ហ្វូងទារាប់ពាន់ក្បាលបានធ្វើឲ្យព្រះសង្ឃ យាយជីតាជី និងពលរដ្ឋ…
ព្រៃវែង៖ តាមសេចក្តីរាយការណ៍ព័ត៍មាន
ព្រៃវែង៖ តាមសេចក្តីរាយការណ៍ព័ត៍មាន
ព្រៃវែង៖ តាមសេចក្តីរាយការណ៍ព័ត៍មាន ថ្ងៃទី២៦ ខែកញ្ញា ឆ្នាំ ២០១៧ថា ព្រះសង្ឃ យាយជី តាជី ព្រមទាំងប្រជាពលរដ្ឋនៅជុំវិញវត្តក្រាំងពិសី ស្ថិតក្នុងភូមិពាមអំពិល ឃុំរាប ស្រុកពារាំង បានសំណូមពរសុំអោយខាងអាជ្ញាធរ ជួយដោះស្រាយរឿងហ្វូងទារាប់ពាន់ក្បាល ដែលប្រជាពលរដ្ឋ២គ្រួសារ បានយកមកចិញ្ចឹមនៅជាប់របងវត្ត។គណៈកម្មការវត្តក្រាំងពិសី និងប្រជាពលរដ្ឋជុំវិញវត្ត បានលើកឡើងដូចៗគ្នាថា ប៉ុន្មានថ្ងៃមកនេះទាដែលគេចិញ្ចឹមនៅជាប់របងវត្តនោះអាចម៌របស់វាបានជះក្លិនស្អុយយ៉ាងខ្លាំង និងសាយភាយគ្រប់ដណ្តប់ពេញក្នុងបរិវេណវត្ត និងផ្ទះប្រជាពលរដ្ឋដែលនៅជុំវិញនោះ ធ្វើអោយព្រះសង្ឃ យាយជី តាជី មិនអាចរៀនធម៌ ឬឆាន់ចង្ហាន់បាននោះទេ។
ប្រភពដដែលនេះបានបញ្ជាក់អោយដឹងថា អ្នកដែលយកទាមកចិញ្ចឹមនៅជាប់របងវត្តនោះ គឺជាប្រជាពលរដ្ឋ២គ្រួសារ ដែលមានទីលំនៅក្នុងភូមិពាមអំពិលនេះដែរ ហើយកន្លែងដែលគេចិញ្ចឹមនោះគឺជាដីស្រែរបស់គេ ប៉ុន្តែដោយសារទីតាំងនោះនៅជាប់នឹងវត្ត ព្រមទាំងផ្ទះប្រជាពលរដ្ឋពេក ។ ពាក់ពន្ធ័ និងបញ្ហានេះលោក ហ៊ី ធួក អភិបាលស្រុកពារាំងបានអោយដឹងថា ចំពោះបញ្ហានេះទាំងខាងវត្ត និងប្រជាពលរដ្ឋមិនបានប្តឹងមកខាងស្រុកទេ ប៉ុន្តែកូនចៅរបស់លោកនៅមូលដ្ឋានបានរាយការណ៌ប្រាប់លោកដែរ ហើយពេលនេះលោកបានអោយមន្ត្រីជំនាញចុះទៅត្រួតពិនិត្យហើយ នៅថ្ងៃស្អែក ឬខានស្អែកលោកនឹងធ្វើការដោះស្រាយ ។
ដោយឡែកលោក តូច វ៉ារដ្ឋា ប្រធានមន្ទីរបរិស្ថានខេត្តព្រៃវែងបានឲ្យដឹងថា ចំពោះករណីនេះលោកទើបនឹងទទួលបានព័ត៌មានទេ ហើយលោកចង់ឲ្យព្រះសង្ឃ និងគណៈកម្មការវត្ត ធ្វើការដោះស្រាយគ្នាតាមបែបមនោសញ្ចេតនាសិន៕
ចែករំលែកព័តមាននេះ