សំណាងនៅមាន… ក្រោយចេញវីដេអូឃ្លីបសុំទោសសម្តេចតេជោជាសាធារណៈ
ខេត្តក្រចេះ ៖ បុរសម្នាក់ដែលច្រៀងចម្រៀងរ៉េបជេរប្រមាថសម្ដេចតេជោ ហ៊ុន សែន
ខេត្តក្រចេះ ៖ បុរសម្នាក់ដែលច្រៀងចម្រៀងរ៉េបជេរប្រមាថសម្ដេចតេជោ ហ៊ុន សែន នាយករដ្ឋមន្ដ្រី ត្រូវបានចៅក្រមស៊ើបសួរសាលាដំបូងខេត្តចេញដីកាបង្គាប់ឱ្យដោះលែងហើយ កាលពីរសៀលថ្ងៃទី២៥ កញ្ញា បន្ទាប់ពីមានការសុំទោសសម្តេចតេជោជាសាធារណៈតាមឃ្លីបវីដេអូ ដែលបានផ្សព្វផ្សាយមុននេះ ។
សូមរំលឹកថា ឈ្មោះ ហ៊ុយ ឧត្តម អាយុ២៩ឆ្នាំ ដែលបង្ហោះឃ្លីបវីដេអូច្រៀងរ៉េបជេរប្រមាថថ្នាក់ដឹកនាំរាជរដ្ឋាភិបាល តាមរយៈបណ្តាញសង្គមហ្វេសប៊ុក ត្រូវបានតុលាការសម្រេចធ្វើការឃុំខ្លួនបណ្តោះអាសន្ននៅពន្ឋនាគារខេត្ត កាលពីថ្ងៃទី២៣ កញ្ញា ក្រោយការចាប់ខ្លួនពីសំណាក់កម្លាំងនគរបាលព្រហ្មទណ្ឌ និងកម្លាំងនគរបាលស្រុក ហើយបាននាំខ្លួនមកសាកសួរបាន១ថ្ងៃរួចមក ។
នគរបាលបានឱ្យដឹងថាឈ្មោះ ហ៊ុយ ឧត្តម មានស្រុកកំណើតនៅភូមិបាសិត ឃុំម្កាក់ ស្រុកអង្គស្នួល ខេត្តកណ្តាល មានមុខរបរជាមេការរោងចក្រទឹកសុទ្ឋមួយកន្លែង នៅខេត្តកំពង់ស្ពឺ ក៏ត្រូវបានកម្លាំងនគរបាលស្រាវជ្រាវចាប់ខ្លួនបានកាលពីថ្ងៃទី២២ ខែកញ្ញា នៅចំណុចភូមិឫស្សីកែវ ឃុំឫស្សីកែវ ស្រុកព្រែកប្រសព្វ ។
ការចាប់ខ្លួននេះ គឺបានធ្វើឡើងបន្ទាប់ពីជននេះបានបង្ហោះវីដេអូឃ្លីបមួយដែលបានច្រៀងជេរប្រមាថធ្ងន់ៗមកលើសម្តេចតេជោ ហ៊ុន សែន ប្រមុខរាជរដ្ឋាភិបាលកម្ពុជា ដែលមហាជនបាននិយាយថារស់នៅសុខៗចេះរកគុកឃើញ ។ នាយការិយាល័យព្រហ្មទណ្ឌកំរិតស្រាលលោក គុណ សោភ័ណ្ឌ បានបញ្ជាក់ឱ្យដឹងថា បុរសរូបនេះត្រូវបានចៅក្រមស៊ើបសួរសាលាដំបូងខេត្តគឺលោក ថាន់ ឃុង បានសម្រេចធ្វើការឃុំខ្លួនបណ្តោះអាសន្ននៅពន្ឋនាគារខេត្ត ក្រោមបទចោទញុះញង់ឱ្យប្រព្រឹត្តបទឧក្រិដ្ឋជាអាទិ៍ ប្រព្រឹត្តនៅក្នុងបណ្តាញសង្គមហ្វេសប៊ុកកាលពីឆ្នាំ២០១៣ និងកាលពីថ្ងៃទី១៦ កញ្ញា ឆ្នាំ២០១៧ ។ ទោសនេះត្រូវផ្តន្ទាទោសដាក់ពន្ឋនាគារពី៦ខែទៅ២ឆ្នាំ និងត្រូវពិន័យជាប្រាក់ពីចំនួន១លានទៅ៤លានរៀល ប្រសិនបើការញុះញង់នេះគ្មានប្រសិទ្ឋភាពទេ ។
បើតាមការឆ្លើយសារភាពរបស់ជនជាប់ចោទបានប្រាប់នគរបាលថា ឃ្លីបវីដេអូ ដែលខ្លួនបានថតជាចម្រៀងច្រៀងជេរប្រមាថដល់ថ្នាក់ដឹកនាំមានរយៈពេលជាង១នាទី គឺខ្លួនបាននិពន្ឋនិងច្រៀងថតបង្ហោះតាំងពីឆ្នាំ២០១៣មកម្ល៉េះ ។ ក្រោយមកខ្លួនបានលុបចោល និងបានធ្វើជាឃ្លីបវីដេអូមួយសុំទោសវិញ ។ ហើយរយៈពេលថ្មីៗនេះក៏មានម្ចាស់គណនេយ្យហ្វេសប៊ុកផ្សេង ទៀតដែលបានរក្សាទុកឃ្លីបវីដេអូរនោះបានយកមកបង្ហោះសាជាថ្មី ដូចរុញស៊ីក្លូចូលឡាន ។
បើទោះបីជាមានការលើកឡើងបែបនេះក្តី ក៏ជនសង្ស័យត្រូវបានអាជ្ញាធរសម្រេចបញ្ជូន ទៅឃុំខ្លួនបណ្តោះអាសន្ននៅពន្ឋនាគារខេត្តរង់ចាំការស្រាវជ្រាវបន្ថែម ។ ប៉ុន្តែសំណាងនៅមាន ឬដោយសារគុកខ្ពើមក៏ត្រូវបានដោះលែងវិញដែលគ្រាន់តែសុំទោស ។
ប៉ុណ្ណឹងហើយ ថ្ងៃក្រោយទៀត បើមិនរាងទេ សុំកុំរាង !!
ចែករំលែកព័តមាននេះ