មួយបទរបស់កុមារីរ៉ន ចាន់ឌីន ទាក់ទាញយ៉ាងខ្លាំង
រាជធានីភ្នំពេញ ៖ ជាបទមរតកដើមច្រៀងប្រើសំឡេងតឹងខ្លាំងត្រូវកុមារីរ៉ន ចាន់ឌីនពីខេត្តកំពង់ស្ពឺ
រាជធានីភ្នំពេញ ៖ បទចម្រៀងមានចំណងជើងថា «អស់សង្ឃឹម» ជាបទមរតកដើមច្រៀងប្រើសំឡេងតឹងខ្លាំងត្រូវកុមារី រ៉ន ចាន់ឌីន ពីខេត្តកំពង់ស្ពឺច្រៀងក្នុងវគ្គផ្សាយបន្តផ្ទាល់The Voice Kid Cambodia ។
ចម្រៀង«អស់សង្ឃឹម»គ្រូបង្វឹកឱក សុគន្ឋកញ្ញា ផ្តល់ឱ្យរ៉ន ចាន់ឌីន ច្រៀងក្នុងការផ្សាយផ្ទាល់ដំបូងគេ ហើយគ្រូបង្វឹកផ្ទាល់រូបនេះភ័យបុកពោះ ព្រោះបទនេះតារាចម្រៀង ល្មមៗមិនហ៊ានច្រៀងទេ ។ ឆ្លងកាត់ការច្រៀងរបស់រ៉ន ចាន់ឌីន អាចរំសាយការភ័យបុកពោះរបស់គ្រូបង្វឹកបាន ដោយនាងច្រៀងបានល្អ ។ ជាពិសេសគ្រូបង្វឹកទាំងអស់បានយល់ឃើញប្រហែលគ្នាថា ចាន់ឌីនច្រៀងលើសពីសមត្ថភាពក្មេងៗ ព្រោះបទនេះសមតែមនុស្សចាស់ច្រៀង ដោយសារតែពិបាកច្រៀង តែក្មេងស្រីម្នាក់នេះធ្វើបានល្អពិតជាកម្ររកបានមែន ។
ជាលទ្ទផល រ៉ន ចាន់ឌីន បានជាប់ឆ្នោតសំឡេងផ្ញើសារគាំទ្រច្រើនជាងគេក្នុងក្រុមឱក សុគន្ធកញ្ញា ធ្វើឱ្យនាងឡើងដល់វគ្គពាក់កណ្តាលផ្តាច់ព្រត្រ័ជាបន្តទៀតជាមួយក្តីរំភើបរលីងរលោងទឹកភ្នែក។
បេក្ខជនបេក្ខនារីដែលចូលរួមប្រឡងចម្រៀងផ្សាយផ្ទាល់សប្តាហ៍ទី១មានសរុប១២នាក់ បែងចែកជា៣ក្រុម ក្នុងមួយក្រុម៤នាក់ ជម្រុះចេញ២ទុក២នាក់ ។ ជាលទ្ឋផលបេក្ខជនដែលត្រូវឡើងវគ្គពាក់កណ្តាលផ្តាច់ព្រត្រ័មានកុមារាឡុង លីគ័ង កុមារីឈឹម ជូលីណា កុមារីអ៊ុកឌីន ហ្ស៊ីរីន កុមារីរ៉ន ចាន់ឌីន និងកុមារាណូ ឈូស៊ីវហេង ៕
ចែករំលែកព័តមាននេះ