លោកអាបេ ឈានទៅប្រកាសពីការរំលាយសភា
នាយករដ្ឋមន្ត្រីជប៉ុន លោកស៊ីនហ្សូ អាបេ ត្រូវប្រកាសនាថ្ងៃទី២៥ កញ្ញា ថា
នាយករដ្ឋមន្ត្រីជប៉ុន លោកស៊ីនហ្សូ អាបេ ត្រូវប្រកាសនាថ្ងៃទី២៥ កញ្ញា ថា
ប្រទេសជប៉ុន ៖ នាយករដ្ឋមន្ត្រីជប៉ុន លោកស៊ីនហ្សូ អាបេ ត្រូវប្រកាសនាថ្ងៃទី២៥ កញ្ញា ថា លោកសម្រេចរំលាយសភា ដើម្បីធ្វើការបោះឆ្នោតសភាមុនកាលកំណត់ ក្នុងគោលបំណងឱ្យមានការអនុម័តលើបណ្តាទិសដៅនយោបាយរបស់លោក ។
យោងតាមខុទ្ទកាល័យរបស់លោកថា ប្រមុខរដ្ឋាភិបាលក្នុងសន្និសីទសារព័ត៌មានមួយនាល្ងាចថ្ងៃទី២៥ កញ្ញា ត្រូវលើកហេតុផលពីការសម្រេចចិត្តបែបនេះ ។ ការរំលាយសភាត្រូវប្រកាសនាថ្ងៃទី២៨ កញ្ញា ជាថ្ងៃបើកកិច្ចប្រជុំវិសាមញ្ញរបស់សភា ហើយក្នុងករណីមានការរំលាយសភា នោះការបោះឆ្នោតមួយគ្រោងធ្វើនាថ្ងៃទី២២ តុលា ។
លោកអាបេ ត្រូវបង្ហាញហេតុផលនៃការបោះឆ្នោតមុនកាលកំណត់តាមរយៈភាពចាំបាច់ចង់ដឹងពីជំហររបស់ពលរដ្ឋជប៉ុនលើនយោបាយសេដ្ឋកិច្ចរបស់លោក ព្រមទាំងលើជំហរ ដែលត្រូវប្រកាន់យកចំពោះបញ្ហាកូរ៉េខាងជើង ។
ពួកអ្នកវិភាគយល់ថា ពេលកំពុងមានវិបត្តិកូរ៉េខាងជើងយ៉ាងពេញទំហឹង ការសម្រេចបែបនេះនឹងនាំឱ្យមានការប្រឡោះប្រហោងខាងនយោបាយមួយ ក៏ប៉ុន្តែពលរដ្ឋជប៉ុនគិតថា ការរំលាយសភាបែបនេះហាក់ដូចជារឿងធម្មតាទៅហើយនៅជប៉ុន ។
ពួកប្រឆាំងនឹងពួកអ្នកធ្វើអត្ថាធិប្បាយជាច្រើន និយាយថា លោកអាបេ ធ្វើបែបនេះ ព្រោះចង់បង្កើនប្រជាប្រិយភាពរបស់លោកឡើងវិញ ដោយសារជំហរយ៉ាងម៉ឺងម៉ាត់របស់លោកប្រឈមមុខនឹងការគំរាមកំហែងរបស់ក្រុងព្យុងយ៉ាងជាមួយការបាញ់សាកមីស៊ីលផ្ទួនៗ និងការសាកល្បងនុយក្លេអ៊ែរ ៕
ចែករំលែកព័តមាននេះ