តើនឹងមានអ្វីកើតឡើងប្រសិនបើ Uber មិនអាចដំណើរការ?
កាលពីថ្ងៃទី២៤ កញ្ញា កន្លងមក អាជ្ញាធរដឹកជញ្ជូនបាននិយាយថា
ទីក្រុងឡុងដ៍ ៖ កាលពីថ្ងៃទី២៤ កញ្ញា កន្លងមក អាជ្ញាធរដឹកជញ្ជូនរបស់ទីក្រុងឡុងដ៍បាននិយាយថា ក្រុមហ៊ុន Uber មិនទាន់ស័ក្ដិសមសម្រាប់ដំណើរការក្នុងទីក្រុងនេះទេ។ ទីក្រុងអាចនឹងមិនចេញលិខិតអនុញ្ញាតឲ្យដំណើរការថ្មីដល់ក្រុមហ៊ុននេះឡើយ ។
មានការចោទប្រកាន់ថា ក្រុមហ៊ុននេះបានប្រើប្រាស់ Software ឈ្មោះថា Greyball ដើម្បីទប់ស្កាត់មិនឲ្យនិយ័តករ និងអ្នកអនុវត្តច្បាប់តាមដានកម្មវិធីទូរស័ព្ទរបស់ខ្លួន ។ Uber និយាយថា ពួកគេមិនដែលបានប្រើប្រាស់ ឬគិតថា នឹងប្រើប្រាស់ Software នេះក្នុងចក្រភពអង់គ្លេសទេ ។
យ៉ាងណាក្តី ទីក្រុងឡុងដ៍មិនចង់ផ្តល់លិខិតអនុញ្ញាតដល់ក្រុមហ៊ុននេះទេ ។ Uber បាននិយាយថា មនុស្សប្រមាណ៣,៥លាននាក់បានប្រើប្រាស់សេវាកម្មរបស់ខ្លួន តាំងពីចាប់ផ្តើមដំណើរការក្នុងទីក្រុងឡុងដ៍កាលពីឆ្នាំ២០១២ មក។ ពួកគេបន្ថែមថា អ្នកបើកបរប្រមាណ៤ម៉ឺននាក់របស់ពួកគេនឹងទទួលរងផលប៉ះពាល់ ។
ក្រុមហ៊ុនមានរយៈពេល២១ថ្ងៃ ក្នុងការប្តឹងឧទ្ធរណ៍លើការសម្រេចចិត្តនេះ ។
លោក Kartik Hosanagar សាស្ត្រាចារ្យម្នាក់ក្នុងសាកលវិទ្យាល័យ Pennsylvania បានឲ្យដឹងថា ៖« វាជាការសម្រេចចិត្តដ៏សំខាន់មួយ ព្រោះមិនមែនមកពីទីក្រុងនេះជាទីផ្សារដ៏ធំសម្រាប់តាក់ស៊ីទេ តែមកពីវាអាចធ្វើឲ្យទីក្រុងដទៃធ្វើតាមការសម្រេចចិត្តនេះ » ។
Uber បាននិយាយថា ពួកគេនឹងប្រឆាំងការសម្រេចចិត្តនេះក្នុងតុលាការ ។
កាលពីខែកក្កដា Uber ត្រូវបានបង្ខំឲ្យចាកចេញពីទីក្រុងម៉ាកាវ ខណៈចម្រាញ់ចូលជាមួយក្រុមហ៊ុន Yandex ជាដៃគូប្រកួតប្រជែងក្នុងប្រទេសរុស្ស៊ី ។ កាលពីឆ្នាំមុន Uber ក៏បានលក់អាជីវកម្មក្នុងប្រទេសចិន ទៅកាន់ដៃគូប្រកួតប្រជែងរបស់ខ្លួនគឺ Didi Chuxing ផងដែរ ។
ក្នុងអំឡុងពេលប្តឹងឧទ្ធរណ៍ Uber អាចនឹងងាកទៅកាន់ការបង្កើតថ្មី ដែលពួកគេបានបន្តអស់រយៈពេល២ឆ្នាំមកហើយដើម្បីបង្កើនសុវត្ថិភាព និងសន្តិសុខ ៕
ចែករំលែកព័តមាននេះ