មុននេះ មានការភ្ញាក់ផ្អើលយ៉ាងខ្លាំងនៅស្ពានគីហ្សុណា
ខេត្តកំពង់ចាម ៖ បើតាមសេចក្តីរាយការណ៍បានឱ្យដឹងថា
ខេត្តកំពង់ចាម ៖ បើតាមសេចក្តីរាយការណ៍បានឱ្យដឹងថា មានហេតុការណ៍ក្រឡាប់រថយន្តមួយនៅលើស្ពានគីហ្សុណា បណ្តាលឱ្យស្លាប់ម្នាក់ និងរបួសម្នាក់ ហេតុការណ៍នេះបង្កឱ្យមានការភ្ញាក់ផ្អើលយ៉ាងខ្លាំងកាលពីវេលាម៉ោង១២និង៣០នាទីរសៀល ថ្ងៃទី២៦ ខែកញ្ញា ឆ្នាំ២០១៧ ស្ថិតនៅក្បាលស្ពានគីហ្សុណា ក្នុងភូមិ៤ សង្កាត់វាលវង់ ខេត្តកំពង់ចាម ។
លោកវរសេនីយ៍ត្រី រស់ ម៉ុងសេង អធិការក្រុងកំពង់ចាម បានឱ្យដឹងថា ជនរងគ្រោះទាំង២នាក់ ម្នាក់ឈ្មោះ ផិន នៅ ភេទស្រី អាយុ៦១ឆ្នាំ រស់នៅភូមិត្រពាំងច្រក ស្រុកត្បូងឃ្មុំ បានស្លាប់នៅមន្ទីរពេទ្យ និងម្នាក់ទៀតឈ្មោះ ភិន ណែម ភេទស្រី អាយុ៥៨ឆ្នាំ រងរបួស ។
លោកវរសេនីយ៍ត្រី បានឱ្យដឹងទៀតថា មុនពេលកើតហេតុមានរថយន្តមួយគ្រឿងម៉ាកហ៊ីយ៉ាន់ដាយ ពាក់ស្លាកលេខ កំពង់ចាម 3A-1020 ដោយដឹកទំនិញពេញទ្រុង ហើយបានបើកចុះពីលើស្ពានគីហ្សុណា ស្រាប់តែក្រឡាប់មកប៉ះរថយន្តមួយគ្រឿងទៀតម៉ាកសាំយ៉ុង ពណ៌ស និងរ៉ឺម៉ង់ បណ្តាលឱ្យស្ត្រី២នាក់រងរបួស ហើយត្រូវបានរថយន្តសង្គ្រោះដឹកទៅមន្ទីរពេទ្យដើម្បីសង្គ្រោះបន្ទាន់ ប៉ុន្តែជាអកុសលស្ត្រីចំណាស់ម្នាក់បានស្លាប់ពេលបញ្ជូនដល់មន្ទីរពេទ្យ ។ ក្រោយពេលកើតហេតុសមត្ថកិច្ចបានឃាត់ខ្លួនព្រូឡានម្នាក់ ចំណែកឯអ្នកបើកបររថយន្តបង្កបានរត់គេចខ្លួនបាត់ស្រមោល ។
ចែករំលែកព័តមាននេះ