ខេត្តបាត់ដំបង ៖ អ្នកលេងល្បែងបញ្ជល់មាន់រាប់សិបនាក់បានរត់យករួចខ្លួនចោលម៉ូតូ និងមាន់ជល់ ពេលកម្លាំងសមត្ថកិច្ចស្រុកភ្នំព្រឹក ចុះទៅឡោមព័ទ្ធសង្វៀន ខណៈដែលកំពុងលេងល្បែងជល់មាន់ភ្នាល់ដាក់ប្រាក់ កាលពីវេលាម៉ោង១៣និង១០នាទីថ្ងៃទី១៤ ខែមីនា ឆ្នាំ២០២៣ ត្រង់ចំណុចសៃឡូ ស្ថិតក្នុងភូមិបួរ ឃុំបួរ ស្រុកភ្នំព្រឹក ខេត្តបាត់ដំបង ។
លោកវរសេនីយ៍ទោ ហេង បារាំង អធិការនគរបាលស្រុកភ្នំព្រឹក បានដឹកនាំកម្លាំងជំនាញផ្នែកនគរបាលយុត្តិធម៌ រួមជាមួយកម្លាំងប៉ុស្តិ៍នគរបាលរដ្ឋបាលបួរ ចុះប្រតិបត្តិការបង្ក្រាបល្បែងស៊ីសងខុសច្បាប់ (ជល់មាន់) មួយកន្លែង ឃាត់ខ្លួនមនុស្សចំនួន០៧នាក់ មកកាន់អធិការដ្ឋាន ដើម្បីធ្វើការសាកសួរស្រាវជ្រាវ ។
អ្នកប្រព្រឹត្តិល្បែងស៊ីសងខុសច្បាប់ទាំង៧នាក់ រួមមាន ៖
១. ឈ្មោះ គឹម អន ភេទប្រុស អាយុ៥៧ឆ្នាំ មានទីលំនៅភូមិដំណាក់បេង ឃុំបួរ ស្រុកភ្នំព្រឹក ខេត្តបាត់ដំបង មុខរបរលក់ទឹក។
២. ឈ្មោះ កែ ជី ភេទប្រុស អាយុ៥៥ឆ្នាំ មានទីលំនៅភូមិស្តីលើ ឃុំកុយមែង ស្រុកមង្គលបូរី ខេត្តបន្ទាយមានជ័យមុខរបរ កាយដី។
៣. ឈ្មោះ ហែម អាន ភេទប្រុស អាយុ៥៧ឆ្នាំ មានទីលំនៅភូមិអូរកណ្តោល ឃុំសន្តិភាព ស្រុកសំពៅលូន ខេត្តបាត់ដំបង មុខរបរកសិករ ។
៤. ឈ្មោះ ក្រូច ភាន់ ភេទប្រុស អាយុ៥៤ឆ្នាំ មានទីលំនៅភូមិអូរកណ្តោល ឃុំសន្តិភាព ស្រុកសំពៅលូន ខេត្តបាត់ដំបង មុខរបរកសិករ ។
៥. ឈ្មោះ ដាច់ សារ៉េត ភេទប្រុស អាយុ៥៨ឆ្នាំ មានទីលំនៅភូមិដំណាក់បេង ឃុំបួរ ស្រុកភ្នំព្រឹក ខេត្តបាត់ដំបង មុខរបរ កម្មករ។
៦. ឈ្មោះ អឿ ណាម៉ូ ភេទប្រុសអាយុ៥៧ឆ្នាំ មានទីលំនៅភូមិអូរកណ្តោល ឃុំសន្តិភាព ស្រុកសំពៅលូនខេត្តបាត់ដំបង មុខរបរ លក់ទឹក ។
និង៧. ឈ្មោះ ឆាយ លីមហ៊ន់ ភេទប្រុស អាយុ៣២ឆ្នាំ មានទីលំនៅភូមិអន្លងស្តី ឃុំបួរ ស្រុកភ្នំព្រឹក ខេត្តបាត់ដំបង មុខរបរ កម្មករ ។
សមត្ថកិច្ចបានធ្វើការដកហូតវត្ថុតាង រួមមាន ៖
-សង្វៀនមាន់ចំនួន ០១ដុំ
-មាន់ចំនួន ១០ក្បាល (ងាប់អស់ ០៣ក្បាល)
-ស៊ុមដាក់មានចំនួន ០៥ស៊ុម
-ជញ្ជីងចំនួន ០១គ្រឿង
-ឆ្នាំងចំនួន ០១, កាធុន ចំនួន ០១, ឡាំងស្ពេត្រូ ចំនួន០១
-ប្រាក់រៀលសរុបចំនួន ៥៦០,០០០រៀល (ហាសិបប្រាំមួយម៉ឺនរៀល)
-ម៉ូតូចំនួន ០៣គ្រឿង ។
បច្ចុប្បន្ន ជនសង្ស័យ និងវត្ថុតាងខាងលើ ត្រូវបានសមត្ថកិច្ចកសាងសំណុំរឿងបញ្ជូនមកសាលាដំបូងខេត្តបាត់ដំបង ដើម្បីចាត់ការតាមនីតិវិធីច្បាប់ ៕
ចែករំលែកព័តមាននេះ