បុរសកូរ៉េម្នាក់ បង្កឱ្យគេឯងខ្លាចរអារពេញផ្លូវ…
រាជធានីភ្នំពេញ ៖ បុរសកូរ៉េម្នាក់
រាជធានីភ្នំពេញ ៖ បុរសកូរ៉េម្នាក់
រាជធានីភ្នំពេញ ៖ បុរសកូរ៉េម្នាក់សង្ស័យថាបែកថ្នាំ បានបើករថយន្តក្នុងល្បឿនយ៉ាងលឿននិងរេពេញផ្លូវ បង្កឱ្យប្រជាពលរដ្ឋមានការភ្ញាក់ផ្អើល និងភ័យខ្លាចយ៉ាងខ្លាំង ។ ក្រោយមក បែរជាឃើញបុរសនោះទៅឈប់រថយន្តនៅក្នុងបរិវេណផ្ទះគេមួយកន្លែង រួចដើរចេញពីក្នុងរថយន្តធ្វើព្រងើយ ។ តែក្រោយមក ត្រូវបានកម្លាំងនគរបាលប៉ុស្ដិ៍ចោមចៅចុះឃាត់ខ្លួននាំទៅសាកសួរភ្លាមៗ ។ហេតុការណ៍នេះ កើតឡើងកាលពីវេលាម៉ោង១១ និង១៥នាទីព្រឹកថ្ងៃទី២៦ កញ្ញា ស្ថិតតាមបណ្ដោយផ្លូវជាតិលេខ៣ ក្នុងភូមិក្រាំងដូនទៃ សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ ។
ប្រភពឱ្យដឹងថា បុរសខាងលើនោះ មិនបានប្រាប់ពីឈ្មោះរបស់ខ្លួនឡើយ មានអាយុប្រហែលជាង៣០ឆ្នាំ ស្នាក់នៅផ្ទះជួលនៅក្នុងសង្កាត់ ស្ទឹងមានជ័យ ខណ្ឌមានជ័យ រាជធានីភ្នំពេញ ។ នៅមុនពេលកើតហេតុ បុរសជនជាតិកូរ៉េរូបនេះ បានបើកបររថយន្តម៉ាកហ៊ីយ៉ាន់ដាយ ពណ៌.ស ពាក់ស្លាកលេខភ្នំពេញ2AJ-9643 ក្នុងទិសដៅពីត្បូងទៅជើង តាមបណ្ដោយផ្លូវជាតិលេខ៣ ក្នុងល្បឿន លឿនព្រមទាំងមានសភាពរេពេញផ្លូវថែមទៀតផង ។ លុះពេលទៅដល់ត្រង់ចំណុចកើតហេតុខាងលើ ក៏បានបត់ចូលទៅឈប់នៅមុខផ្ទះរបស់ប្រជាពលរដ្ឋនៅ ក្នុងភូមិក្រាំងដូនទៃនោះ រួចបានចុះដើរចេញពីរថយន្តធ្វើព្រងើយ។
ប្រភពដដែលបន្តទៀតថា ពេលនោះបុរសជនជាតិកូរ៉េនោះ ចេះនិយាយភាសាអង់គ្លេសខ្លះៗ (តែនិយាយត្រឡប់ត្រឡិន គ្មានការប្រាកដប្រជាទាល់តែសោះ) ។ គាត់ត្រូវសង្ស័យថា បានប្រើប្រាស់គ្រឿងញៀនរហូតដល់បែកលែងដឹងខុសត្រូវទៅហើយ ។ បុរសរូបនេះម្ដងនិយាយថា គាត់ខឹងប្រពន្ធខ្លាំងណាស់ ដោយសារប្រពន្ធគាត់មានសហាយហើយដេកជាមួយប្រុសសហាយ ក្បត់ចិត្តគាត់ ។ លុះក្រោយមក បែរជានិយាយផ្សេងវិញថា ខ្លួនពិបាកចិត្តខ្លាំងពេក ដោយសារតែប្រពន្ធរត់ចោលមិនដឹងថា បាត់ទៅទីណាឡើយ គឺបាត់ប្រពន្ធពីផ្ទះ ហើយខ្លួនបានតាមរនាង តែរកមិនឃើញសោះ ធ្វើឱ្យខ្លួនមួរម៉ៅខ្លាំង ទើបបើករថយន្តទាំងគ្មានអារម្មណ៍បែបនេះ។
ទោះបីបែបណា កម្លាំងនគរបាលបានឃាត់ឲ្យបុរសនោះនៅប៉ុស្ដិ៍ចោមចៅ ជាបណ្ដោះអាសន្ន រង់ចាំស្រាវជ្រាវរកក្រុមគ្រួសារ។
ចែករំលែកព័តមាននេះ