សាររបស់អាមេរិកចំពោះកូរ៉េខាងជើង
សហរដ្ឋអាមេរិក-ប្រទេសកូរ៉េខាងជើង ៖ ក្រោយការបន្តឹងវោហាសាស្ត្រ គឺការបង្ហាញ
សហរដ្ឋអាមេរិក-ប្រទេសកូរ៉េខាងជើង ៖ ក្រោយការបន្តឹងវោហាសាស្ត្រ គឺការបង្ហាញកម្លាំង ដោយកាលពីថ្ងៃទី២៣ កញ្ញា បណ្តាយន្តហោះទម្លាក់គ្រាប់បែកយុទ្ធ សាស្ត្រអាមេរិកបានហោះហើរជិតឆ្នេរសមុទ្រកូរ៉េខាងជើងជាការបញ្ជូនសារយ៉ាងច្បាស់មួយចំពោះក្រុងព្យុងយ៉ាង ដែលការបង្កហេតុនានា ព្រមទាំងមហិច្ឆតានុយក្លេអ៊ែររបស់ប្រទេសនេះញ៉ាំងឱ្យមានភាពតានតឹងខ្លាំងថ្មីរវាងប្រទេសទាំង២ ។
ការហោះហើរនេះរបស់កងយន្តហោះទម្លាក់គ្រាប់បែកយុទ្ធសាស្ត្រអាមេរិកធ្វើឡើងពេលដែលសហគមន៍អន្តរជាតិមានការសង្ស័យលើការសាកល្បងនុយក្លេអ៊ែរថ្មីរបស់កូរ៉េខាងជើង និងក្នុងខណៈដែលប្រធានាធិបតីអាមេរិក និងមេដឹកនាំកូរ៉េខាងជើង លោកគីម ជុងអ៊ុន បានប្រើភាសាគំរាមគ្នាកាន់តែខ្លាំង ។
ក្នុងសេចក្តីប្រកាសមួយ លោកស្រី DANA WHITE អ្នកនាំពាក្យមន្ទីរប៉ង់តាហ្គោននិយាយថា គឺនៅចុងខាងជើងនៃតំបន់ហាមមិនឱ្យមានកងទ័ព ដែលយន្តហោះអាមេរិក១គ្រឿង ឬយន្តហោះទម្លាក់គ្រាប់បែកយុទ្ធសាស្ត្រ១គ្រឿងហោះកាត់ពីលើដែនទឹកនៃឆ្នេរសមុទ្រកូរ៉េខាងជើងនាសតវត្សទី២១នេះ ។ លោកស្រីគូសបញ្ជាក់ថា បែបនេះ ព្រោះតែយើងចាប់អារម្មណ៍ខ្លាំងចំពោះឥរិយាបថប្រកបដោយគ្រោះថ្នាក់របស់កូរ៉េខាងជើង ។ បេសកកម្មនេះធ្វើឡើងដោយយន្តហោះទម្លាក់គ្រាប់បែកយុទ្ធសាស្ត្រធុន B-1B មួយគ្រឿង និងយន្តហោះប្រដេញ F-15 មួយគ្រឿងជាការបង្ហាញពីការប្តេជ្ញាចិត្តរបស់អាមេរិក ព្រមទាំងជាសារច្បាស់មួយថា ប្រធានាធិបតីមានការជ្រើសរើសខាងយោធាជាច្រើនដើម្បីប្រឈមមុខនឹងរាល់ការគំរាមកំហែង ។
លោកស្រីបន្តថា យើងត្រៀមប្រើរាល់ហ្គេមនៃសមត្ថភាពយោធារបស់យើង ដើម្បីការពារសហរដ្ឋអាមេរិក និងបណ្តាសម្ព័ន្ធមិត្តយើង ។
ប៉ុន្មានម៉ោងក្រោយមក ប្រមុខការទូតកូរ៉េខាងជើងលោក RI YONG HO នៅ អ.ស.ប បានបរិហារពាក្យពេចន៍ទាំងឡាយកាលពីសប្តាហ៍កន្លងទៅរបស់លោកត្រាំ ប្រឆាំងប្រទេសលោក ដោយចាត់ទុកប្រធានាធិបតីអាមេរិកថាជា «មនុស្សមេរំខាន» ជា «មនុស្សឆ្កួតយស» និងជា «ស្តេចកុហក» ។ នៅឯមហាសន្និបាតប្រចាំឆ្នាំរបស់ អ.ស.ប រដ្ឋមន្ត្រីរូបនេះបន្តថា ប្រមុខរដ្ឋអាេមរិកក៏ចាត់ទុកដូចជាអ្នកលេងម្នាក់ដោយជះពាក្យពេចន៍ហិង្សា និងគ្មានការប្រុងប្រយ័ត្ននានា ហើយបច្ចុប្បន្នតំណាងឱ្យការគំរាមកំហែងយ៉ាងធំមួយចំពោះសន្តិភាព ។
លោក RI YONG HO ក៏បានជួបជាលើកដំបូងដែរជាមួយប្រមុខ អ.ស.ប លោក ANTONIO GUTERRES ។ លោក GUTERRES បានសម្តែងពីការព្រួយបារម្ភរបស់លោកចំពោះការកើនឡើងនៃភាពតានតឹង ហើយគូសបញ្ជាក់ពីភាពចាំបាច់នៃការស្វែងរកដំណោះស្រាយនយោបាយមួយចំពោះវិបត្តិ ។
ការភ័យខ្លាចពីការសាកល្បងនុយក្លេអ៊ែរថ្មីរបស់កូរ៉េខាងជើង កើតមានកាលពីថ្ងៃទី២៣ កញ្ញា តាមរយៈការរញ្ជួយដីកម្លាំង៣,៥រីស្ទ័រមួយនៅកូរ៉េខាងជើងដែលពួកអ្នកជំនាញការយល់ថា វាអាចជាការរញ្ជួយមួយក្រោយការសាកល្បងនុយក្លេអ៊ែរមានកម្លាំងខ្លាំងមួយកាលពីថ្ងៃទី៣ កញ្ញា ។
ទីភ្នាក់ងារឧតុនិយមកូរ៉េខាងត្បូង KMA យល់ថា នេះជាការរញ្ជួយដីធម្មជាតិមួយប៉ុណ្ណោះ ៕
ចែករំលែកព័តមាននេះ