៩៦៤ ,សាលមហាស្រប ព្រះសុរាម្រឹត ក្នុងអំឡុងឆ្នាំ ១៩៦៨ និង សាកលវិទ្យាល័យភូមិន្ទភ្នំពេញ,មហា វិទ្យាបណ្តុះបណ្តាល គ្រូបង្រៀននៃវិទ្យាស្ថានភាសាបរទេស(១៩៧២),ទីស្តីការគណៈរដ្ឋមន្ត្រី ចាស់ ,វិមានរដ្ឋ ចំការមន(១៩៦៦) និង បុរី ១០០ខ្នង និង ក្រុមហ៊ុនផលិតស្រាបៀរ (SKD) ខេត្តព្រះសីហនុ នៅអំឡុងឆ្នាំ១៩៦៨ ផងដែរ។
ចែករំលែកព័តមាននេះ