ម៉ូតូបត់មិនប្រយ័ត្នម៉ូតូមួយគ្រឿងទៀតបុកពីក្រោយពេញទំហឹង
ខេត្តស្វាយរៀង ៖ យ៉ាងហោចណាស់ស្ត្រី២នាក់ម្តាយកូនរងរបួសធ្ងន់ បុរស់ម្នាក់របួសស្រាល
ខេត្តស្វាយរៀង ៖ យ៉ាងហោចណាស់ស្ត្រី២នាក់ម្តាយកូនរងរបួសធ្ងន់ បុរស់ម្នាក់របួសស្រាល
ខេត្តស្វាយរៀង ៖ យ៉ាងហោចណាស់ស្ត្រី២នាក់ម្តាយកូនរងរបួសធ្ងន់ បុរស់ម្នាក់របួសស្រាល កាលពីវេលាម៉ោង0២និង២០នាទីរសៀល ថ្ងៃទី២៤ ខែកញ្ញា ឆ្នាំ២០១៧ នៅលើកំណាត់ផ្លូវជាតិលេខ១ ចន្លោះគីឡូម៉ែត្រលេខ ១៥៤-១៥៥ ស្ថិតក្នុងភូមិថ្មី សង្កាត់ច្រកម្ទេស ក្រុងបាវិត ។
បើតាមសមត្ថកិច្ចបានឲ្យដឹងថា មានករណីគ្រោះថ្នាក់ចរាចរណ៍កើតឡើងរវាងម៉ូតូ និងម៉ូតូ ក្នុងទិសដៅស្របគ្នាពីកើតទៅលិច លុះមកដល់ចំណុចកើតហេតុ ស្រាប់តែស្ត្រីបើកបរខាងមុខបត់ឆ្វេង ស្របពេលនោះក៏មានបុរសម្នាក់ជិះម៉ូតូមកពីក្រោយយ៉ាងលឿនចាប់ហ្វ្រាំងមិនទាន់ ក៏បុកចំពាក់កណ្តាលម៉ូតូពេញទំហឹង លាន់ឮដូចរន្ទះ បណ្តាលឲ្យដួលបោកទៅលើថ្នល់កៅស៊ូទាំងអស់គ្នាងរងរបួសធ្ងន់ស្រាល ដេកសន្លប់រដូករណែលតែម្តង ។ ភាគីទី១ ជិះម៉ូតូម៉ាកសេ២១៥ ស៊េរី២០១២ ពាក់ស្លាកលេខ ស្វាយរៀង ១E-២៧៥៨ ពណ៌ខ្មៅ បើកបរដោយឈ្មោះ ម៉ៅ សានី ភេទស្រី អាយុ៣០ឆ្នាំ ជនជាតិខ្មែរ មុខរបរកម្មការិនីរោងចក្រ រស់នៅភូមិព្រៃផ្តៅ សង្កាត់ច្រកម្ទេស ក្រុងបាវិត (មិនពាក់មួកសុវត្ថិភាព ម៉ូតូមានកញ្ចក់មើលក្រោយ) បណ្តាលឲ្យរងរបួសធ្ងន់បាក់ដងកាំបិតខាងឆ្វេង បញ្ចួនទៅព្យាបាលនៅមន្ទីរពេទ្យប្រទេសវៀតណាម ។
កូនអ្នករួមដំណើរឈ្មោះ ម៉ន ស្រីមួយ ភេទស្រី អាយុ១៦ឆ្នាំ ជនជាតិខ្មែរ មុខរបរសិស្ស រស់នៅភូមិសង្កាត់ជាមួយគ្នា (មិនពាក់មួកសុវត្ថិភាព) រងរបួសធ្ងន់បញ្ជួនទៅព្យាបាលនៅមន្ទីរពេទ្យបង្អែកជីភូ ។ ភាគីទី២ ជិះម៉ូតូម៉ាកសេ២១៥ ស៊េរី២០១៦ ពាក់ស្លាកលេខ ស្វាយរៀង ១E-៣២៧១ ពណ៌ខ្មៅ បានមកបុកពីក្រោយចំពាក់កណ្តាលម៉ូតូ ដែលបើកបរឈ្មោះ ជ័យ សំ ភេទប្រុស អាយុ២៦ឆ្នាំ ជនជាតិខ្មែរ មុខរបរកម្មករសំណង់ មានទីលំនៅភូមិច្រកលាវ ឃុំព្រៃគគីរ ស្រុកចន្ទ្រា បណ្ដាលឲ្យរងរបួសស្រាល បញ្ជូនទៅព្យាបាលនៅមន្ទីរពេទ្យបង្អែកជីភូ (មានមួកសុវត្ថភាព ម៉ូតូមានកព្ចាក់មើលក្រោយ) ។
វត្ថុតាងម៉ូតូ២គ្រឿងខូចខាតធ្ងន់ សមត្ថកិច្ចបានយកមករក្សាទុកនៅអធិការដ្ឋាននគរបាលក្រុងបាវិត ដើម្បីបំពេញសំណុំរឿងតាមនីតិវិធី ។ មូលហេតុបើកបរល្បឿនលឿន និងបត់ឆ្វេងខ្វះការប្រុងប្រយ័ត្ន ៕
ចែករំលែកព័តមាននេះ