បក្សប្រឆាំងនឹងធ្វើយុទ្ធនាការទាមទារឲ្យដោះលែងលោក កឹម សុខា
រាជធានីភ្នំពេញ ៖ គណបក្សសង្គ្រោះជាតិបានសម្រេចថា
រាជធានីភ្នំពេញ ៖ គណបក្សសង្គ្រោះជាតិបានសម្រេចថា
រាជធានីភ្នំពេញ ៖ គណបក្សសង្គ្រោះជាតិបានសម្រេចថា នឹងលើកបដាទូទាំងប្រទេស ទាមទារឲ្យដោះលែងលោក កឺម សុខា ប្រធានគណបក្សប្រឆាំង ដោយគ្មានលក្ខខណ្ឌ។ នេះបើតាមលើកឡើងរបស់លោក ប៉ុល ហំម អនុប្រធាបបក្សសង្គ្រោះជាតិក្នុងសន្និសីទកាសែតនៅព្រឹកថ្ងៃទី២៥ ខែកញ្ញា នៅទីស្នាក់ការគណបក្សសង្គ្រោះជាតិ រាជធានីភ្នំពេញ ។
ចំណែកឯលោក សុន ឆ័យ អ្នកតំណាងរាស្ត្រមួយរូបរបស់បក្សប្រឆាំងបានលើកឡើងថា លោក កឹម សុខា ដែលកំពុងតែជាប់ឃុំនៅពន្ធនាគារត្រពាំងផ្លុង ក្នុងខេត្តត្បូងឃ្មុំក្រោយពីត្រូវចោទប្រកាន់ថា «ក្បត់ជាតិ» នោះ គឺ «គ្មានទោសទេ» ហើយបក្សសង្គ្រោះជាតិនៅតែតស៊ូមតិបន្តទៀត។ ថ្ងៃស្អែកនេះ គឺចំថ្ងៃទី២៦ ខែកញ្ញា ក្រុមសភាបក្សនឹងចូលរួមស្តាប់សវនាការសាលាឧទ្ធរណ៍ដែលនឹងធ្វើសវនាការបណ្តឹងក្រុមមេធាវីរបស់លោក កឹម សុខា ប្រឆាំងនឹងការឃុំខ្លួនកូនក្តីរបស់ខ្លួន ។
លោកបានទាមទារឱ្យតុលាការកាត់សេចក្តីត្រូវនឹងយុត្តិធម៌ចំពោះលោក កឹម សុខា ។ ក្រុមអ្នកតំណាងរាស្ត្រនឹងបន្តដាក់លិខិត ដើម្បីសុំជួបលោក កឹម សុខា នៅសប្តាហ៍ក្រោយបន្តទៀត។ យ៉ាងណាមិញ គណបក្សប្រឆាំងបានបញ្ជាក់ជំហរជាថ្មីម្តងទៀតថា បើទោះបីជាស្ថានភាពនយោបាយបច្ចុប្បន្នមិនសូវគាប់ប្រសើរក៏ដោយ ក៏គណបក្សប្រឆាំងនៅតែបន្តដំណើរទៅចូលរួមការបោះឆ្នោតថ្នាក់ជាតិនៅឆ្នាំ២០១៨ដដែល ប៉ុន្តែទាមទារឱ្យមានការប្រកួតប្រជែងដោយស្មើរភាព និងត្រឹមត្រូវ ៕
ចែករំលែកព័តមាននេះ