រថយន្តសណ្ដោងកុងតឺន័រមួយគ្រឿងពន្លះបង្គោលភ្លើងទាំងកណ្ដាលថ្ងៃ
រាជធានីភ្នំពេញ ៖ បង្គោលភ្លើងថ្ម១ដើម បានបាក់ និងដាច់ខ្សែធ្លាក់រាយពេញផ្លូវ បន្ទាប់ពីត្រូវបានរថយន្តសណ្ដោងកុងតឺន័រ១គ្រឿង
រាជធានីភ្នំពេញ ៖ បង្គោលភ្លើងថ្ម១ដើម បានបាក់ និងដាច់ខ្សែធ្លាក់រាយពេញផ្លូវ បន្ទាប់ពីត្រូវបានរថយន្តសណ្ដោងកុងតឺន័រ១គ្រឿង
រាជធានីភ្នំពេញ ៖ បង្គោលភ្លើងថ្ម១ដើម បានបាក់ និងដាច់ខ្សែធ្លាក់រាយពេញផ្លូវ បន្ទាប់ពីត្រូវបានរថយន្តសណ្ដោងកុងតឺន័រ១គ្រឿង បានបើកបរជ្រុលទៅបុកទាំងកំរោល ដោយមិនដឹងថាអ្នកបើកបររវល់តែងាកទៅណា ឬក៏ងងុយដេក និងស្រវឹងស្រានោះឡើយ ប៉ុន្តែជាសំណាងខ្លាំងណាស់ ដែលនៅក្នុងហេតុការណ៍មួយនេះ គ្មានមនុស្សណាម្នាក់បានស្លាប់ ឬរងរបួសនោះឡើយ ។
ឧប្បត្តិហេតុខាងលើនោះ បានកើតឡើងកាលពីវេលាម៉ោង១២ថ្ងៃត្រង់ ថ្ងៃទី២៦ ខែកញ្ញា ឆ្នាំ២០១៧ នៅតាមបណ្ដោយផ្លូវជាតិលេខ៤ ត្រង់ចំណុចជិតអតីតបញ្ជរបង់ប្រាក់កំបូល ស្ថិតនៅក្នុងភូមិត្រពាំងគល់ សង្កាត់កន្ទោក ខណ្ឌពោធិ៍សែនជ័យ រាជធានីភ្នំពេញ ។
តាមប្រភពព័ត៌មានបានឲ្យដឹងថា រថយន្តបង្កខាងលើនោះ ពណ៍ស ពាក់ស្លាកលេខ ភ្នំពេញ ៣D-០២៤៥ បើកបរដោយបុរសមិនស្គាល់អត្តសញ្ញាណម្នាក់ ។ នៅមុនពេលកើតហេតុ រថយន្តបង្កនោះ បានបើកបរធ្វើដំណើរក្នុងទិសដៅពីលិចទៅកើត គឺពីខេត្តព្រះសីហនុឆ្ពោះចូលរាជធានីភ្នំពេញ ក្នុងល្បឿនលឿន ។ លុះពេលទៅដល់ត្រង់ចំណុចកើតហេតុខាងលើ មិនដឹងថា អ្នកបើកបររវល់តែងាកមើលទៅណា ឬក៏ងងុយដេក និងស្រវឹងស្រានោះឡើយ ស្រាប់តែរេចង្កូតជ្រុលទៅបុកបង្គោលភ្លើងថ្ម១ដើម ស្ថិតនៅមុខបុរីពិភពថ្មីទាំងកំរោល បណ្ដាលឲ្យបាក់២ទៅ៣កំណាត់ ដួលសង្កត់លើក្បាលរថយន្តនោះតែម្ដង ។
ប្រភពដដែលបានបន្តទៀតថា ក្រោយពេលកើតហេតុ គេបានឃើញរថយន្តរងការខូចខាតខ្លះៗ ចំណែកបង្គោលភ្លើងបានបាក់រាបដល់ដី និងបានដាច់ខ្សែភ្លើងធ្លាក់រាយពេញដី ចំណែកអ្នកបើកបរមិនបានប្រាប់ពីអត្តសញ្ញាណរបស់ខ្លួនឲ្យដឹងនោះទេ ហើយក៏មិនបានប្រាប់ឲ្យដឹងពីមូលហេតុ ដែលនាំឲ្យរថយន្តរេចង្កូតទៅបុកបង្គោលភ្លើងនោះដែរ ។
ប៉ុន្តែសំណាងល្អហើយ ដែលនៅក្នុងខណៈនោះមិនបានបណ្ដាលឲ្យមានមនុស្សណាម្នាក់រងរបួស ឬក៏ស្លាប់ បន្ទាប់មកខាងមន្ត្រីអគ្គិសនីបានចុះទៅពិនិត្យមើលការខូចខាតបង្គោលភ្លើង និងការដាច់ខ្សែភ្លើងភ្លាមៗដែរ ព្រោះខ្លាចឆក់អ្នកធ្វើដំណើរ បង្កឲ្យមានគ្រោះថ្នាក់កើតឡើងដល់អាយុជីវិត ចំណែកនគរបាលការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ បានចុះទៅធ្វើការវាស់វែង និងនាំយករថយន្តបង្កទៅកាន់ការិយាល័យរង់ចាំការដោះស្រាយនៅពេលក្រោយតាមនីតិវិធី ៕
ចែករំលែកព័តមាននេះ