បាញ់​ភ្ជុច​ដី​មួយ​គ្រាប់​នៅ​មុខ​ភោជនីយដ្ឋាន​63​


រាជធានី​ភ្នំពេញ ៖ ​សំឡេង​ផ្ទុះ​មួយ​គ្រាប់​ធ្វើ​ឱ្យ​ភ្ញាក់​ផ្អើល​ដល់​ប្រជាពលរដ្ឋ​ និងសមត្ថ​កិច្ច​ចុះ​ទៅ​រក​មើល​សម្បក​គ្រាប់​នៅ​កន្លែង​កើត​ហេតុ​ ប៉ុន្តែ​រក​មិន​ឃើញ​ទេ​ ដែល​ហេតុ​ការណ៍​នេះ​កើត​ឡើង​នៅវេលាម៉ោង​១១​យប់​ថ្ងៃ​ទី​១ មេសា​ តាម​ផ្លូវ​លេខ​៦៣​ មុខ​ភោជ​នីយដ្ឋាន​៦៣​ សង្កាត់​បឹង​កេង​កង​ទី១​ ខណ្ឌ​ចំការ​មន ។​

ប្រភព​ព័ត៌​មាន​ពី​អ្នក​រត់​រ៉ឺម៉ក​ម៉ូតូ​ដែល​ឈប់​ចាំ​ភ្ញៀវ​នៅ​ជិត​កន្លែង​កើត​ហេតុ​បាន​ឱ្យ​ដឹង​ថា​ នៅ​ក្នុង​ហាង​មាន​ភ្ញៀវ​អង្គុយ​ផឹក​ស៊ី​ ហើយ​ក្នុង​ចំណោម​នោះ​មាន​បុរស​ម្នាក់​មិនដឹង​ជា​ខឹង​រឿង​អ្វី​ទេ​ បាន​ដក​កាំភ្លើងបាញ់​ភ្ជុច​ដី​មួយ​គ្រាប់​ ធ្វើ​ឱ្យ​ប្រជាពលរដ្ឋ​នៅ​ជិត​កន្លែង​កើត​ហេតុ​ភ័យ​ស្លន់​ស្លោ​ និងភ្ញាក់​ផ្អើល​ដល់​សមត្ថ​កិច្ច​ ។​

ប្រភពដដែល​បាន​បន្តទៀត​ថា​ ដោយសារ​មិន​មាន​ភស្តុតាង​គ្រប់​គ្រាន់​ សមត្ថក​ិច្ច​មិន​បាន​ធ្វើ​ការ​ឆែក​ឆេរ​ភ្ញៀវ​ដែល​នៅ​អង្គុយ​ក្នុងហាង​នោះ​ទេ​ បាន​ត្រឹម​​តែ​ប្រាប់​ម្ចាស់​ហាងឱ្យ​បិទ​ទ្វារ​ផ្អាក​ការ​លក់​ដូរ​តែ​ប៉ុណ្ណោះ ។​ ការ​បាញ់​បោះ​សេរី​បែប​នេះ​តែង​កើត​មាន​ជា​រឿយៗ​នៅពេល​យប់​ក្នុង​ហាង​ផឹក​ស៊ី​ ដែល​បញ្ជាក់​យ៉ាង​​ច្បាស់​ថា​ខ្មាន់​កាំ​ភ្លើង​នៅ​តែ​ផ្គើន​ចំពោះ​សន្តិ​សុខ​សណ្តាប់​ធ្នាប់​ ហើយ​ការ​គ្រប់​គ្រង​អាវុធ​ជាតិ​ផ្ទុះ​ពិតជា​ហួស​ពី​ការ​គ្រប់​គ្រង​ទៅ​ហើយ ៕​

ព្រឹត្តិការណ៍សង្គម

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

To Top

ការស្ទង់មតិគេហទំព័រថ្មី




សូម​អរគុណ