គ្រោះថ្នាក់ចរាចរ២ករណី ស្លា.ប់ម្នាក់ របួសធ្ងន់ស្រាល៧នាក់
ខេត្តកំពង់ធំ ៖ លោកវរសេនីយ៍ទោ ពេជ ថាល់ អធិការនគរបាលស្រុកសន្ទុក បានប្រាប់កោះសន្តិភាពឲ្យដឹងនៅរសៀលថ្ងៃទី២៥ ខែកញ្ញា ឆ្នាំ២០១៧នេះថា
ខេត្តកំពង់ធំ ៖ លោកវរសេនីយ៍ទោ ពេជ ថាល់ អធិការនគរបាលស្រុកសន្ទុក បានប្រាប់កោះសន្តិភាពឲ្យដឹងនៅរសៀលថ្ងៃទី២៥ ខែកញ្ញា ឆ្នាំ២០១៧នេះថា
ខេត្តកំពង់ធំ ៖ លោកវរសេនីយ៍ទោ ពេជ ថាល់ អធិការនគរបាលស្រុកសន្ទុក បានប្រាប់កោះសន្តិភាពឲ្យដឹងនៅរសៀលថ្ងៃទី២៥ ខែកញ្ញា ឆ្នាំ២០១៧នេះថា ៖ ហេតុគ្រោះថ្នាក់ចរាចរនេះបានកើតឡើងចំនួន២ករណីផ្សេងគ្នា ទី១.បានកើតឡើងនៅវេលាម៉ោង០៦និង៣៥នាទីយប់ នៅតាមបណ្តោយផ្លូវជាតិលេខ៦ កាលពីថ្ងៃទី២៤ ខែកញ្ញា ឆ្នាំ២០១៧ ស្ថិតនៅភូមិតាញ៉ោក ឃុំប្រាសាទ ស្រុកសន្ទុក ប្រភពព័ត៌មានពីកន្លែងកើតហេតុ បានឲ្យដឹងថា មុនពេលកើតហេតុ ម៉ូតូជនរងគ្រោះពាក់ស្លាកលេខ សៀមរាប ១H-៩០៥១ បើកបរដោយឈ្មោះ មិត មឿម ភេទប្រុស អាយុ៣៣ឆ្នាំ រស់នៅភូមិដំដែកលើ ឃុំដំដែក ស្រុកសូនិគមន៍ ខេត្តសៀមរាប បើកបរក្នុងល្បឿងយ៉ាងលឿន ដោយខ្វះការប្រុងប្រយ័ត្ននៅក្នុងគោលដៅស្របទិសគ្នា ពីជើងទៅត្បូង ជាមួយនឹងគោយន្តកន្ត្រៃ លុះមកដល់ចំណុចកើតហេតុខាងលើ ម៉ូតូក៏បានបុកគោយន្តពីក្រោយពេញទំហឹង បណ្តាលឲ្យអ្នកបើកបរម៉ួតូរងរបួសធ្ងន់ ត្រូវបានប្រជាពលរដ្ឋដឹកទៅកាន់មន្ទីរបង្អែកបារាយណ៍ ដើម្បីជួយសង្គ្រោះ តែដោយសារតែអាការៈធ្ងន់ធ្ងរពេក ជនរងគ្រោះក៏បានស្លាប់ទៅ។ ចំណែកអ្នកបើកបរគោយន្តកន្ត្រៃឈ្មោះ ម៉ិល ហ៊ន ភេទប្រុស អាយុ៣៥ឆ្នាំ រស់នៅភូមិបារាយណ៍ ឃុំបារាយណ៍ ស្រុកបារាយណ៍ ខេត្តកំពង់ធំ ត្រូវបានឃាត់ខ្លួន ។
លោកអធិការប្រាប់ថា ករណីខាងលើបណ្តាលមកពីម៉ូតូបើកលឿនខ្វះការប្រុងប្រយ័ត្ន គួបផ្សំជាមួយនឹងគោយន្តកន្ត្រៃបើកបរពេលយប់គ្មានភ្លើងបំភ្លឺខាងក្រោយ សមត្ថកិច្ចកំពុងដោះស្រាយតាមផ្លូវច្បាប់ ។ ចំណែកសាកសពជនរងគ្រោះ បានប្រគល់ឲ្យទៅសាច់ញាតិយកទៅធ្វើបុណ្យតាមប្រពៃណី ។
ករណីទី២.បានកើតឡើងនៅម៉ោង១០និង៤៦នាទីព្រឹក ថ្ងៃទី២៥ ខែកញ្ញា នេះ ស្ថិតនៅលើផ្លូវជាតិលេខ៦ ក្នុងភូមិជ័យមង្គល ឃុំជ្រាប់ ស្រុកសន្ទុក ដែលបង្កឡើងដោយគោយន្តកន្ត្រៃ បើកបរពីត្បូងទៅជើង ដាច់ដែកភ្លៅគោយន្ត បណ្តាលឲ្យរេចង្កូតទៅបុកជាមួយនឹងរថយន្តហ៊ីយ៉ាន់ដាយ ពណ៌លឿង ពាក់ស្លាកលេខ ភ្នំពេញ ៣D-៥៩៧៨ អ្នកបើកបររថយន្តមិនស្គាល់អត្តសញ្ញាណ បន្ទាប់ពីកើតហេតុបានចុះរត់គេចខ្លួនបាត់ បន្សល់ទុកភាគីខាងគោយន្តកន្ត្រៃរងរបួសធ្ងន់ស្រាលចំនួន៧នាក់ ៕
ចែករំលែកព័តមាននេះ