មិនដឹងថាអ្នកណា…បើអ្នកលក់ថាប្រធានផ្សារអ្នកយកចាក់ រីឯប្រធានផ្សារថាអ្នកលក់(មានវីដេអូ)
ខេត្តកំពត ៖ ផ្សារតានីពីមុនមានទីធ្លាធំទូលាយណាស់ក្រោយមកត្រូវបានគេលក់ដូអស់
ខេត្តកំពត ៖ ផ្សារតានីពីមុនមានទីធ្លាធំទូលាយណាស់ក្រោយមកត្រូវបានគេលក់ដូរអស់ធ្វើឱ្យដីផ្សារនេះកាន់តែចង្អៀតធ្វើឱ្យអ្នកលក់ដូររកកន្លែងលក់ស្ទើរតែមិនបាន ដោយសាតែរកកន្លែងលក់មិនបានពួកគាត់បាននាំគ្នាទៅលក់នៅក្នុងបរវេនដីផ្សារស្រាប់តែមុនបុណ្យភ្ជុំបិណ្ឌ និងក្រោយភ្ជុំបិណ្ឌមានអ្នកណាលួចយកសំរាមយកមកចាក់ជាគំនរនៅផ្លូវចេញចូលដែលពួកគាត់លក់ ព្រោះប្រធានផ្សារតានីធ្លាប់បានហាមឃាត់ពួកគាត់ជាហូហែមិនឱ្យពួកគាត់ទៅលក់ដូនៅផ្លូវចូលនោះទេ ដេញពួកគាត់ឱ្យចូលទៅលក់ក្នុងដីផ្សារឯកជនវិញ ។
អាជីវករលក់ត្រពាំងនៅផ្លូវប្រហប់ផ្សាតានីបានចោទប្រកាន់លោកប្រធានផ្សាតានីថា លួចយកសំរាមមកចាក់បិតផ្លូវមិនឱ្យពួកគាត់លក់ ។ អាជីវករបន្តថា ខាងលោកប្រធានផ្សារពិតជាបានដេញពួកគាត់ឱ្យទៅលក់ដីផ្សាឯកជន ហើយអ្នកលក់មួយកញ្ជ្រែងត្រូវបានបង់លុយឱ្យម្ចាស់ផ្សារ២ពាន់រៀល ដូចច្នេះហើយទើបពួកគាត់មិនព្រមនាំគ្នាចូលទៅលក់ ។ អ្នកលក់ដូរជាច្រើននាក់ និងធ្វើដំណើចេញចូលផ្សារតានីនិយាយស្រដៀងគ្នាថា អ្នករៀបចំផ្សារតានីមិនគួរទុកសំរាមឱ្យស្អុយបែបនេះសោះ ព្រោះរដូវភ្លៀងធ្លាក់ផងហើយអ្នកដើរឆ្លងកាត់គំនរសំរាមនេះម្នាក់ៗសុទ្ធតែយកដៃបិទច្រមុះ ។
លោក ម៉ូវ សារ៉ាត់ ប្រធានផ្សារតានីបានប្រាប់ឱ្យដឹងថា ដីក្នុងផ្សារតានីពិតតែចង្អៀតមែនហើយរឿងសំរាមទុកនៅប្រហប់ផ្លូវចេញចូលនោះ អ្នកលក់ក៏ដាក់នៅទីនោះ អ្នកមានផ្ទះជិតនោះក៏យកមកចាក់ចោលទីនោះ ។ លោកបាននិយាយថា រថយន្តដឹកសំរាមគាត់ត្រូវបានខូចតាំងពីមុនភ្ជុំបិណ្ឌឯណ្ណោះ ៕
ចែករំលែកព័តមាននេះ