សមត្ថកិច្ចបញ្ជូនបុរសជនបរទេសដែលវាយកញ្ចក់ទូដាក់តាំងរូប សម្ដេច ទៅតុលាការហើយ
រាជធានីភ្នំពេញ ៖ បុរសជនជាតិន័រវេសន៍ វ័យចំណាស់ម្នាក់ កាលពីព្រឹកថ្ងៃទី២៦ ខែកញ្ញា ឆ្នាំ២០១៧ ត្រូវបានសមត្ថកិច្ចខណ្ឌដូនពេញ
រាជធានីភ្នំពេញ ៖ បុរសជនជាតិន័រវេសន៍ វ័យចំណាស់ម្នាក់ កាលពីព្រឹកថ្ងៃទី២៦ ខែកញ្ញា ឆ្នាំ២០១៧ ត្រូវបានសមត្ថកិច្ចខណ្ឌដូនពេញ
រាជធានីភ្នំពេញ ៖ បុរសជនជាតិន័រវេសន៍ វ័យចំណាស់ម្នាក់ កាលពីព្រឹកថ្ងៃទី២៦ ខែកញ្ញា ឆ្នាំ២០១៧ ត្រូវបានសមត្ថកិច្ចខណ្ឌដូនពេញ បញ្ជូនទៅតុលាការពាក់ព័ន្ធករណីវាយកញ្ចក់ទូដាក់តាំងរូបថតប្រមុខដឹកនាំប្រទេស នៅមុខគណបក្សប្រជាជនកម្ពុជា ខណ្ឌដូនពេញ រាជធានីភ្នំពេញ ។
ជនបរទេសរូបនោះឈ្មោះ GISLE REIKVAR ភេទប្រុស អាយុ៥០ឆ្នាំ ជនជាតិន័រវេសន៍ ស្នាក់នៅផ្ទះសំណាក់មុនីវង្ស ជាន់ទី៣ បន្ទប់លេខ៣៣៣៣ សង្កាត់ស្រះចក ខណ្ឌដូនពេញ ។
សំណុំរឿងនេះត្រូវបានដាក់ចូលលោក សឿន មុន្នីរត្ន័ ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ ដែលនឹងកំពុងធ្វើការសាកសួរ ហើយបើតាមអ្នកច្បាប់និយាយថា ជនបរទេសជាប់សង្ស័យវាយបំផ្លិចផ្លាញកញ្ចក់ដាក់តាំងរូបថតថ្នាក់ដឹកនាំប្រទេសបែបនេះ គ្មានសង្ឃឹមថានឹងបានវិលត្រលប់ទៅផ្ទះវិញ អាចនៅទទួលទោសតាមច្បាប់ នៃព្រះរាជាណាចក្រកម្ពុជាជាមុនសិន ។
គួរបញ្ជាក់ថា ជនជាតិន័រវេសន៍ម្នាក់នេះ ធ្លាប់ត្រូវបានសមត្ថកិច្ចចាប់ខ្លួនម្តងរួចហើយ រឿងជម្លោះវាយតប់គ្នាជាមួយមិត្តភក្តិ ដែលមិនខុសពីពេលនេះទេ ។
គួរបញ្ជាក់ទៀតថា កាលពីវេលាម៉ោង០៨និង៣០នាទីយប់ ថ្ងៃទី២៤ ខែកញ្ញា ឆ្នាំ២០១៧ នៅតាមបណ្ដាយផ្លូវព្រះមុនីវង្ស នៅចំណុចផ្ទះសំណាក់មុនីវង្ស ស្ថិតនៅក្នុងសង្កាត់ស្រះចក ខណ្ឌដូនពេញ ជនជាតិបរទេសម្នាក់នេះ បានប្រើអំពើហិ ង្សាទៅវាយកញ្ចក់ទូដាក់តាំងរូបថតសម្ដេច ខណៈរូបគេស្រវឹងដើរចេញពីកន្លែងផឹកស៊ី ។
តាមសាក្សីដែលឃើញហេតុការណ៍ បានឲ្យសមត្ថកិច្ចដឹងថា មុនពេលកើតហេតុ គេបានឃើញបុរសវ័យចំណាស់ម្នាក់ ជាជនជាតិន័រវេសន៍ មិនដឹងថាគាត់ចេញមកពីផឹកស៊ីនៅកន្លែងណាទេ ក្នុងស្ថានភាពស្រវឹងស្រា ដើរមកដល់មុខគណបក្សប្រជាជនកម្ពុជា នៅទល់មុខសាលាខណ្ឌដូនពេញបានដាល់កញ្ចក់ដែលមានដាក់តាំងរូប សម្តេចតេជោ ហ៊ុន សែន និងរូប សម្តេច ហេង សំរិន បណ្តាលឲ្យបែកកញ្ចក់មុតដៃរយះហូរឈាមពេញខ្លួន ហើយបានហែករូបគណបក្សប្រជាជន និងហែករូប សម្តេចតេជោ មួយសន្លឹក ទើបបុរសខាងលើបានរត់ចូលទៅក្នុងផ្ទះសំណាក់មុនីវង្ស ដែលគាត់ជួលស្នាក់នៅទាំងខ្លួនប្រឡាក់សុទ្ធតែឈាម បង្កឲ្យភ្ញាក់ផ្អើលដល់សមត្ថកិច្ចមូលដ្ឋានរួមទាំងខាងមន្ត្រីសាលាខណ្ឌ បាននាំគ្នាចុះមកកន្លែងកើតហេតុ ដើម្បីធ្វើការអន្តរាគមន៍ និងសួរនាំជនជាតិបរទេសរូបនោះ បានប្រាប់សមត្ថកិច្ចថា គាត់មិនមានបំណងវាយកញ្ចក់ទូទេ គឺមកពីគាត់ស្រវឹងស្រា ហើយដើរទៅដួលចំកន្លែងនោះទេ ទើបគាត់ភ័យពេករត់គេចតែម្តង ។ ក្រោយពេលកើតហេតុ សមត្ថកិច្ចក៏បានដឹកយកជនជាតិបរទេសនោះទៅព្យាបាលនៅមន្ទីរពេទ្យកាល់ម៉ែត ៕
ចែករំលែកព័តមាននេះ