រយៈពេល២ថ្ងៃឃាត់ខ្លួនអ្នកញៀនថ្នាំ៥នាក់បញ្ជូនទៅតុលាការខេត្តសៀមរាប
ខេត្តសៀមរាប ៖ កម្លាំងការិយាល័យប្រឆាំងគ្រឿងញៀ.នខេត្ត បានចូលរួមសហការជាមួយកម្លាំងនគរបាលមូលដ្ឋានសង្កាត់ជ្រាវ
ខេត្តសៀមរាប ៖ កម្លាំងការិយាល័យប្រឆាំងគ្រឿងញៀ.នខេត្ត បានចូលរួមសហការជាមួយកម្លាំងនគរបាលមូលដ្ឋានសង្កាត់ជ្រាវ
ខេត្តសៀមរាប ៖ កម្លាំងការិយាល័យប្រឆាំងគ្រឿងញៀនខេត្ត បានចូលរួមសហការជាមួយកម្លាំងនគរបាលមូលដ្ឋានសង្កាត់ជ្រាវ កម្លាំងប្រជាការពារភូមិ និងកម្លាំងអធិការដ្ឋាននគរបាលស្រុកវ៉ារិន បានចុះបង្ក្រាបករណីជួញដូរដោយខុសច្បាប់នូវសារធាតុញៀន ចំនួន៥នាក់ ក្នុងរយៈពេល២ថ្ងៃ រួចយកមកសួរនាំនៅការិយាល័យជំនាញ ដើម្បីរៀបចំសំណុំរឿងបញ្ជូនទៅតុលាការខេត្ត ចាត់ការតាមផ្លូវច្បាប់ ។
ក្នុងប្រតិបត្តិការបង្ក្រាបករណីគ្រឿងញៀនរយៈពេល២ថ្ងៃនេះ គឺធ្វើឡើងនៅថ្ងៃទី២៣ និងទី២៤ ខែកញ្ញា ឆ្នាំ២០១៧ ស្ថិតនៅសង្កាត់ជ្រាវ ក្រុងសៀមរាប និងភូមិវ៉ារិន ឃុំវ៉ារិន ស្រុកវ៉ារិន ខេត្តសៀមរាប ។ តាមប្រភពពីមន្ត្រីការិយាល័យគ្រឿងញៀនបានប្រាប់ថា ជនសង្ស័យ៥នាក់នោះមាន ៖ ទី១.ឈ្មោះ សឿម ស៊ីស ភេទប្រុស មុខរបរជាងឈើ ទីលំនៅភូមិវ៉ារិន ឃុំវ៉ារិន ស្រុកវ៉ារិន ខេត្តសៀមរាប ទី២.ឈ្មោះ លី គី ភេទប្រុស មុខរបរមិនពិតប្រាកដ ទីលំនៅភូមិរំដួល ឃុំវ៉ារិន ស្រុកវ៉ារិន ខេត្តសៀមរាប ទី៣.ឈ្មោះ ថុល ថៃនិច្ច ភេទប្រុស មុខរបរមិនពិតប្រាកដ ទីលំនៅភូមិវ៉ារិន ឃុំវ៉ារិន ស្រុកវ៉ារិន ខេត្តសៀមរាប ទី៤.ឈ្មោះ គុណ ប៉ុច ភេទប្រុស អាយុ១៩ឆ្នាំ មុខរបរធ្វើស្រែ ទីលំនៅភូមិជ្រាវ សង្កាត់ជ្រាវ ក្រុងសៀមរាប ខេត្តសៀមរាប និងទី៥.ឈ្មោះ ឆែ មាស ភេទប្រុស អាយុ២២ឆ្នាំ មុខរបរមិនពិតប្រាកដ ទីលំនៅភូមិខ្នា សង្កាត់ជ្រាវ ក្រុងសៀមរាប ខេត្តសៀមរាប ។
បន្ទាប់ពីកម្លាំងជំនាញបានឃាត់ខ្លួនជនសង្ស័យទាំង៥នាក់ជាបន្តបន្ទាប់ ក្នុងនោះដកហូតបានវត្ថុតាងរួមមាន ៖ ម្សៅមេតំហ្វេតាមីន ប្រភេទទឹកកក ចំនួន២កញ្ចប់ ស្មើនឹងទម្ងន់០,០២ក្រាម ទាំងសម្បក ទូរស័ព្ទដៃចំនួន៨គ្រឿង ។ បច្ចុប្បន្ន ជនសង្ស័យទាំង៥នាក់ និងវត្ថុតាង ត្រូវបានកម្លាំងជំនាញការិយាល័យប្រឆាំងគ្រឿងញៀនខេត្ត កំពុងរៀបចំកសាងសំណុំរឿងបញ្ចូនទៅសាលាដំបូងខេត្ត ដើម្បីចាត់ការទៅតាមផ្លូវច្បាប់ ៕
ចែករំលែកព័តមាននេះ