រថយន្តបុករះបន្តគ្នាបីគ្រឿងអ្នកលក់ខ្យងរត់បាតជើងសព្រាតនៅក្រុងស្វាយរៀង
ខេត្តស្វាយរៀង ៖ រថយន្តហ៊ីយិនដាយ បុករថយន្តទូរីស ប៉ើងទៅបុករថយន្តដឹកខ្យងក្រឡាប់លើកំណាត់ផ្លូវជាតិលេខ១
ខេត្តស្វាយរៀង ៖ រថយន្តហ៊ីយិនដាយ បុករថយន្តទូរីស ប៉ើងទៅបុករថយន្តដឹកខ្យងក្រឡាប់លើកំណាត់ផ្លូវជាតិលេខ១
ខេត្តស្វាយរៀង ៖ រថយន្តហ៊ីយិនដាយ បុករថយន្តទូរីស ប៉ើងទៅបុករថយន្តដឹកខ្យងក្រឡាប់លើកំណាត់ផ្លូវជាតិលេខ១ ធ្វើឲ្យអ្នកលក់ខ្យងភ័យស្លន់ស្លោ រត់បាតជើងសព្រាតរកព្រះអាយុរៀងៗខ្លួន សំណាងល្អគ្មានអ្នករងរបួសធ្ងន់ អ្នកបើកបររថយន្តទូរីសរបួសស្រាល ។ ករណីគ្រោះថ្នាក់ចរាចរបុកបន្តគ្នាបីគ្រឿងនេះ កើតឡើងនៅវេលាម៉ោង០៨និង០០ព្រឹក ថ្ងៃទី២៥ ខែកញ្ញា ឆ្នាំ២០១៧ នៅលើកំណាត់ផ្លូវជាតិលេខ១ ត្រង់ចំណុចផ្លូវបំបែកជាបីក្បែរវិទ្យាល័យស្វាយរៀង ស្ថិតនៅភូមិមេភ្លើង សង្កាត់ស្វាយរៀង ក្រុងស្វាយរៀង ។
បើតាមជនរងគ្រោះឈ្មោះ វ៉ា អ៊ន ភេទប្រុស អាយុ៤២ឆ្នាំ ជាអ្នកលក់ខ្យង មានទីលំនៅភូមិចាក់ខ្លាញ់ ឃុំពាមរក្ត៍ ស្រុកពាមរក្ត៍ ខេត្តព្រៃវែង ដែលនៅក្នុងហេតុការនោះបានឲ្យដឹងថា មុនពេលកើតហេតុ រូបគាត់បានបើកបររថយន្តម៉ាកតូយ៉ូតា គូដស្វិត ស៊េរី៩១ កែច្នៃ ពាក់ស្លាកលេខ ភ្នំពេញ ២E-២៩៣៤ ពណ៌ស ដឹកខ្យងពីស្រុកពាមរក្ត៍
ចំនួន៣០០គីឡូក្រាម មកលក់បោះឲ្យម៉ូយនៅស្វាយរៀង ចំណុចកើតហេតុខាងលើ ខណៈចូលចតលើចិញ្ចើមថ្នល់ខាងស្តាំដៃ និងកំពុងលើកខ្យងថ្លឹងឲ្យម៉ូយ បាន១០០គីឡូ ស្រាប់តែឃើញរថយន្តទូរីស១គ្រឿង ពណ៌ស ដឹកទំនិញ ពាក់ស្លាកលេខ ភ្នំពេញ ២AI-៨៩៤០ បើកបរពីទិសខាងលិចមកកើតយ៉ាងលឿន ស្របពេលនោះក៏មានរថយន្តមួយគ្រឿងទៀតម៉ាកហ៊ីយិនដាយ ពណ៍ស ដឹកទំនិញ ពាក់ស្លាកលេខ ភ្នំពេញ ៣D-៩៧៥០ បើកបរពីទិសខាងកើតមកលិច បញ្ច្រាសទិសគ្នាយ៉ាងលឿន លុះមកដល់កន្លែងកើតហេតុខាងលើ ស្រាប់តែរេចង្កូតមកឆ្វេងជ្រុលមកបុករថយន្តទូរីសពីមុខពេញទំហឹង លាន់ដូចរន្ទះបាញ់ស្នូរគ្រាំង ប៉ើងខ្ទាតរថយន្តទូរីសមកក្រោយ៣ម៉ែត្រក្រឡាប់បុកទៅកិនលើរថយន្តរបស់គាត់ចតស្ងៀមក្រឡាប់ និងធ្វើឲ្យរូបគាត់ និងប្រពន្ធ ព្រមទាំងម៉ូយមកទិញខ្យងភ័យស្លន់ស្លោ រត់បាតជើងសព្រាតយកព្រះអាយុរៀងៗខ្លួន ចំណែកអ្នកបើកបររថយន្តបង្ករត់គេចខ្លួនបាត់ស្រមោលបន្សល់ទុករថយន្តនៅកន្លែងកើតហេតុ ។
រថយន្តបង្កខូចខាតយ៉ាងដំណំខ្ទេចកាប៊ឺនខាងមុខទាំងស្រុង ឬឯរថយន្តទូរីសក៏ខូចខាតកាប៊ីនខាងបែកខាងឆ្វេងយ៉ាងដំណំដែរ ចំណែករថយន្តកាម៉ារីគូដស្វិត ខូចកំពឹតមួយចំហៀងខាងឆ្វេងស្រាល ធ្វើឲ្យស្ទះចរាចរណ៍អស់កន្លះម៉ោង ។ ក្រោយមកនគបាលចរាចរណ៍ស្នងការនគបាលខេត្តមកធ្វើការវាស់វែង រួចហៅរថយន្តស្ទូចយកទៅរក្សាទុកនៅការិយាល័យនគបាលចរាចរណ៍ជើងគោកស្នងកានគបាលខេត្ត ដើម្បីកសាងសំណុំរឿងដោះស្រាយតាមនីតិវិធី ។ តាមការសន្និដ្ឋានរបស់សមត្ថកិច្ច សង្ស័យអ្នកបើកបររថយន្តបង្ក ម៉ាកហ៊ីយិនដាយ ងងុយដេកងោកបាត់បង់ម្ចាស់ការ ទើបបង្កឲ្យគ្រោះថ្នាក់ចរាចរបែបនេះ ៕
ចែករំលែកព័តមាននេះ