សម្តេចតេជោ ហ៊ុន សែន ៖ យ៉ាងតិចណាស់ខ្ញុំរស់នៅបាន ៣០ ឆ្នាំទៀតដែរ
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានថ្លែងថា
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានថ្លែងថា
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានថ្លែងថា សម្តេចជឿជាក់ថាវាមិនមែនជារឿងលំបាកសម្រាប់សម្តេចក្នុងការបន្តការងារ ១០ឆ្នាំជានាយករដ្ឋមន្ត្រីមិនមែនជារឿងលំបាកនោះទេ ហើយសម្តេចសង្ឃឹមថា ប្រជាពលរដ្ឋនៅបន្តគាំទ្រ ។
ថ្លែងក្នុងពិធីបិទទ្វាទឹកទំនប់វារីអគ្គិសនីសេសានក្រោម២ នៅខេត្តស្ទឹងត្រែង សម្តេចតេជោហ៊ុន សែន បានបញ្ជាក់ថា ខេត្តស្ទឹងត្រែងទទួលបានសមិទ្ធផលច្រើនណាស់ពីរាជរដ្ឋាភិបាលតាមរយៈហិរញ្ញប្បទានពីប្រទេសចិន ហើយខេត្តនេះគឺបានបោះឆ្នោតឲ្យគណបក្សប្រជាជនច្រើនណាស់កាលពីពេលបោះឆ្នោតកន្លងទៅ។
សម្តេចតេជោបានបញ្ជាក់ថា៖ «ហើយខ្ញុំជឿជាក់លើខ្លួនឯងថា យ៉ាងហោចណាស់… យ៉ាងតិចណាស់ខ្ញុំរស់នៅបាន ៣០ ឆ្នាំទៀតដែរ ។ អញ្ចឹងការបន្តធ្វើនាយករដ្ឋមន្ត្រី ១០ឆ្នាំទៀត មិនមែនជាបញ្ហាលំបាកសម្រាប់ខ្ញុំទេ» ។ សម្តេចក៏បានអំពាវនាវឲ្យប្រជាពលរដ្ឋបន្តបោះឆ្នោតជូនគណបក្សកាន់អំណាច ដើម្បីបានបន្តការអភិវឌ្ឍន៍ប្រទេសទៅមុខទៀត។
ក្នុងឱកាសនោះដែរសម្តេចក៏បានរម្លឹកថា មានមនុស្សច្រើនណាស់ដែលចង់បង្អាក់ដំណើរការនៃការសាងសង់ទំនប់វារីអគ្គិសនីសេសានក្រោម២នេះ ព្រោះតែមានបំណងមិនល្ អដើម្បីឲ្យរាជរដ្ឋាភិបាលបញ្ឈប់គម្រោងការ បែរជាមកបន្លាចថ្នាក់ដឹកនាំរាជរដ្ឋាភិបាលទៅវិញ។ ដូចជាកាលពីប្រហែលជា ៥ ឆ្នាំមុន មានអគ្គរដ្ឋទូតមួយមកបានទៅជួបជាមួយសម្តេច បានលើកឡើងនូវរឿងមួយគួរឲ្យភ្ញាក់ផ្អើលខ្លាំងណាស់ ដែលអ្នកការទូតរបៀបនេះ មកនិយាយជាមួយសម្តេចថា វារីអគ្គិសនីសេសានធ្វើឲ្យប៉ះពាល់ដល់ត្រីចំនួន ៧០% … គាត់និយាយអស់ហើយ ទើបសម្តេចសួរបកទៅវិញថា គួរឲ្យភ្ញាក់ផ្អើលខ្លាំងណាស់ ព្រោះថា ត្រីនៅប្រទេសខ្ញុំ ចេះឡើងដើមឈើ… ហើយចេះឡើងភ្នំ ។ ព្រោះត្រីរបស់កម្ពុជានៅទន្លេសាប ទន្លេមេគង្គ មិនមែនមកនៅទន្លេសេសានទេ …។ យ៉ាងណាមិញ សម្តេចស្នើឲ្យមន្ត្រីរាជការ និងប្រជាពលរដ្ឋ ពេលទំនប់ធ្វើរួចចូលព្រលែងកូនត្រីឲ្យច្រើនទៅច្បាស់ជាសំបូរត្រីហើយ ។
សម្តេចក៏បានបញ្ជាក់ថា ថ្ងៃទី ២៤ កញ្ញា គឺជាទិវារដ្ឋធម្មនុញ្ញកម្ពុជានោះ ក៏មានអ្នកវិភាគខ្លះបាននិយាយរំលោភលើសិទ្ធិផ្តាច់មុខរបស់ក្រុមប្រឹក្សាធម្មនុញ្ញទៀតផង។
សម្តេចតេជោ ហ៊ុន សែនបញ្ជាក់ថា៖ «ហើយសង្ឃឹមអ្នកវិភាគទាំងឡាយគួរតែសិក្សា អំពីរដ្ឋធម្មនុញ្ញឲ្យបានច្បាស់បន្តិច ។ មានអ្នកខ្លះសូម្បីតែខ្ញុំប្រតិកម្មជាមួយស្ថានទូតបរទេសមួយដែលមើលងាយកម្ពុជា ក៏គេស្នើ គេថា «យើងមិនទាន់ប្រជុំសភាផង ទៅនិយាយ។ ឱ! អ្នកវិភាគអើយ! ហើយបណ្ឌិតទៀតណា ខ្លួនឯងធ្វើជាអ្នកវិភាគ ធ្វើជាអ្នកច្បាប់ ប៉ុន្តែហ៊ានបកស្រាយរដ្ឋធម្មនុញ្ញ ដែលជាសិទ្ធិផ្តាច់មុខរបស់ក្រុមប្រឹក្សាធម្មនុញ្ញទៅវិញ» ៕
ចែករំលែកព័តមាននេះ