លោកយាយវ័យ៨២ឆ្នាំស្រេកឃ្លានអំពាវនាវរកសប្បុរសជន
ខេត្តស្វាយរៀង ៖ លោកយាយវ័យ៨២ឆ្នាំម្នាក់ ក្រីក្រគ្មានបងប្អូនកូនចៅ នៅលីវក្រមុំចាស់គ្មានទីពឹងរស់នៅក្នុងខ្ទមលើដីអ្នកស្រុក
ខេត្តស្វាយរៀង ៖ លោកយាយវ័យ៨២ឆ្នាំម្នាក់ ក្រីក្រគ្មានបងប្អូនកូនចៅ នៅលីវក្រមុំចាស់គ្មានទីពឹងរស់នៅក្នុងខ្ទមលើដីអ្នកស្រុក
ខេត្តស្វាយរៀង ៖ លោកយាយវ័យ៨២ឆ្នាំម្នាក់ ក្រីក្រគ្មានបងប្អូនកូនចៅ នៅលីវក្រមុំចាស់គ្មានទីពឹងរស់នៅក្នុងខ្ទមលើដីអ្នកស្រុក ហើយនៅជីវិតចុងក្រោយចាស់ជរាស្រេកឃ្លាន គ្មានម្ហូបអាហារបរិភោគ បានអំពាវនាវរកសប្បុរសជនផ្តល់ក្តីមេត្តាករុណា ដាក់ទានជាអំណោយអាហារបរិភោគ ដើម្បីចិញ្ចឹមជីវិតចុងក្រោយ ។
លោកយាយ មាស ខុន អាយុ៨២ឆ្នាំ ចាស់ជរា មានទីលំនៅភូមិថ្នា ឃុំគោកព្រីង ស្រុកស្វាយជ្រំ ។ កាលពីដើមឡើយលោកយាយមានមុខរបរជួយដកស្ទូង និងច្រូតស្រូវឲ្យអ្នកស្រុក គ្រាន់យកប្រាក់ និងស្រូវអង្ករ សម្រាប់ផ្គត់ផ្គង់ជីវភាពប្រចាំថ្ងៃ ក៏ប៉ុន្តែក្រោយមកអ្នកស្រុកឈប់ស្ទូង គឺធ្វើស្រែពង្រោះ ហើយពេលរដូវច្រូតកាត់គេជួលម៉ាស៊ីនច្រូតកាត់ ដូច្នេះរូបគាត់អស់មុខរបរ ក៏ប្តូរមកដើរបេះបន្លែ និងលើកបន្លែគេទូលលក់តាមផ្ទះ គ្រាន់ចិញ្ចឹមជីវិត ។
លោកយាយ មាស ខុន បន្តទៀតថា មួយឆ្នាំចុងក្រោយនេះ លោកយាយមានជំងឺប្រចាំកាយ ជរាគ្មានប្រាក់មើលជំងឺ ខ្វះស្បៀងអាហារ រស់ដោយអ្នកជិតខាងគេឲ្យ ពេលខ្លះគេរវល់ ហើយភ្លេចរូបគាត់ ដាច់បាយ គ្មានអីហូប ធ្វើឲ្យលោកយាយថមថយកម្លាំង ដើរលក់បន្លែលែងកើត ទើបនៅវេលាម៉ោង១១និង០០ព្រឹក ថ្ងៃទី២៥ ខែកញ្ញា ឆ្នាំ២០១៧ ស្រេកឃ្លានអាហារខ្លាំងពេក ទើបសុំឲ្យកាសែតកោះសន្តិភាពចុះផ្សាយ សូមអំពាវនាវរកសប្បុរសជនផ្តល់ក្តីមេត្តាករុណា សុំឧបត្ថម្ភម្ហូបអាហារបរិភោគ សម្រាប់ផ្គត់ផ្គង់ជីវភាពនូវជីវិតចុងក្រោយ សង្ឃឹមថា សប្បុរសជនមេត្តាករុណាផងចុះ ៕
ចែករំលែកព័តមាននេះ