ចេញពីផឹកស៊ីស្រវឹងបើករថយន្តបុករះម៉ូតូ៤គ្រឿង និងរថយន្តមួយគ្រឿង
រាជធានីភ្នំពេញ ៖ បុរស២នាក់មិនដឹងថាទើបតែចេញមកពីផឹកស៊ីនៅម្ដុំណានោះទេ ក្នុងស្ថានភាពស្រវឹងស្រាជោកជាំ
រាជធានីភ្នំពេញ ៖ បុរស២នាក់មិនដឹងថាទើបតែចេញមកពីផឹកស៊ីនៅម្ដុំណានោះទេ ក្នុងស្ថានភាពស្រវឹងស្រាជោកជាំ
រាជធានីភ្នំពេញ ៖ បុរស២នាក់មិនដឹងថាទើបតែចេញមកពីផឹកស៊ីនៅម្ដុំណានោះទេ ក្នុងស្ថានភាពស្រវឹងស្រាជោកជាំ បើករថយន្តម៉ាកឡិចស៊ីស RX៣៣០ ក្នុងល្បឿនយ៉ាងលឿន មិនបានប្រុងប្រយ័ត្ន ក៏ជ្រុលទៅបុករះម៉ូតូ៤គ្រឿង និងរថយន្ត LAND GRUISER PRDAO មួយគ្រឿង បណ្តាលឲ្យរងរបួសធ្ងន់ ប្រុស២នាក់ ក្នុងនោះម្នាក់ជាអ្នករួមដំណើរជាមួយម្ចាស់រថយន្តបង្ក ត្រូវប្រជាពលរដ្ឋវាយសន្លប់ស្តូកស្តឹង និងស្ត្រីម្នាក់មានផ្ទៃពោះក៏រងរបួសធ្ងន់ ឬឯ៣នាក់របួសស្រាល ។ ហេតុការណ៍នេះ បង្កឲ្យមានការភ្ញាក់ផ្អើលកាលពីវេលាម៉ោង០៦និង៣០នាទីយប់ ថ្ងៃទី២៥ ខែកញ្ញា ឆ្នាំ២០១៧ តាមបណ្តោយផ្លូវម៉ៅសេទុង នៅចំណុចស្តុបសន្ធរម៉ុក ស្ថិតនៅក្នងសង្កាត់ផ្សារដេប៉ូ២ ខណ្ឌទួលគោក ។
សាក្សីដែលឃើញហេតុការណ៍ឲ្យដឹងថា មុនពេលកើតហេតុ គេបានឃើញរថយន្តមួយគ្រឿងម៉ាកឡិចស៊ីស RX៣៣០ ពណ៌ខ្មៅ ពាក់ស្លាកលេខ ភ្នំពេញ ២AK-៨៦៥៧ ជិះដោយបុរស២នាក់ បើកបរតាមបណ្ដោយផ្លូវម៉ៅសេទុង ទិសដៅពីត្បូងទៅជើង ក្នុងល្បឿនយ៉ាងលឿន ហើយអ្នកបើកបររថយន្តស្រវឹងស្រាឡើងជោកជាំ មិនបានប្រុងប្រយ័ត្ន និងមិនបានបន្ថយល្បឿននោះទេ ខណៈពេលបើកមកដល់ចំណុចកើតហេតុខាងលើ ក៏ជ្រុលទៅបុករះម៉ូតូសរុបទាំងអស់ចំនួន៤គ្រឿង ហើយម៉ូតូទាំង៣គ្រឿងក៏បានរុញបន្តទៅបុកផ្ទប់នឹងរថយន្តម៉ាក LAND GRUISER PRDAO ពណ៌ខ្មៅ ពាក់ស្លាកលេខ រដ្ឋ ១០ ២-០៥៥៩ រួចរថយន្តបានរុញបន្តទៅម៉ូតូ SL ពណ៌ទឹកប្រាក់ មួយគ្រឿងទៀត បណ្តាលឲ្យរងរបួសធ្ងន់ របួសរយះជើងខាងឆ្វេង ភ្លាមៗនោះដែរ ម្ចាស់រថយន្តបង្កព្យាយាមរត់គេចខ្លួន ត្រូវប្រជាពលរដ្ឋផ្ទុះកំហឹងព្រួតវាយម្ចាស់រថយន្ត ត្រូវបានសមត្ថកិច្ចអន្តរាគមន៍បានទាន់ពេលវេលា ដឹកយកទៅប៉ុស្តិ៍នគរបាលផ្សារដេប៉ូ២ ចំណែកឯអ្នករួមដំណើរជាមួយវិញបានត្រូវប្រជាពលរដ្ឋព្រួតវាយមួយដៃមួយជើង បណ្តាលឲ្យសន្លប់ស្តូកស្តឹងនៅកន្លែងកើតហេតុ ។
បើតាមសម្ដីរបស់ខាងម្ចាស់រថយន្តបង្កបានឲ្យដឹងថា គាត់ទើបតែចេញមកពីធ្វើការរួចក៏ទៅជួបមិត្តភក្តិហូបអីតិចតួច ពេលចេញមកវិញ ពីរនាក់មិត្តភក្តិ គោលបំណងទៅផ្ទះនៅឯម្តុំទឹកល្អក់ លុះពេលមកដល់ចំណុចកើតហេតុខាងលើ រថយន្តរបស់គាត់ជាប់ហ្គែល ទើបបង្កគ្រោះថ្នាក់បែបនេះតែម្តង ។
ភា្លមៗនោះ ភាគីខាងម៉ូតូហុងដាឃ្លីក និងម៉ូតូហុងដាស្តុប ពួកគាត់រងរបួសស្រាល និងខូចខាតម៉ូតូតិចតួច មិនចង់មានរឿងរ៉ាវច្រើន ក៏សុំយកម៉ូតូត្រលប់ទៅផ្ទះវិញ ។ ក្រោយពេលកើតហេតុ អ្នករងរបួសធ្ងន់ ស្ត្រីរងគ្រោះ រួមនិងខាងអ្នករួមដំណើរជាមួយម្ចាស់រថយន្តបង្ក ត្រូវបានរថយន្តសង្គ្រោះរបស់គ្លីនិកឯកជន ដឹកយកទៅព្យាបាល ឬឯម្ចាស់ម៉ូតូ SL ត្រូវបានដឹកយកបញ្ចូនយកទៅព្យាបាលនៅមន្ទីរពេទ្យព្រះកុសុមៈ ចំណែករថយន្តបង្ក និងម៉ូតូរងគ្រោះ ត្រូវបានសមត្ថកិច្ចវាស់វែងយកទៅរក្សាទុកនៅការិយាល័យចរាចរណ៍ផ្លូវគោក ដើម្បីរងចាំដោះស្រាយគ្នានៅពេលក្រោយទៀត ៕
ចែករំលែកព័តមាននេះ