ហិ.ង្សាដណ្តើមដីគ្នាស្លា.ប់ច្រើនរយនាក់
រដ្ឋាភិបាលកាលពីថ្ងៃទី២៥ កញ្ញា ថា ការប៉ះទង្គិចគ្នាយ៉ាងសាហា.វទាក់ទិននឹងទំនាស់ដីធ្លីរវាង
ប្រទេសអេត្យូពី ៖ រដ្ឋាភិបាលអេត្យូពីប្រកាសកាលពីថ្ងៃទី២៥ កញ្ញា ថា ការប៉ះទង្គិចគ្នាយ៉ាងសាហាវនានាទាក់ទិននឹងទំនាស់ដីធ្លីនៅអេត្យូពីរវាងក្រុមជនជាតិភាគតិច២នរបស់ប្រទេស បណ្តាលឱ្យមនុស្សស្លាប់ជាច្រើនរយនាក់ ហើយមនុស្សច្រើនពាន់នាក់រត់ភៀសខ្លួនចាប់តាំងពីដើមខែកញ្ញាមក ។
លោក NEGERI LENCHO អ្នកនាំពាក្យរដ្ឋាភិបាលថ្លែងថា យើងអាចនិយាយថា សមាជិកជនជាតិភាគតិច OROMO ជាច្រើនរយនាក់ត្រូវស្លាប់ ហើយខាងជនជាតិភាគតិច SOMALI ច្រើននាក់ក៏ត្រូវស្លាប់ដែរ ។ យើងពុំទាន់ដឹងច្បាស់ប្រាកដដែរថាតើមានមនុស្សស្លាប់សរុបប៉ុន្មាននាក់ដែលនេះជាកម្មវត្ថុនៃការស៊ើបអង្កេតមួយ ។
ការប៉ះទង្គិចគ្នាទាំងនេះកើតមានរវាងបណ្តាសមាជិកជនជាតិភាគតិច OROMO និងសមាជិកជនជាតិភាគតិច SOMALI តាមបណ្តោយព្រំដែនរវាងតំបន់ពួកគេ ។ ប្រធានាធិបតីតំបន់ OROMO លោក LEMMA MEGERSA អះអាងកាលពីពាក់កណ្តាលខែកញ្ញា ថា ពួកជនជាតិភាគតិចទាំង២ក្រុមបានកាប់សម្លាប់គ្នាយ៉ាងសាហាវបំផុតជំរុញឱ្យមនុស្ស៥០.០០០នាក់រត់ភៀសខ្លួនចេញ ។
អ្នកនាំពាក្យរដ្ឋាភិបាលអេត្យូពីបន្តថា បណ្តាកងឯកភាពប៉ូលិស និងកងទ័ពសហព័ន្ធត្រូវបានដាក់ពង្រាយ ហើយបានស្តាររបៀបរៀបរយឡើងវិញ ។
ពួក OROMO និងពួក SOMALI មានទំនាស់នឹងគ្នាចាប់តាំងពីច្រើនឆ្នាំមកហើយ លើការត្រួតត្រាតំបន់មួយចំនួនស្ថិតនៅតាមបណ្តោយព្រំដែនរួមរបស់ពួកគេ ៕
ចែករំលែកព័តមាននេះ