កិច្ចប្រជុំត្រួតពិនិត្យការងារ សន្តិសុខប្រចាំខែកញ្ញា ឆ្នាំ២០១៧
ខេត្តសៀមរាប ៖ កិច្ចប្រជុំត្រួតពិនិត្យការងារ សន្តិសុខ ប្រចាំខែកញ្ញា ឆ្នាំ២០១៧ និងលើកទិសដៅអនុវត្តបន្ត
ខេត្តសៀមរាប ៖ កិច្ចប្រជុំត្រួតពិនិត្យការងារ សន្តិសុខ ប្រចាំខែកញ្ញា ឆ្នាំ២០១៧ និងលើកទិសដៅអនុវត្តបន្ត
ខេត្តសៀមរាប ៖ កិច្ចប្រជុំត្រួតពិនិត្យការងារ សន្តិសុខ ប្រចាំខែកញ្ញា ឆ្នាំ២០១៧ និងលើកទិសដៅអនុវត្តបន្ត នារសៀលថ្ងៃទី២៥ ខែកញ្ញា ឆ្នាំ២០១៧ នៅសាលប្រជុំ ស្នងការដ្ឋាននគរបាលខេត្តសៀមរាប ក្រោមអធិបតីភាព លោកឧត្តមសេនីយ៍ត្រី ទិត្យ ណារ៉ុង ស្នងការនៃស្នងការដ្ឋាននគរបាលខេត្ត ដោយមានការ អញ្ជើញចូលរួមពីសំណាក់ លោកវរៈសេនីយ៍ឯក ហ៊ួត សុធី ស្នងការរងនគរបាលខេត្ត ទទួលផែនសន្តិសុខ និងបណ្តាអស់លោក ជានាយនាយរងការិយាល័យ និងមន្ត្រីចំណុះផែនសន្តិសុខ អស់លោក អធិការរង នគរបាលក្រុង ស្រុក ចំណុះស្នងការជាច្រើនអ្នកទៀតផងដែរ។
បន្ទាប់មកលោកវរសេនីយ៍ឯក ហ៊ួត សុធី ស្នងការរងនគរបាលខេត្ត ទទួលផែនសន្តិសុខ បានឡើងអានរបាយការណ៍ អំពីសកម្មភាព ដែលកងកម្លាំងនគរបាលបានអុវត្តកន្លងមក និងធ្វើការណែនាំដល់ការិយាល័យជំនាញ និងបណ្តាអធិការក្រុងស្រុក។ ក្នុងឱកាសនាពេលនោះដែរ លោកឧត្តមសេនីយ៍ត្រី ទិត្យ ណារ៉ុង ស្នងការនៃស្នងការដ្ឋាននគរបាលខេត្ត ស្នងការខេត្ត បានគូសបញ្ជក់ថា គោលបំណងក្នុងកិច្ចប្រជុំនាពេលនេះគឺសំដៅធ្វើការត្រួតពិនិត្យរាល់សកម្មភាពការងារដែលកងកម្លាំងនគរបាលបានអនុវត្តកន្លងមក និងលើកទិសដៅសម្រាប់យកទៅអនុវត្តបន្ត។
ដូចនេះសូមឲ្យកម្លាំងយើងទាំងអស់បង្កើនការយកចិត្តទុកដាក់សហការណ៍គ្នាឲ្យបានល្អត្រូវមានសាមគ្គីភាពឯកភាពផ្ទៃក្នុងឲ្យបានល្អ បន្តយកចិត្តទុកដាក់អនុវត្តនូវតួនាទីភារកិច្ចជំនាញរបស់ខ្លួន និងខិតខំរៀនសូត្រនូវជំនាញបន្ថែមទៀតដើម្បីបំពេញនូវចំណេះដឹងក្នុងការស៊ើបអង្គេត ការងារសន្តិសុខឲ្យកាន់តែមានប្រសិទ្ធភាព និងធ្វើការណែនាំដល់មន្ត្រីក្រោមឱវាទ នៅតាមបណ្តាអធិការក្រុង ស្រុក ទូទាំងខេត្ត ត្រូវយល់ដឹងបន្ថែមស្តីពីសភាពការសន្តិសុខក្នុងមូលដ្ឋានរបស់ខ្លួននាពេលបច្ចុប្បន្នក្នុងកិច្ចការពារថែរក្សានូវសន្តិភាពស្ថិតស្ថេរ ភាពសន្តិសុខសុវត្ថិភាព និងសណ្តាប់ធ្នាប់សាធារណៈជូនប្រជាពលរដ្ឋក៏ដូចជាភ្ញៀវទេសចរណ៍ជាតិ និងអន្តរជាតិគណៈប្រតិភូជាន់ខ្ពស់ជាតិ និងអន្តរជាតិឲ្យបានកាន់តែល្អប្រសើរទ្វេរឡើងថែមទៀត៕
ចែករំលែកព័តមាននេះ