សវនាការសំណុំរឿងលោក កឹម សុខា គឺអសាធារណៈ (មានវីដេអូឃ្លីប)
រាជធានីភ្នំពេញ ៖ កម្លាំងមានសមត្ថកិច្ចប្រមាណជិត៣០នាក់ត្រូវបាន
រាជធានីភ្នំពេញ ៖ កម្លាំងមានសមត្ថកិច្ចប្រមាណជិត៣០នាក់ត្រូវបានដាក់ពង្រាយនៅពីមុខសាលាឧទ្ធរណ៍ព្រឹកថ្ងៃទី២៦ ខែកញ្ញានេះ ខណៈដែលសាលាឧទ្ធរណ៍នឹងបើកសវនាការសំណុំរឿងលោក កឹម សុខា ជំទាស់ការឃុំខ្លួនរបស់លោក ។ តែសវនាការព្រឹកនេះ គឺធ្វើឡើងជាអសាធារណៈមិនអនុញ្ញាតិឲ្យសាធារណជន និងក្រុមអ្នកសារព័ត៌មានចូលស្តាប់អង្គសេចក្តីឡើយ ។
សូមបញ្ជាក់ថា សាលាឧទ្ធរណ៍បានកំណត់យកថ្ងៃទី២៦ ខែកញ្ញានេះ ដើម្បីបើកសវនាការលើសំណុំរឿងលោក កឹម សុខា ប្រធានគណបក្សសង្គ្រោះជាតិ ដែលមេធាវីការពាររូបលោកបានដាក់ពាក្យប្តឹងប្រឆាំងនឹងការឃុំខ្លួនកូនក្តីរបស់ខ្លួន ។
យ៉ាងណាមិញ លោក កឹម សុខា ដែលកំពុងឃុំខ្លួននៅពន្ធនាគារត្រពាំងផ្លុងមិនត្រូវបានបញ្ជួនមកចូលរួមអង្គសវនាការទេ ចំណែកក្រុមអ្នកតំណាងរាស្ត្របក្សប្រឆាំងដែលអះអាងថា នឹងចូលស្តាប់សវនាការ ក្នុងនោះក៏ឃើញមានវត្តមានក្រុមអ្នកតំណាងរាស្ត្របក្សប្រឆាំងមួយចំនួនមកដល់សាលាឧទ្ធរណ៍ផងដែរ៕
ចែករំលែកព័តមាននេះ