បើកបុកគេហើយរត់គេចមិនចង់ទទួលខុសត្រូវរួចនិយាយអាងថាខ្លួនសក្តិធំ
រាជធានីភ្នំពេញ ៖ បុរសម្នាក់ចេញពីផឹកស៊ីវិញស្រវឹងទោរទន់បានបើករថយន្តជ្រុលទៅកៀរនឹងរថយន្តឡិចស៊ីស៥៧០
រាជធានីភ្នំពេញ ៖ បុរសម្នាក់ចេញពីផឹកស៊ីវិញស្រវឹងទោរទន់បានបើករថយន្តជ្រុលទៅកៀរនឹងរថយន្តឡិចស៊ីស៥៧០
រាជធានីភ្នំពេញ ៖ បុរសម្នាក់ចេញពីផឹកស៊ីវិញស្រវឹងទោរទន់បានបើករថយន្តជ្រុលទៅកៀរនឹងរថយន្តឡិចស៊ីស៥៧០ដែលចតទុកស្ងៀមនៅមុខផ្ទះបណ្តាលឱ្យរងការខូចខាតរថយន្តទាំងសងខាង តែមិនមានគ្រោះថ្នាក់ដល់មនុស្សទេ ។ ហេតុកាណ៍នេះបានកើតឡើងនៅវេលាម៉ោង៩នឹង២១យប់ ថ្ងៃទី២៥ ខែកញ្ញា ឆ្នាំ២០១៧ ទុលមុខនឹងផ្ទះលេខ៣D ផ្លូវ៣៣៨ សង្កាត់ទួលស្វាយព្រៃ១ ខណ្ឌចំការមន ។
អ្នកបើកបររថយន្តបង្កមានឈ្មោះ លី ម៉េងហួត ភេទប្រុស អាយុ៤២ឆ្នាំ មុខរបរលក់ដូរ ស្នាក់នៅក្នុងផ្ទះលេខ៤៤៣ ផ្លូវ៣២៨ សង្កាត់ទួលស្វាយព្រៃ២ ខណ្ឌចំការមន ។ ដោយឡែកខាងរថយន្តរងគ្រោះមានឈ្មោះ អ៊ិច ស្រី ភេទប្រុស អាយុ៤៥ឆ្នាំ មុខរបរនគបាលកណ្តាលអគ្គីភ័យ និងអាវុធជាតិផ្ទុះ ស្នាក់នៅកន្លែងកើតហេតុខាងលើ ។
តាមប្រភពព័ត៌មានពីកន្លែងកើតបានឱ្យដឹងថា មុនពេលកើតហេតុគេបានឃើញរថយន្តម៉ាកឡិចស៊ីស ពណ៌ខ្មៅ បានមកចតទុកនៅមុខផ្ទះតាមផ្លូវ៣៣៨ ក្នុងទិសដៅពី ជើងទៅត្បូង ខណៈនោះដែល ក៏ស្រាប់តែបុរសម្នាក់វ័យ៥០ឆ្នាំមិនដឹងថា ចេញពីកម្មវីធីនៅកន្លែងណានោះទេគឺបានបើករថយន្តបង្ក ពណ៌ខ្មៅ ពាក់ស្លាកលេខ ភ្នំពេញ 2AF-0467 បានធ្វើដំណើរតាមផ្លូវ៣៣៨ក្នុងទិសដៅស្របគ្នា ជើងទៅត្បូងក្នុងល្បឿនលឿនព្រមទាំងស្រវឹងផងនោះ បានរេចង្កូតជ្រុលទៅកៀរនឹងរថយន្តឡិចស៊ីស៥៧០ដែលចតទុកស្ងៀមបណ្តាលឱ្យរងការខូចខាតកូដថ្នាំមួយចំហៀងខាងឆ្វេង ដោយឡែកខាងរថយន្តបង្កវិញរងការខូចខាតក្រពិត និង កូដថ្នាំមួយចំហៀងខាងស្តាំ ។ ភ្លាមៗនោះដែររថយន្តបង្កនៅពេលបង្កគ្រោះថ្នាក់ហើយមិនបានឈប់ដោះស្រាយនៅកន្លែងកើតហេតុនោះទេគឺបានព្យាយាមបើករថយន្តរត់គេចខ្លួនជុំវិញផ្លូវចុះឡើងៗ២០០ម៉ែត្រ ទើបបងប្អូនខាងរថយន្តរងគ្រោះបានជិះម៉ូតូដេញឃាត់រថយន្ត និងអ្នកបើកបរបាន ។ នៅពេលដែរឃាត់រថយន្តបានហើយអ្នកបើករថយន្តបង្កបានចុះពីលើរថយន្តមកទាំងអាការស្រវឹងនិយាយមិនដឹងខ្លួនខុស រួចបានទូរស័ព្ទហៅបងប្អូនមកជួយអន្តរាគមន៍ ខណៈនោះដែរបងប្អូនខាងរថយន្តបង្កបានមកដល់កន្លែងកើតហេតុបានទាស់សំដីគ្នាជាមួយនឹងសមត្ថកិច្ចជំនាញចរាចរណ៍ខណ្ឌចំការមន ដោយបានអះអាងថា រូបគាត់ធ្វើការនៅក្រសួងមហាផ្ទៃមានតួនាទីជាឧត្តមសេនីយ៍ថែមទៀតផង ។ ក្រោយពេលកើតហេតុ បន្ទាប់ពីទាស់សម្តីគ្នាជាមួយនឹងខាងសមត្ថកិច្ចបន្តិចបន្តួចរថយន្តទាំងពីរគ្រឿងព្រមទាំងអ្នកបើកបរត្រូវបានសមត្ថកិច្ចជំនាញក្រុងបានមកធ្វើការវាស់វែយកទៅរក្សាទុកនៅការិយាល័យចរាចណ៍ជើងគោករាជធានីភ្នំពេញ តែមុននឹងឡើងលើរថយន្តសមត្ថកិច្ចបុរសជាអ្នកបើករថយន្តបង្កបានយកទូរស័ព្ទដើរថតរូប ថតឈ្មោះសមត្ថកិច្ចម្នាក់មួយទើបឡើងជិះរថយន្តចេញទៅបាត់ទៅ ៕
ចែករំលែកព័តមាននេះ