​​បាត់​ខ្លួន​​​2ថ្ងៃ​​ប្រទះឃើញ​​ដីដំបូក​បាក់សង្កត់​​ពី​លើ​ដូចកប់​ទាំង​រស់


រាជ​ធានី​ភ្នំពេញ​៖​បុរស​ម្នាក់​បាត់​ខ្លួន​រយៈ​ពេល​២​ថ្ងៃមក​ហើយ​ត្រូវ​បាន​អ្នក​ភូមិ​​ទៅ​បត់​ជើង​ប្រទះ​ឃើញ​សព​ដោយសារ​​​ដី​ដំបូក​ដែល​មាន​ទម្ងន់​រាប់​តោន​បាក់​សង្កត់​លើ​ ហើយ​បាន​ធ្វើ​ឱ្យ​មាន​ការ​ភ្ញាក់​ផ្អើល​កាល​ព​ីវេលា​ម៉ោង​៤​រសៀល​​ថ្ងៃទី​១​ ​​មេសា​​ ​​នៅក្នុងព្រៃចម្ការ​ចេក​ក្នុង​ភូមិ​ក្តី​ចាស់​ សង្កាត់​បាក់​ខែង​ ខណ្ឌ​ឫស្សី​កែវ ។

សមត្ថកិច្ច​បាន​​ឱ្យ​ដឹង​ថា ​​បុរស​ដែល​ស្លាប់​ឈ្មោះ​ចេន​ ហេន​ អាយុ​​៤៥​ឆ្នាំ គាត់​ជា​មនុស្ស​មាន​​ជំងឺ​សរសៃ​ប្រសាទ​​​ស្នាក់​នៅ​វត្ត​សូរិ​យា​ពោធិ៍​មាស​​​​ហៅ​វត្ត​ក្តី​ចាស់ សង្កាត់​បាក់​ខែង​ ។​ ទាក់​ទិន​​នឹង​ការ​ស្លាប់​នេះ​ត្រូវ​បាន​សមត្ថ​កិច្ច​​​ធ្វើ​ការ​សន្និ​ដ្ឋាន​ថា​ ដោយ​សារតែបុរស​នោះ​បាន​ទៅ​កាប់​ព្រៃ​​​​ក្បែរ​នោះ​ហើយ​ត្រូវ​ដំបូក​ទម្ងន់​​រាប់​តោន​បាក់​សង្កត់​ជាប់​ដូច​គេ​កប់​នៅ​សល់​តែ​ផ្នែក​ក្បាល​​ហើយ​​​​តាម​រយៈ​ក្លិន​ស្អុយ​ទើប​​​​គេ​​ដឹង​ ។​

តាម​ប្រភព​​​ព័ត៌​មាន​ឱ្យ​ដឹង​ថា ឈ្មោះ​ចេន​ ហេន​​ ជា​មនុស្ស​មាន​ជំងឺសរសៃប្រសាទ​ហើយ​គាត់​មាន​ប្រពន្ធ​ និង​កូន​ចំនួន​៥នាក់​ ។​ បន្ទា​ប​់ពី​លែង​លះ​បែក​​​បាក់​ក្នុង​គ្រួសារ​គាត់​បាន​ទៅ​រស់​នៅ​ក្នុង​វត្ត​សូរិ​យា​ពោធិ៍​មាស​ ហៅ​វត្ត​ក្តីចាស់​ សង្កាត់​ បាក់​ខែង​ ។​ កាល​ពីថ្ងៃទី​៣០​ខែមីនា​ ឆ្នាំ២០១៣ ​ឈ្មោះ​​ចេន​ ហេន​ បាន​បាត់​ខ្លួន​មិន​ដឹងជា​ទៅ​ទី​ណា​​ទេ ទាំង​​​ព្រះស​ង្ឃ​និ​ង​គណៈ​កម្ម​​​​ការ​​វត្ត​បាន​នាំ​គ្ន​ា​ដើរ​រក​គ្រប់ច្រកល្ហកក៏​​មិន​ឃើញ​ ស្រាប់​តែ​នៅ​រសៀល​ថ្ងៃទី​១​​ ​​​មេសា​ អ្នក​ភូមិ​ប្រទះ​ឃើញ​សព​តែម​្តង​​​ ខណៈ​គាត់​​េ​​ទៅ​បត់​ជើង​​​នៅ​ក្បែរ​ដំបូក​​​នោះ​ ។

