លោកឡាវរ៉ូវ ពន្យល់ហេតុអីអាមេរិកមិនហ៊ានវាយប្រហារកូរ៉េខាងជើង
លោកស័រហ្គេយឡាវរ៉ូវ ថ្លែងកាលពីថ្ងៃទី២៤ កញ្ញា ថា
លោកស័រហ្គេយឡាវរ៉ូវ ថ្លែងកាលពីថ្ងៃទី២៤ កញ្ញា ថា
សហរដ្ឋអាមេរិក-រុស្ស៊ី-កូរ៉េខាងជើង ៖ រដ្ឋមន្ត្រីការបរទេសរុស្ស៊ី លោកស័រហ្គេយឡាវរ៉ូវ ថ្លែងកាលពីថ្ងៃទី២៤ កញ្ញា ថា សហរដ្ឋអាមេរិកនឹងពុំហ៊ានវាយប្រហារកូរ៉េខាងជើងឡើយ ព្រោះតែដឹងថា ក្រុងព្យុងយ៉ាងមានគ្រាប់បែកនុយក្លេអ៊ែរ ។
ខណៈមានការគំរាមគ្នាទៅវិញទៅមក រវាងលោកដូណាល់ ត្រាំ នឹងលោកគីម ជុងអ៊ុន ដែលមានសភាពកាន់តែខ្លាំងឡើងនាំឱ្យមានការភ័យខ្លាចពីជម្លោះនុយក្លេអ៊ែរជាយថាហេតុមួយរដ្ឋមន្ត្រីការបរទេសរុស្ស៊ីអះអាងថា ក្រុងវ៉ាស៊ីនតោននឹងពុំវាយប្រហារក្រុងព្យុងយ៉ាងឡើយ ។
ក្នុងបទសម្ភាសន៍មួយជាមួយទូរទស្សន៍រុស្ស៊ី NTV លោកឡាវរ៉ូវ ថ្លែងថា ពួកអាមេរិកនឹងពុំហ៊ានវាយប្រហារកូរ៉េខាងជើងឡើយ ព្រោះពួកគេគ្មានការសង្ស័យតែដឹងថា កូរ៉េខាងជើងមានគ្រាប់បែកនុយក្លេអ៊ែរ ។ សម្រាប់រូបលោកយល់ថា សភាពការណ៍វាពុំដូចគ្នានឹងសភាពការណ៍នៅអីុរ៉ាក់ឡើយ ។ ពួកអាមេរិកហ៊ានវាយប្រហារអីុរ៉ាក់ ដោយសារពួកគេដឹងព័ត៌មានគួរឱ្យជឿជាក់១០០% ថា នៅទីនោះពុំមានអាវុធសម្លាប់រង្គាលណាមួយឡើយ ដូចជាអាវុធគីមីដែលជាលេសវាយប្រហារជាដើម ។ លោកបន្តថា ប្រសិនបើក្រុងវ៉ាស៊ីនតោនពុំគិតដល់ការវិភាគនេះ នោះសភាពការណ៍នឹងអាចមានរបត់មួយដែលគេពុំអាចទាយទុកជាមុនបាន ។
លោកឡាវរ៉ូវ គូសបញ្ជាក់ថា ប្រសិនបើសេណារីយ៉ូនៃការវាយប្រហារកូរ៉េខាងជើងកើតមាន នោះមនុស្សយ៉ាងច្រើននឹងរងគ្រោះនៅកូរ៉េខាងត្បូង កូរ៉េខាងជើង ជប៉ុន រុស្ស៊ី និងចិន ដែលស្ថិតនៅក្បែរ ។ លោកសន្និដ្ឋានថា ការគំរាមគ្នាទៅវិញទៅមករវាងក្រុងវ៉ាស៊ីនតោន និងក្រុងព្យុងយ៉ាងនឹងអាចបញ្ឈប់ តែតាមរយៈការបន្ទន់ឥរិយាបថ និងការបញ្ចុះបញ្ចូល ។
ក្នុងសុន្ទរកថាឯមហាសន្និបាត អ.ស.ប លោកត្រាំ គំរាមកម្ទេចកូរ៉េខាងជើងទាំងស្រុង ចំណែកក្រុងព្យុងយ៉ាងគំរាមតបវិញពីការសាកល្បងគ្រាប់បែកអីុដ្រូហ្សែន គឺគ្រាប់បែក H ដ៏ខ្លាំងបំផុតមួយក្នុងមហាសមុទ្រប៉ាស៊ីហ្វិក ៕
ចែករំលែកព័តមាននេះ