អនិច្ចាណាស់! កំពុងតែធ្វើការ ស្រាប់តែជាន់ត្រូវតំណ
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា មានករណីកម្មករជាងផ្សាដែកម្នាក់បានឆក់ខ្សែភ្លើងស្លាប់ភ្លាមៗនៅកន្លែងកើតហេតុ ហេតុការណ៍នេះបានបង្កឱ្យមានការភ្ញាក់ផ្អើលកាលពីវេលាម៉ោង១២និង២០នាទីរសៀល ថ្ងៃទី២៦ ខែកញ្ញា ឆ្នាំ២០១៧ ស្ថិតនៅក្នុងភូមិស្នួលខ្ពស់ សង្កាត់កំបូល ខណ្ឌពោធិ៍សែនជ័យ ។
ជនរងគ្រោះឈ្មោះ ឡាត់ ឡុង ភេទប្រុស អាយុ១៩ឆ្នាំ មុខរបរជាកម្មករជាងផ្សាដែក មានស្រុកកំណើតនៅស្រុកពារាំង ខេត្តព្រៃវែង ។
សេចក្តីរាយការណ៍បានឱ្យដឹងទៀតថា មូលហេតុដែលបណ្តាលឱ្យឆក់ខ្សែភ្លើងនេះ គឺជនរងគ្រោះជាជាងផ្សាដែកបានដើរទៅទាញខ្សែភ្លើង ខណៈពេលកំពុងទាញខ្សែនោះ ជើងរបស់ជនរងគ្រោះបានជាន់ត្រូវខ្សែភ្លើេងមួយខ្សែជាបានដាច់តំណនោះ ស្រាប់តែឆក់ បណ្តាលឱ្យស្លាប់ភ្លាមៗនៅកន្លែងកើតហេតុតែម្តង។ រហូតដល់ជាង១ម៉ោងទើបមេការនៅទីនោះហៅរថយន្តសង្គ្រោះមកដឹកជនរងគ្រោះ ហើយខណៈពេលនេះសមត្ថកិច្ចកំពុងធ្វើកំណត់ហេតុ ។
ចែករំលែកព័តមាននេះ