​លោក​ខៀវ​ ​នី​​​ អាយុ​៤៥​ឆ្នាំ ជា​ម្ចាស់​ដី​បាន​ឱ្យ​ដឹង​ថា​ នៅ​មុន​ពេ​ល​ប្រទះ​ឃើញ​សព​ គាត់​បាន​ដើរ​​ទៅ​ក្រោយ​ផ្ទះ​ចម្ងាយ​ប្រមាណ​១០០​ម៉ែត្រ​​ដើម្បី​ទៅ​​បត់​ជើង​ ខណៈនោះ​​គាត់​ចេះ​តែ​ធុំ​ក្លិន​ស្អុយ​​ចម្លែក​ ហើយ​​​ន​ឹក​ភ្នក​ក្នុង​ចិត្ត​​ថា ក្លិន​នេះ​​ស្អុយ​ដូច​ជា​​ខ្មោច​ងាប់ ។ ​ពេល​នោះ​គាត់​ក៏​ដើរ​​ជុំ​វិញ​ដំបូក​​​អើត​មើល​​​ក៏​ប្រទះ​​ឃើញ​សព​មនុស្ស​​​​ត្រូវ​​ដំបូក​​បាក់​សង្កត់ពី​លើ​​​សល់​តែក្បាល ​។ ​​បន្ទាប់​មក​​គាត់​​ក៏​​រាយ​ការណ៍​ទៅ​ប្រធាន​ភូមិ​​ ប៉ូលិស ​និង​ធ្វើ​​ឱ្យ​មាន​​ការ​ភ្ញាក់​ផ្អើល​​ដល​់​អ្នក​ជិត​ខាង​​​​តែ​ម្ដង​ទៅ​​ ។

​លោ​ក​បន្ត​ថា​ ដី​ដំបូក​ដែល​បាក់​នោះ​មាន​ទំហំ​ប្រមាណ​ជិត​២​ម៉ែត្រ​មាន​ទម្ងន់​រាប់​តោន​ ។ បន្ទាប់​ពី​ភ្ញាក់​ផ្អើល​នៅ​វេលា​យប់ ​ប៉ូលិ​ស​ប៉ុស្តិ៍ និង​បច្ចេក​ទេស​រួម​ទាំង​គ្រូពេទ្យ​បាន​ចុះ​ទៅ​ពិនិត្យ​សព​ដោយ​ចាត់​ចែង​ឱ្យ​អ្នក​ភូមិ​នា​ំគ្ន​ាជ​ួយ​គាស់​សព​ចាប់​តាំង​ពី​វេលា​ម៉ោង​៧​និង​៣០​នាទី​យប់​រហូត​ដល់​ម៉ោង​៩​យប់​ទើប​គាស់​កាយយក​​សព​​​​ចេញ​បាន​​​ ។​ ចំណែក​ប៉ូលិស​ខណ្ឌ​ឫស្សី​កែវ​ពុំ​មាន​វត្ត​មាន​​ក្នុង​ពេល​នោះ​​ទេ​​ពី​ព្រោះ​ខ្លាច​​ខ្មោច​ ។​

តាម​ការ​ពិនិត្យ​សព​បាន​បង្ហាញ​​ថា គាត់​​ស្លាប់​ដោយ​សារ​តែ​បាក់​ដី​ដំបូក​សង្កត់​ពី​លើ ​នៅ​ពេល​ដែល​គាត់​ទៅ​កាប់​ព្រៃក្បែ​រ​ដំបូក ​ព្រោះ​ដៃ​​គាត់​​កាន់​ពូ​ថៅ​​ជាប់​ ។​ ​​​​​ក្រោយ​ពី​ធ្វើ​កោសល្យវិច័យ​​រួច ​សមត្ថ​​កិច្ច​​​​បាន​ប្រគល់​​សព​​ឱ្យ​​ក្រុម​គ្រួសារ​​​ដើម្បី​​​​យក​​​ទៅ​ធ្វើ​បុណ្យ​តាម​ប្រពៃណី ៕

ព្រឹត្តិការណ៍សង្គម

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

To Top

ការស្ទង់មតិគេហទំព័រថ្មី




សូម​អរគុណ