ខ្យល់កខ្វក់មិនត្រឹមធ្វើឱ្យពិបាកដកដង្ហើមទេ ថែមទាំងអាចប៉ះពាល់យ៉ាងច្រើនទៀត
អ្នកប្រហែលជាធ្លាប់លឺហើយថា
អ្នកប្រហែលជាធ្លាប់លឺហើយថា
អ្នកប្រហែលជាធ្លាប់លឺហើយថា ការបំពុលបរិយាកាសអាចប៉ះពាល់ប្រព័ន្ធដង្ហើម បេះដូង និងសួត ប៉ុន្តែមានការស្រាវជ្រាវថ្មីមួយបង្ហាញថាការបំពុលបរិយាកាសក៏អាចប៉ះពាល់ដល់តម្រងនោមរបស់អ្នកដូចគ្នា ។
ការស្រាវជ្រាវនេះត្រូវបានធ្វើឡើងដោយអ្នកស្រាវជ្រាវនៅសាកលវិទ្យាល័យវេជ្ជសាស្ត្រវ៉ាស៊ីនតោននៅសហរដ្ឋអាមេរិក ។ ក្នុងអំឡុងពេលនៃការស្រាវជ្រាវ ក្រុមអ្នកស្រាវជ្រាវបានសិក្សាទៅលើមនុស្សចំនួន២,៥លាននាក់ និងបានវាយតម្លៃពីឥទ្ធិពលនៃការបំពុលបរិយាកាស និងជំងឺតម្រងនោមលើក្រុមនេះរយៈពេល៨,៥ឆ្នាំចាប់ពីឆ្នាំ២០០៤ ។
គំរូទាំងនេះត្រូវបានប្រមូល និងប្រៀបធៀបដោយទីភ្នាក់ងារការពារបរិស្ថានអាមេរិក (EPA) ព្រមទាំងអង្គការ NASA ផងដែរ ។
ការស្រាវជ្រាវនេះបានបង្ហាញថាករណីថ្មីនៃជំងឺតម្រងនោម៤៤,៧៩៣ និងជំងឺខ្សោយតម្រងនោមចំនួន ២,៤៣៨អាចបណ្តាលមកពីកម្រិតនៃការបំពុលបរិយាកាសដែលលើសពីកម្រិត EPAs ១២មីក្រូក្រាមក្នុងមួយម៉ែត្រគូបនៃខ្យល់ដែលជាកម្រិតនៃការបំពុលបរិយាកាសខ្ពស់បំផុតដែលត្រូវបានគេចាត់ទុកថាមានសុវត្ថិភាពសម្រាប់សាធារណៈ ។ នេះបើតាមក្រុមអ្នកស្រាវជ្រាវបាននិយាយ។
លោក Al-Aly អ្នកនិពន្ធជាន់ខ្ពស់នៃការសិក្សានេះបាននិយាយថាទោះជាយ៉ាងណាក្តី នៅពេលដែលយើងវិភាគលើទិន្នន័យ ការទាក់ទងរវាងការបំពុលបរិយាកាស និងការវិវឌ្ឍជំងឺតម្រងនោមមានភាពច្បាស់លាស់ ។ សមាសធាតុតូចៗក្នុងខ្យល់អាចធ្វើឱ្យខូចតម្រងនោមតាមវិធីដូចគ្នានៅពេលដែលវាបំផ្លាញសរីរាង្គដទៃទៀតដូចជាបេះដូង និងសួត ។
ធូលី តូចៗ ផ្សែងផេះ តំណក់ទឹកក្នុងខ្យល់អាចបំផ្លិចបំផ្លាញនៅពេលដែលពួកវាចូលទៅក្នុងចរន្តឈាម ។ តម្រងនោមច្រោះឈាម ហើយភាគល្អិតដែលបង្កគ្រោះថ្នាក់ទាំងនេះអាចរំខានដល់មុខងារធម្មតារបស់តម្រងនោម ៕
ចែករំលែកព័តមាននេះ